Bengaluru , 24 നവംബര്‍ (H.S.)

ബെംഗളൂരു: ഡി കെ ശിവകുമാറിന് മുൻ ധാരണ പ്രകാരം രണ്ടര വർഷത്തിന് ശേഷം മുഖ്യമന്ത്രിസ്ഥാനം കൈമാരുന്നതുമായി ബന്ധപ്പെട്ട് കർണാടക കോൺഗ്രസിനുള്ളിൽ അതൃപ്തി പുകയുന്നു നേതൃമാറ്റത്തിനായി പാർട്ടിയുടെ ഹൈക്കമാൻഡിൽ സമ്മർദ്ദം ചെലുത്തുന്നതിൻ്റെ ഭാഗമായി എട്ട് മുതൽ പത്ത് വരെ കോൺഗ്രസ് എംഎൽഎമാർ ഇന്ന് രാത്രി വൈകി ഡൽഹിയിലെത്തുമെന്ന് ഡി കെ ശിവകുമാർ ക്യാമ്പുമായി ബന്ധപ്പെട്ട വൃത്തങ്ങൾ സൂചിപ്പിച്ചു. പാർട്ടിക്കുള്ളിൽ നേരത്തെ ചർച്ച ചെയ്ത റൊട്ടേഷണൽ അറേഞ്ച്‌മെൻ്റിൻ്റെ ഭാഗമായി ശിവകുമാറിനെ മുഖ്യമന്ത്രിയാക്കണമെന്ന് ഈ സംഘം ആവശ്യപ്പെടുന്നു.

ഇഖ്ബാൽ ഹുസൈൻ, എച്ച് സി ബാലകൃഷ്ണ, മഹേഷ് തമ്മാണ്ണവർ, നയന മോട്ടമ്മ, ശരത് ബച്ചെഗൗഡ, ആനന്ദ് കടലൂർ, ബസവരാജ് ശിവഗംഗ തുടങ്ങിയ നിരവധി ഡി കെ ക്യാമ്പ് നിയമസഭാംഗങ്ങൾ ഇതിനകം ഡൽഹിയിൽ തങ്ങുന്നുണ്ട്.

രാഷ്ട്രീയപരമായ അഭ്യൂഹങ്ങൾക്കിടെ ഒരു കൂട്ടം നാഗ സന്യാസിമാർ ശിവകുമാറിൻ്റെ വസതി സന്ദർശിക്കുകയും കാശിയിൽ നിന്നുള്ള ഒരു സന്യാസി അദ്ദേഹത്തെ മുഖ്യമന്ത്രി പദത്തിനായി അനുഗ്രഹിക്കുകയും ചെയ്തതായി റിപ്പോർട്ടുണ്ട്.

അവസാന തീരുമാനം ഹൈക്കമാൻഡിന്: ഖാർഗെ

നേതൃത്വ തർക്കത്തെക്കുറിച്ച് ചോദ്യം ചെയ്തപ്പോൾ, സംസ്ഥാനത്തെ ഉന്നത പദവിയിൽ എന്തെങ്കിലും മാറ്റം വരുത്തുന്നതിനെക്കുറിച്ച് പാർട്ടിയുടെ ഹൈക്കമാൻഡ് അന്തിമ തീരുമാനമെടുക്കുമെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ പ്രതികരിച്ചു.

“എനിക്ക് ഒന്നും പറയാനില്ല. നിങ്ങൾ മൂന്ന് ദിവസമായി ഇവിടെ തുടർച്ചയായി നിൽക്കുകയാണ്. ഇവിടെ നടക്കുന്ന സംഭവവികാസങ്ങളെക്കുറിച്ച് ഒന്നും പറയാനില്ല. എന്ത് സംഭവിച്ചാലും ഹൈക്കമാൻഡ് ചെയ്യും. അതിനെക്കുറിച്ച് അധികം വിഷമിക്കേണ്ട ആവശ്യമില്ല,” അദ്ദേഹം പറഞ്ഞു.

അതേസമയം നേതൃത്വപരമായ മാറ്റത്തെക്കുറിച്ചുള്ള തർക്കത്തെയും ഖാർഗെയുടെ പ്രസ്താവനയെയും കുറിച്ച് കർണാടക ബിജെപി അധ്യക്ഷൻ ബി വൈ വിജയേന്ദ്ര പ്രതികരിച്ചു. തീരുമാനമെടുക്കാൻ കഴിയാത്ത കോൺഗ്രസ് അധ്യക്ഷൻ്റെ 'നിസ്സഹായതയാണ്' ഈ തടസ്സം കാണിക്കുന്നതെന്നും അദ്ദേഹം പറഞ്ഞു.

ഇതൊരു വലിയ തമാശയാണ്. എഐസിസി അധ്യക്ഷൻ മല്ലികാർജുൻ ഖാർഗെ, എല്ലാ മുതിർന്ന മന്ത്രിമാരുമായി കൂടിക്കാഴ്ച നടത്തിയ ശേഷം, തനിക്ക് ഒരു തീരുമാനവും എടുക്കാൻ കഴിയില്ലെന്ന് പ്രസ്താവനയിറക്കുന്നത് അദ്ദേഹത്തിൻ്റെ നിസ്സഹായത വ്യക്തമാക്കുന്നു. എഐസിസി അധ്യക്ഷനായിരിക്കെ, ഡൽഹിയിൽ ഇരുന്ന് അദ്ദേഹം അനുഭവിക്കുന്ന അധികാരത്തിൻ്റെ അളവാണ് ഇത് കാണിക്കുന്നത്. അതിനാൽ സത്യം ഇതാണ്, പ്രശ്നം പരിഹരിക്കാൻ ആരും ആഗ്രഹിക്കുന്നില്ല. എല്ലാവരും ഈ ആഭ്യന്തര കലഹം തുടരണമെന്ന് ആഗ്രഹിക്കുന്നു, അദ്ദേഹം പറഞ്ഞു.

സംസ്ഥാനത്തെ ജനങ്ങൾ സർക്കാരിൻ്റെ പ്രകടനത്തിൽ 'അസന്തുഷ്ടരാണെ'ന്നും സർക്കാരിലെ പ്രശ്നങ്ങൾക്കിടയിൽ അവരുടെ ആശങ്കകൾ പരിഹരിക്കപ്പെടുന്നില്ലെന്നും വിജയേന്ദ്ര പറഞ്ഞു.

“സംസ്ഥാനത്തുടനീളമുള്ള കർഷകർ ശരിക്കും ദുരിതത്തിലാണ്. കരിമ്പ് കർഷകർ നഷ്ടപരിഹാരം ആവശ്യപ്പെടുന്നു... എന്നാൽ മുഖ്യമന്ത്രി സിദ്ധരാമയ്യ ഒന്നും പരിഹരിച്ചിട്ടില്ല. കർണാടകയിൽ നടക്കുന്ന ഈ 'നാടകം', 'തമാശ' കാരണം സാധാരണക്കാരും കർഷകരും ഭരണകക്ഷിയായ കോൺഗ്രസ് സർക്കാരിൽ അസന്തുഷ്ടരാണ്,” അദ്ദേഹം കൂട്ടിച്ചേർത്തു.

---------------

Hindusthan Samachar / Roshith K