Patna, 23 ഒക്റ്റോബര്‍ (H.S.)

ബിഹാർ നിയമസഭാ തെരഞ്ഞെടുപ്പ് അടുത്തിരിക്കെ, സഖ്യത്തിന്റെ അന്തിമ രൂപം പ്രഖ്യാപിക്കുന്നതിനായി വ്യാഴാഴ്ച മഹാഗത്ബന്ധൻ പത്രസമ്മേളനം നടക്കും. രാഷ്ട്രീയ ജനതാദൾ (ആർജെഡി) നേതാവും രഘോപൂർ മണ്ഡലം സ്ഥാനാർത്ഥിയുമായ തേജസ്വി യാദവിന്റെ ഫോട്ടോകളുള്ള ബോർഡുകളും പോസ്റ്ററുകളും വേദിയിൽ സ്ഥാപിച്ചിട്ടുണ്ട്.

2025 ലെ ബീഹാർ തിരഞ്ഞെടുപ്പിൽ ബി ജെ പി നയിക്കുന്ന നാഷണൽ ഡെമോക്രാറ്റിക് അലയൻസും മഹാഗത്ബന്ധനും തമ്മിലാണ് മത്സരം നടക്കുന്നത്.

രാഷ്ട്രീയ ജനതാദൾ നയിക്കുന്ന മഹാഗത്ബന്ധനിൽ കോൺഗ്രസ് പാർട്ടി, ദീപാങ്കർ ഭട്ടാചാര്യ നയിക്കുന്ന കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്-ലെനിനിസ്റ്റ്) (സിപിഐ-എംഎൽ), കമ്മ്യൂണിസ്റ്റ് പാർട്ടി ഓഫ് ഇന്ത്യ (സിപിഐ), കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) (സിപിഎം), മുകേഷ് സഹാനിയുടെ വികാശീൽ ഇൻസാൻ പാർട്ടി (വിഐപി) എന്നിവ ഉൾപ്പെടുന്നു.

ചില സീറ്റുകളിൽ 'സൗഹൃദ പോരാട്ടങ്ങൾ' എന്ന പ്രശ്നം ഇപ്പോഴും നിലനിൽക്കുന്നുണ്ടെങ്കിലും, അത് ആശങ്കാജനകമായ കാര്യമല്ലെന്ന് കോൺഗ്രസ് ഉന്നത നേതൃത്വം ബിഹാറിന് വേണ്ടി നിയോഗിച്ച അശോക് ഗെലോട്ട് സൂചിപ്പിച്ചു.

എഐസിസി ബിഹാർ ചുമതലയുള്ള കൃഷ്ണ അല്ലവാരുവും ആർജെഡിയുടെ ഉന്നത നേതൃത്വമായ ലാലു യാദവും തേജസ്വി യാദവും ബുധനാഴ്ച കൂടിക്കാഴ്ച നടത്തിയിരുന്നു. ഇതേ തുടർന്ന് സഖ്യത്തിൽ വിള്ളൽ ഉണ്ടാകില്ല എന്ന് മുതിർന്ന കോൺഗ്രസ് നേതാവ് അശോക് ഗെഹ്‌ലോട്ടാണ് ഉറപ്പ് നൽകിയത്,

ഇന്ന്, എഐസിസി ബിഹാർ ചുമതലയുള്ള ശ്രീ കൃഷ്ണ അല്ലവരു, ശ്രീ ലാലു പ്രസാദ് യാദവ്, ശ്രീ തേജസ്വി യാദവ് എന്നിവരുമായി വളരെ പോസിറ്റീവായ ഒരു കൂടിക്കാഴ്ച നടന്നു. ബീഹാറിലെ ഇന്ത്യാ സഖ്യം പൂർണ്ണമായും ഐക്യത്തിലാണ്, ശക്തിയോടെയാണ് തിരഞ്ഞെടുപ്പിൽ മത്സരിക്കുന്നത്. നാളെ, മഹാഗത്ബന്ധന്റെ പത്രസമ്മേളനത്തിൽ മുഴുവൻ സാഹചര്യവും വ്യക്തമാക്കും, ഗെലോട്ട് പറഞ്ഞു.

