Enter your Email Address to subscribe to our newsletters
Palakkad, 11 ഡിസംബര് (H.S.)
രണ്ട് ബലാത്സംഗക്കേസില് പ്രതിയായതിനെ തുടര്ന്ന് ഒളിവില് പോയ രാഹുല് മാങ്കൂട്ടത്തില് പൊങ്ങി. 15 ദിവസമായി ഒളിവില് കഴിയുകയായിരുന്ന രാഹുല് മാങ്കൂട്ടത്തില് എംഎല്എ പാലക്കാട് വോട്ട് ചെയ്യാനെത്തി. വൈകിട്ട് 4.50 ഓടെ ആണ് തിരക്ക് ഒഴിഞ്ഞ ശേഷം രാഹുല് വോട്ട് ചെയ്യാനെത്തിയത്. കുന്നത്തൂര്മേട് സൗത്തിലെ സെന്റ് സെബാസ്റ്റ്യന്സ് സ്കൂളിലാണ് രാഹുല് വോട്ട് ചെയ്യാനെത്തിയത്.
വോട്ട് ചെയ്യാന് എത്തുന്നതിനു മുന്പോ ശേഷമോ പ്രതികരിക്കാന് രാഹുല് തയാറായില്ല. കേസ് കോടതിയുടെ മുന്പിലുണ്ടെന്നും കോടതി തീരുമാനിക്കുമെന്നും സത്യം പുറത്തുവരുമെന്നും പ്രതിഷേധത്തിനിടെ കാറില് കയറിയ ശേഷം രാഹുല് പറഞ്ഞു. പൂവന് കോഴിയുടെയും തൊട്ടിലിന്റെയും ചിത്രം ഉയര്ത്തി പോളിങ് ബൂത്തിനു മുന്നില് രാഹുലിന് എതിരെ പ്രതിഷേധം നടന്നു. കൂകി വിളിയോടെയാണ് ഡിവൈഎഫ്ഐ, ബിജെപി പ്രവര്ത്തകര് പ്രതിഷേധിച്ചത്.
---------------
Hindusthan Samachar / Sreejith S
