Kochi, 13 നവംബര്‍ (H.S.)

സംസ്ഥാനത്ത് വീണ്ടും സ്വർണ വിലയിൽ വര്‍ധന. ഇന്നലെ സ്വർണ വിലയിൽ നേരിയ ഇടിവ് ഉണ്ടായിരുന്നെങ്കിലും ഇന്ന് ഒറ്റയടിക്ക് 1680 രൂപയാണ് കൂടിയത്. ഇതോടെ പവന് 94000ന് അടുത്തെത്തി നിൽക്കുകയാണിപ്പോൾ സ്വർണവില. 1680 രൂപ വർധിച്ചതോടെ ഒരു ഗ്രാമിൻ്റെ വില 11,715 രൂപയും ഒരു പവന് 93,720 രൂപയുമായി ഉയര്‍ന്നു.

ഈ വില സ്ഥിരമല്ലെന്നും ഇനിയും കൂടുമെന്നുമാണ് വിപണിയിലെ സൂചന. ഈ മാസം രേഖപ്പെടുത്തുന്ന ഏറ്റവും ഉയര്‍ന്ന നിരക്കാണിത്. സ്വര്‍ണം വില്‍ക്കുന്നവര്‍ക്ക് ഇത് പ്രതീക്ഷയ്ക്ക് വകയുണ്ടെങ്കിലും സ്വര്‍ണം വാങ്ങുന്നവര്‍ക്ക് അനുകൂലമല്ല. പണിക്കൂലി കൂടി കൂട്ടുമ്പോള്‍ സ്വര്‍ണ വില ഏകദേശം ഒരു ലക്ഷത്തിന് അടുത്താകും..

22 കാരറ്റ് സ്വര്‍ണം ഗ്രാമിന് ഇന്ന് 210 രൂപ വർധിച്ചപ്പോൾ 18 കാരറ്റ് സ്വർണം ഗ്രാമിന് ഇന്ന് 170 രൂപ കൂടി. ഇപ്പോൾ ഗ്രാം വില 9635 രൂപയും പവൻ വില 77080 രൂപയുമായി. 14 കാരറ്റ് സ്വര്‍ണം ഗ്രാമിന് 135 രൂപ വര്‍ധിച്ച് 7505 രൂപയായി. പവന്‍ വില 60040 രൂപയായി. 9 കാരറ്റ് സ്വർണത്തിന് 90 രൂപ വര്‍ധിച്ച് 4845 രൂപയായി.

ഒക്ടോബര്‍ 17ന് രേഖപ്പെടുത്തിയ 97,360 രൂപയാണ് സര്‍വകാല റെക്കോര്‍ഡ്. പിന്നീടുള്ള ദിവസങ്ങളില്‍ വില ഇടിഞ്ഞ് പവന് ഏകദേശം 9000 രൂപ വരെ കുറഞ്ഞിരുന്നു. ഇതിനുശേഷമാണ് പെട്ടെന്ന് വില ഉയരാന്‍ തുടങ്ങിയത്. പവന് 38,760 രൂപയിലെത്തി. സ്വർണ വിലയ്‌ക്കൊപ്പം തന്നെ വെള്ളി വിലയിലും വർധനവ് ഉണ്ടാകുന്നു. വെള്ളിയുടെ വില ഏഴ് രൂപ വര്‍ധിച്ച് 172 രൂപയാണ് ഗ്രാമിന്.

---------------

Hindusthan Samachar / CHANDHU CHANDRASEKHAR