മഹാസഖ്യത്തില്‍ ഭിന്നത തുടരുന്നതിനിടെ കഴിഞ്ഞ ദിവസം തേജസ്വി യാദവ് മുഖ്യമന്ത്രി സ്ഥാനാര്‍ത്ഥിയായി സ്വയം പ്രഖ്യാപിച്ചിരുന്നു . അധികാരത്തിലെത്തിയാല്‍ സ്ത്രീകള്‍ക്ക് വമ്പന്‍ പദ്ധതികള്‍ നടപ്പാക്കുമെന്ന് പ്രഖ്യാപിച്ച അദ്ദേഹം മഹാസഖ്യ നേതാക്കളെ ഒപ്പം കൂട്ടാതെ ഒറ്റക്ക് വാര്‍ത്താ സമ്മേളനം നടത്തിയത് ശ്രദ്ധേയമായിരുന്നു.

വാര്‍ത്താസമ്മേളനത്തിലുടനീളം ബിഹാറിനെ നയിക്കുമെന്ന് ആവര്‍ത്തിച്ചാണ് മഹസഖ്യത്തിന്‍റെ മുഖം താന്‍ തന്നെയെന്ന് തേജസ്വിയാദവ് അവകാശപ്പെട്ടത്. സ്ത്രീകള്‍ക്ക് പ്രതിമാസ സഹായമായി പതിനായിരം രൂപയാണ് നിതീഷ് കുമാര്‍ പ്രഖ്യാപിച്ചതെങ്കില്‍ സര്‍ക്കാരിന്‍റെ സന്നദ്ധ പ്രവര്‍ത്തകരായ സ്ത്രീകള്‍ക്ക് മുപ്പതിനായിരം രൂപ തേജസ്വി പ്രതിമാസ സഹായമായി പ്രഖ്യാപിച്ചു.

അതേസമയം, മഹാഗത്ബന്ധൻ ബിഹാറിൽ സർക്കാർ രൂപീകരിച്ചതിനുശേഷം കമ്മ്യൂണിറ്റി മൊബിലൈസർമാരായി പ്രവർത്തിക്കുന്ന ജീവിക ദീദിസിനെ സർക്കാർ ജീവനക്കാരായി സ്ഥിരപ്പെടുത്തുമെന്ന് തേജസ്വി യാദവ് പ്രഖ്യാപിച്ചു.

ജീവിക ദീദികളുടെ ശമ്പളം പ്രതിമാസം 30,000 രൂപയായി വർദ്ധിപ്പിക്കുമെന്ന് അദ്ദേഹം ഉറപ്പുനൽകി. ഭാവിയിലെ മഹാഗത്ബന്ധൻ സർക്കാർ ജീവിക ദീദികൾ എടുത്ത വായ്പകളുടെ പലിശ എഴുതിത്തള്ളുമെന്നും അടുത്ത രണ്ട് വർഷത്തേക്ക് അവർക്ക് പലിശരഹിത ക്രെഡിറ്റ് നൽകുമെന്നും അദ്ദേഹം കൂട്ടിച്ചേർത്തു.

ജീവിക ദീദികൾക്ക് 2,000 രൂപ അധിക അലവൻസും നൽകുമെന്നും അവരുടെ എല്ലാ കേഡർമാർക്കും സർക്കാർ 5 ലക്ഷം രൂപയുടെ ഇൻഷുറൻസ് പരിരക്ഷ ഉറപ്പാക്കുമെന്നും തേജസ്വി പറഞ്ഞു.

എന്നാൽ തേജസ്വി യാദവിന്റെ തിരഞ്ഞെടുപ്പ് വാഗ്ദാനത്തെ എൻഡിഎ സഖ്യം പരിഹസിച്ചു. അതിൽ ഒരു കഴമ്പുമില്ല തമാശ പറയുന്നത് നിർത്താൻ എൻ ഡി എ അദ്ദേഹത്തോട് ആവശ്യപ്പെട്ടു, എന്ന് പറഞ്ഞു.

അവർ നടത്തുന്ന ഏതൊരു പ്രഖ്യാപനത്തിലും ഒരു കഴമ്പുമില്ല. അവ ആശയക്കുഴപ്പം സൃഷ്ടിക്കാനാണ്. ജീവിക ദീദിസിന്റെ ജീവിതത്തിൽ വന്നിരിക്കുന്ന സന്തോഷം പ്രധാനമന്ത്രി നരേന്ദ്ര മോദിയും മുഖ്യമന്ത്രി നിതീഷ് കുമാറും കാരണമാണ്. തേജസ്വി യാദവ് കള്ളം പറയുകയാണ് എന്ന് ബിജെപി എംപി നിത്യാനന്ദ് റായ് പറഞ്ഞു.

---------------

Hindusthan Samachar / Roshith K