Enter your Email Address to subscribe to our newsletters
Kerala, 13 ഡിസംബര് (H.S.)
തദ്ദേശ സ്വയംഭരണ തെരഞ്ഞെടുപ്പില് ഇടതുപക്ഷ ജനാധിപത്യ മുന്നണി പ്രതീക്ഷിച്ച ഫലമല്ല ഉണ്ടായില്ലെന്ന് മുഖ്യമന്ത്രി പിണറായി വിജയന്. . സംസ്ഥാനത്താകെ മികച്ച വിജയം പ്രതീക്ഷിച്ചിരുന്നുവെങ്കിലും ആ രീതിയിലുള്ള മുന്നേറ്റം ഉണ്ടാക്കാന് കഴിഞ്ഞിട്ടില്ല. ഇതിന്റെ കാരണങ്ങള് വിശദമായി പരിശോധിച്ച്, ആവശ്യമായ തിരുത്തലുകള് വരുത്തി മുന്നോട്ടു പോകും.
തലസ്ഥാന നഗരത്തില് എന്ഡിഎക്ക് മേല്ക്കൈ നേടാനായതും തെരഞ്ഞെടുപ്പ് പ്രചാരണത്തില് വര്ഗ്ഗീയതയുടെ സ്വാധീനം ഉണ്ടായതും മതനിരപേക്ഷതയില് വിശ്വസിക്കുന്നവരെ ആശങ്കപ്പെടുത്തുന്നതാണ്. വര്ഗീയ ശക്തികളുടെ ദുഷ്പ്രചാരണങ്ങളിലും കുടിലതന്ത്രങ്ങളിലും ജനങ്ങള് അകപ്പെട്ടു പോകാതിരിക്കാനുള്ള ജാഗ്രത ഇനിയും ശക്തമാക്കേണ്ടതുണ്ട് എന്ന മുന്നറിയിപ്പാണ് ഈ തെരഞ്ഞെടുപ്പ് ഫലം നല്കുന്നത്.
എല്ലാത്തരം വര്ഗീയതയ്ക്കും എതിരായ പോരാട്ടം കൂടുതല് ശക്തമായി തുടരേണ്ടതിന്റെ ആവശ്യകതയ്ക്കും ഈ ഫലം അടിവരയിടുന്നുണ്ട്.
അത്തരം എല്ലാ കാര്യങ്ങളും വിശദമായി പരിശോധിച്ച് ജനങ്ങളുടെ ആകെ പിന്തുണ ആര്ജ്ജിച്ചു മുന്നോട്ടു പോകാനുള്ള ചര്ച്ചകളിലേക്കും തീരുമാനങ്ങളിലേക്കും ഇടതുപക്ഷ ജനാധിപത്യ മുന്നണി വരും നാളുകളില് കടക്കും.
എല്ഡിഎഫിന്റെ അടിത്തറ കൂടുതല് ഭദ്രമാക്കാനും ഇടതുപക്ഷ ജനാധിപത്യ മുന്നണി സര്ക്കാരിന്റെ വികസന-ജനക്ഷേമ പദ്ധതികള്ക്കുള്ള ജന പിന്തുണ വര്ദ്ധിപ്പിക്കാനും പ്രതിജ്ഞാബദ്ധമായി എല്ഡിഎഫ് പ്രവര്ത്തിക്കുമെന്നും മുഖ്യമന്ത്രി പ്രതികരിച്ചു.
---------------
Hindusthan Samachar / Sreejith S
