Enter your Email Address to subscribe to our newsletters
Thiruvanathapuram, 15 ഡിസംബര് (H.S.)
രാഹുല് മാങ്കൂട്ടത്തിലിന് എതിരായ ബലാത്സംഗക്കേസിലെ അതിജീവിതയെ അുപമാനിച്ചു എന്ന കേസില് ജാമ്യം ലബിച്ച രാഹുല് ഈശ്വര് പുറത്തിറങ്ങി. പലതും പറയാനുണ്ടെന്നും എന്നാല് ഈ സാഹചര്യത്തില് പലതും പറയാന് പറ്റില്ലെന്നും ജയിലില് നിന്ന് ഇറങ്ങിയ രാഹുല് മാധ്യമങ്ങളോട് പറഞ്ഞു. ഒരിക്കലും കള്ളത്തെ കള്ളം കൊണ്ട് ജയിക്കാന് കഴിയില്ലെന്നും കള്ളത്തെ സത്യം കൊണ്ടേ ജയിക്കാന് സാധിക്കൂ. കേസിനെ കുറിച്ച് സംസാരിക്കാന് സാധിക്കാത്ത സാഹചര്യമാണ് നിലവില്, എന്നാല് ഒരുകാര്യം പറയാം തന്നെ നോട്ടീസ് നല്കാതെയാണ് അറസ്റ്റ് ചെയ്തത്. എന്നാല് പ്രോസിക്യൂഷന് ഉള്പ്പെടെ കോടതിയില് പറഞ്ഞത് നോട്ടീസ് നല്കിയിട്ടുണ്ടെന്നാണ്. പൊലീസ് റിപ്പോര്ട്ട് കിട്ടിയില്ലെന്ന് പ്രൊസിക്യൂഷന് കോടതിയില് കള്ളം പറഞ്ഞു. ജാമ്യം നിഷേധിക്കാനാണ് പ്രോസിക്യൂഷന് കള്ളം പറഞ്ഞത്. തെരഞ്ഞെടുപ്പ് കഴിയുംവരെ തന്നെ അകത്തിടാന് നോക്കി. താന് പുറത്തുനിന്നാല് സര്ക്കാരിനെതിരെ സംസാരിച്ചേനെ. തനിക്ക് എതിരെ വന്നത് വ്യാജ പരാതിയാണ്. പൊലീസിനെതിരെ ആയിരുന്നില്ല നിരാഹാരം. മെന്സ് കമ്മീഷന് വേണ്ടിയാണ് നിരാഹാരം കിടന്നത്. കൂടുതല് കാര്യങ്ങള് പറയാന് ഉണ്ടായിരുന്നു. പറയരുതെന്ന് നിര്ദേശം ലഭിച്ചത് കൊണ്ട് പറയുന്നില്ല എന്നും രാഹുല് പറഞ്ഞു.
ആര്ക്കും ആരെക്കുറിച്ചും കള്ളം പറയാന് കഴിയും. അതിജീവിതയുടെ ഐഡന്റിറ്റി പുറത്ത് വിട്ടിട്ടില്ല. പച്ചക്കള്ളമാണ് തനിക്ക് എതിരെ പറഞ്ഞത്. ആ കള്ളം എന്താണെന്ന് പറയാന് സാധിക്കില്ല. പറഞ്ഞാല് തന്നെ വീണ്ടും അറസ്റ്റ് ചെയ്യും. ഉമ്മന്ചാണ്ടിക്കും നിവിന് പോളിക്കും നീതി കിട്ടാത്ത ഈ നാട്ടില് നമ്മുടെ കുട്ടികള്ക്ക് നീതി കിട്ടുമോ? ചോദ്യം ചെയ്ത് ജയിലില് പോയതില് അഭിമാനം എന്നും രാഹുല് ഈശ്വര് പറഞ്ഞു. ഇത്തരം കുറ്റകൃത്യങ്ങളില് ഇനി പെടാന് പാടില്ല എന്ന് കോടതി ആവര്ത്തിച്ചു പറഞ്ഞതിന് ശേഷമാണ് ജാമ്യം നല്കിയത്. സമാനമായ കുറ്റകൃത്യങ്ങള് പ്രതി മുന്പും ചെയ്തിട്ടുണ്ടെന്ന് പ്രസിക്യൂഷന് കോടതിയില് ചൂണ്ടിക്കാട്ടി. രണ്ട് തവണ കസ്റ്റഡിയില് വിട്ടെന്നും മുന് കേസുകളില് കോടതിയലക്ഷ്യം ഉണ്ടായിട്ടുണ്ടെങ്കില് അത് അതതു കോടതികളില് അറിയിക്കണം എന്നും കോടതി വ്യക്തമാക്കി.
---------------
Hindusthan Samachar / Sreejith S
