Enter your Email Address to subscribe to our newsletters
Kozhikode, 29 നവംബര്‍ (H.S.)
കോഴിക്കോടബേബി മെമ്മോറിയല്‍ ആശുപത്രിയില്‍ തീപിടിത്തം. ആശുപത്രിയിലെ സി ബ്ലോക്കിലെ എ.സി പ്ലാന്റിനാണ് തീപിടിച്ചത്. ഒന്‍പതാം നിലയില്‍ എ.സി പ്ലാന്റിന്റെ നിര്‍മാണ പ്രവര്‍ത്തനങ്ങള്‍ നടക്കുക ആയിരുന്നു. ഈ ഭാഗത്താണ് തീപിടിച്ചത്. കറുത്ത പുകയോടെ തീ ആളി കത്തിയത് വലിയ ആശങ്കയുണ്ടാക്കി. ഈ ബ്ലോക്കില്‍ രോഗികള്‍ ഇല്ലാത്തത് ആണ് രക്ഷയായത്.
രിവലെ ഒന്‍പതരയോടെയാണ് തീപിടുത്തം ഉണ്ടായത്. ആശുപത്രിയിലെ ഉപകരണങ്ങള്‍ ഉപയോഗിച്ച് ജീവനക്കാരാണ് ആദ്യം തീയണയ്ക്കാന്‍ ശ്രമം നടത്തിയത്. പിന്നാലെ അഗ്‌നിശമന സേന സ്ഥലത്തെത്തി. പുക കനത്തതോടെ എട്ടാം നിലയില്‍ നിന്ന് രോഗികളെ അതിവേഗം പുറത്തേക്ക് എത്തിച്ചു. കൂടുതല്‍ നിലകളിലെ രോഗികളേയും മാറ്റുന്നുണ്ട്.
ആര്‍ക്കും പരിക്കേറ്റിട്ടില്ലെന്നാണ് പുറത്തു വരുന്ന വിവരം. ഇപ്പോള്‍ തീ പൂര്‍ണ്ണമായും നിയന്ത്രണവിധേയമായിട്ടുണ്ട്. തീപിടുത്തതിന്റെ കാരണം കണ്ടെത്താനുള്ള പരിശോധനകള്‍ തുടങ്ങിയിട്ടുണ്ട്.
---------------
Hindusthan Samachar / Sreejith S
