Trivandrum, 18 ഒക്റ്റോബര്‍ (H.S.)

തിരുവനന്തപുരം: സംസ്ഥാനത്ത് ശക്തമായ മഴ തുടരുന്നു. ഇന്ന് ഒമ്പത് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലേർട്ട്. തെക്ക് കിഴക്കൻ അറബിക്കടലിന് മുകളിൽ സ്ഥിതിചെയ്യുന്ന ചക്രവാതച്ചുഴി വരും മണിക്കൂറുകളിൽ ന്യൂനമർദ്ദമായി മാറാനുള്ള സാധ്യതയുണ്ട്. അടുത്ത 24 മണിക്കൂറിനുള്ളിൽ ഇത് തീവ്ര ന്യൂനമർദ്ദമായും മാറും. അടുത്ത അഞ്ച് ദിവസം ഇടിമിന്നലോടു കൂടിയ ശക്തമായ മഴയ്ക്ക് സാധ്യതയുള്ളതിനാൽ ജാഗ്രത നിർദ്ദേശവും നൽകിയിട്ടുണ്ട്.

കേരള - കർണാടക - ലക്ഷദ്വീപ് തീരങ്ങളിൽ ഇന്ന് ഒക്ടോബര്‍ 21 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

21/10/2025 വരെ: കേരള - കർണാടക തീരങ്ങളിലും അതിനോട് ചേർന്ന കടൽ പ്രദേശങ്ങളിലും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നാണ് റിപോർട്ടുകൾ പുറത്ത് വരുന്നത്.

നേരത്തെ അതിശക്തമായ മഴയെ തുടർന്ന് ഇടുക്കിയിൽ വെള്ള പോക്കസമാനമായ സാഹചര്യം ഉണ്ടായിരുന്നു. ഇരു ചക്രവാഹനങ്ങളും കാറും ഒലിച്ചു പോയി.

ഇന്ത്യൻ കാലാവസ്ഥാ വകുപ്പിന്റെ (IMD) കനത്ത മഴ മുന്നറിയിപ്പ് എന്നത് ഒരു പ്രത്യേക പ്രദേശത്ത് 24 മണിക്കൂറിനുള്ളിൽ ഉയർന്ന അളവിൽ മഴ ലഭിക്കാൻ സാധ്യതയുണ്ടെന്ന മുന്നറിയിപ്പാണ്. വെള്ളപ്പൊക്കം, വൈദ്യുതി തടസ്സം തുടങ്ങിയ സാധ്യതയുള്ള തടസ്സങ്ങൾക്ക് പൊതുജനങ്ങളെയും അധികാരികളെയും തയ്യാറാക്കാൻ സഹായിക്കുന്നതിനാണ് IMD ഈ മുന്നറിയിപ്പുകൾ നൽകുന്നത്.

കളർ-കോഡ് ചെയ്ത സംവിധാനത്തിലൂടെയാണ് അലേർട്ടിന്റെ തീവ്രത അറിയിക്കുന്നത്:

കനത്ത മഴ മുന്നറിയിപ്പുകൾക്കുള്ള IMD കളർ കോഡുകൾ

പച്ച: എല്ലാം ശരിയാണ്. നേരിയതോ മിതമായതോ ആയ മഴ പ്രതീക്ഷിക്കുന്നു, പ്രത്യേക നടപടികളൊന്നും ആവശ്യമില്ല.

മഞ്ഞ: ശ്രദ്ധിക്കുക. കനത്ത മഴ (64.5–115.5 മില്ലിമീറ്റർ) പ്രവചിക്കപ്പെടുന്നു. ഇത് ദൈനംദിന പ്രവർത്തനങ്ങളെ തടസ്സപ്പെടുത്തുകയും താഴ്ന്ന പ്രദേശങ്ങളിൽ ഒറ്റപ്പെട്ട വെള്ളപ്പൊക്കത്തിന് കാരണമാവുകയും ചെയ്യും.

ഓറഞ്ച്: തയ്യാറാകുക. വളരെ കനത്ത മഴ (115.6–204.4 മില്ലിമീറ്റർ) പ്രവചിക്കപ്പെടുന്നു. വെള്ളപ്പൊക്ക സാധ്യത കൂടുതലാണ്, ഗതാഗതത്തിലും വൈദ്യുതി വിതരണത്തിലും ഉണ്ടാകാവുന്ന തടസ്സങ്ങൾക്ക് പൊതുജനങ്ങൾ തയ്യാറായിരിക്കണം.

ചുവപ്പ്: നടപടിയെടുക്കുക. വളരെ കനത്ത മഴ (204.5 മില്ലിമീറ്ററിൽ കൂടുതൽ) പ്രതീക്ഷിക്കുന്നു. വ്യാപകമായ വെള്ളപ്പൊക്കത്തിൽ നിന്നും പ്രധാന സേവന തടസ്സങ്ങളിൽ നിന്നും ജീവനും സ്വത്തിനും കാര്യമായ ഭീഷണിയുണ്ടെന്ന സൂചന നൽകുന്ന ഏറ്റവും കഠിനമായ മുന്നറിയിപ്പാണിത്.

---------------

Hindusthan Samachar / Roshith K