Patna, 24 ഒക്റ്റോബര്‍ (H.S.)

പാറ്റ്ന: രണ്ട് ഘട്ടങ്ങളിലായി നടക്കുന്ന ബീഹാർ നിയമസഭാ തെരഞ്ഞെടുപ്പിൽ എൻഡിഎയുടെ മുഖ്യമന്ത്രി സ്ഥാനാർത്ഥിയായി നിതീഷ് കുമാറിനെ ഉയർത്തി കാട്ടി പ്രധാനമന്ത്രി മോദി . എൻഡിഎ സംസ്ഥാനത്തെ മുൻകാല വിജയ റെക്കോർഡുകളെല്ലാം തകർക്കുമെന്ന് ജനതാദൾ യുണൈറ്റഡ് (ജെഡിയു) നേതാവിനെ പ്രശംസിച്ചുകൊണ്ട് പ്രധാനമന്ത്രി പറഞ്ഞു, ബിഹാർ എൻഡിഎയ്ക്ക് ഇതുവരെയുള്ളതിൽ വച്ച് ഏറ്റവും വലിയ ജനവിധി നൽകും, അദ്ദേഹം കൂട്ടിച്ചേർത്തു.

സംസ്ഥാനത്ത് എൻഡിഎ അധികാരത്തിൽ തിരിച്ചെത്തിക്കഴിഞ്ഞാൽ വളർച്ചാ നിരക്ക് പുതിയ തലത്തിലേക്ക് ഉയരുമെന്ന് അദ്ദേഹം പറഞ്ഞു, ചിരാഗ് പാസ്വാന്റെ ലോക് ജനശക്തി പാർട്ടി (റാം വിലാസ്), ജിതൻ റാം മാഞ്ചിയുടെ ഹിന്ദുസ്ഥാനി അവാം മോർച്ച (മതേതര), ഉപേന്ദ്ര കുശ്വാഹയുടെ രാഷ്ട്രീയ ലോക് മഞ്ച് (ആർഎൽഎം) എന്നിവ ഉൾപ്പെടുന്ന ഭരണ സഖ്യത്തിന് വോട്ട് ചെയ്യാൻ ജനങ്ങളോട് അഭ്യർത്ഥിച്ചു. ബീഹാർ 'ജംഗിൾ രാജ്' അകറ്റി നിർത്തുകയും നല്ല ഭരണത്തിനായി വോട്ട് ചെയ്യുകയും ചെയ്യുമെന്ന് അദ്ദേഹം പറഞ്ഞു.

ഇരു പാർട്ടികളും തമ്മിലുള്ള സഖ്യത്തെ ചോദ്യം ചെയ്ത പ്രധാനമന്ത്രി മോദി, ബിഹാറിലെ വികസനം തടയാൻ ആർ‌ജെ‌ഡിയും കോൺഗ്രസും എല്ലാ ശ്രമങ്ങളും നടത്തിയിട്ടുണ്ടെന്ന് പറഞ്ഞു. 2004 മുതൽ 2014 വരെ ബിഹാറിലെ നിതീഷ് കുമാറിന്റെ നേതൃത്വത്തിലുള്ള നാഷണൽ ഡെമോക്രാറ്റിക് അലയൻസ് (എൻ‌ഡി‌എ) സർക്കാരിനെ സഹായിക്കരുതെന്ന് ആവശ്യപ്പെട്ട് ആർ‌ജെ‌ഡി കേന്ദ്രത്തിലെ കോൺഗ്രസ് സർക്കാരിനെ ഭീഷണിപ്പെടുത്തിയിരുന്നതായും അദ്ദേഹം ആരോപിച്ചു.

ആയിരക്കണക്കിന് കോടി രൂപയുടെ അഴിമതികളിൽ ജാമ്യത്തിലാണിവർ. ജാമ്യത്തിലിറങ്ങിയവർ മോഷണക്കേസുകളിൽ ജാമ്യത്തിലാണുള്ളത്. ഇപ്പോൾ അവരുടെ മോഷണ ശീലം കർപൂരി താക്കൂർ എന്ന പദവി മോഷ്ടിക്കുന്നതിലേക്ക് നയിക്കുന്നു, അദ്ദേഹം പറഞ്ഞു, കർപൂരി താക്കൂറിനുള്ള ഈ അപമാനം ബീഹാറിലെ ജനങ്ങൾ ഒരിക്കലും സഹിക്കില്ല. മോദി

ഇത്രയും വെളിച്ചമുള്ളപ്പോൾ... പിന്നെ നമുക്ക് 'ലാറ്റേൺ' (വിളക്ക്) ആവശ്യമുണ്ടോ? ബിഹാർ കോ 'ലാറ്റേൺ' (ആർജെഡി) ഔർ ഉസ്കെ സാത്തി നഹി ചാഹിയേ, എന്ന് പറഞ്ഞുകൊണ്ട് പ്രധാനമന്ത്രി ജനങ്ങളോട് മൊബൈൽ ഫോണുകളിൽ ലൈറ്റുകൾ ഓണാക്കാൻ ആവശ്യപ്പെട്ടു.

രാഷ്ട്രീയ ജനതാദൾ (ആർജെഡി) നേതാവ് ലാലു പ്രസാദ് യാദവിന്റെ കുടുംബം വർഷങ്ങളായി ബീഹാറിനെ കൊള്ളയടിച്ചുവെന്നും എന്നാൽ ഇപ്പോൾ ജാമ്യത്തിൽ പുറത്തിറങ്ങിയിട്ടാണ് ഈ വീരവാദങ്ങൾ മുഴക്കുന്നതെന്നും മോദി വെള്ളിയാഴ്ച പറഞ്ഞു.

243 അംഗ ബീഹാർ നിയമസഭയിലേക്കുള്ള വോട്ടെടുപ്പ് നവംബർ 6 നും 11 നും നടക്കും. വോട്ടെണ്ണൽ നവംബർ 14 ന് നടക്കും.

---------------

Hindusthan Samachar / Roshith K