Trivandrum , 18 ഡിസംബര്‍ (H.S.)

തിരുവനന്തപുരം: പോറ്റിയെ കേറ്റിയെ എന്ന ഗാനത്തിനെതിരെ കേസെടുത്ത പൊലീസ് എഫ്ഐആറിൽ ഉൾപ്പെടുത്തിയിരിക്കുന്നത് സമാനതകളില്ലാത്ത കടുത്ത പരാമർശങ്ങൾ . മതവിശ്വാസം തകർക്കാനും വിശ്വാസ സമൂഹത്തെ പരസ്പരം ഇളക്കി വിടാനും ലക്ഷ്യമിട്ടാണ് ഗാനം തയ്യാറാക്കിയതെന്നാണ് പൊലീസ് ആരോപിക്കുന്നത്.

ഭക്തിഗാനത്തെയും ശരണമന്ത്രത്തെയും അപമാനിച്ചു. പരാതിക്കാരൻ ഉൾപ്പെടെയുള്ള ഹിന്ദുമത വിശ്വാസികളുടെ മതവികാരത്തെ വ്രണപ്പെടുത്തി എന്നുമാണ് പൊലീസിന്റെ കണ്ടെത്തൽ. കേസെടുത്ത പൊലീസ് മൂന്നുവർഷം വരെ തടവ ശിക്ഷ കിട്ടാവുന്ന കുറ്റവുമാണ് ചുമത്തിരിക്കുന്നത്.

ഗാനത്തിന്റെ അണിയറ പ്രവർത്തകരെ ചോദ്യംചെയ്ത് തുടർനടപടിയിലേക്ക് കടക്കാനാണ് പൊലീസിന്റെ തീരുമാനം. തിരുവാഭരണപാത സംരക്ഷണ സമിതി സെക്രട്ടറി ഇന്നലെ ഡിജിപിക്ക് നൽകിയ പരാതിയുടെ അടിസ്ഥാനത്തിലാണ് നടപടി.തിരുവനന്തപുരം സൈബർ ക്രൈം പൊലീസിനാണ് അന്വേഷണ ചുമതല. ഗാനം ഷെയർ ചെയ്തവരുടെ സോഷ്യൽ മീഡിയ അക്കൗണ്ടുകൾ പരിശോധിക്കുന്നുമുണ്ട്. പരാതി സൈബർ ഓപ്പറേഷൻ വിഭാഗം എസ്പിയുടെ നേതൃത്വത്തിൽ പരിശോധിച്ചിരുന്നു.

ഗാനത്തിന്റെ വരികൾ അടക്കം പരിശോധിച്ച സൈബർ ഓപ്പറേഷൻസ് ഭാഗം കേസെടുക്കാം എന്ന ശുപാർശയാണ് നൽകിയത് . ഇതിന് പിന്നാലെയാണ് കേസെടുത്തത്.

2025 ഡിസംബറിൽ നടന്ന കേരള തദ്ദേശ സ്വയംഭരണ സ്ഥാപന തിരഞ്ഞെടുപ്പിനെ തുടർന്നാണ് പൊട്ടിയേ കെട്ടിയേ എന്ന പാരഡി ഗാന വിവാദം ഉയർന്നുവന്നത്. പ്രചാരണ വേളയിൽ വൈറലായ ഈ ഗാനം, മതവികാരം വ്രണപ്പെടുത്തിയെന്നാരോപിച്ച് അതിന്റെ സ്രഷ്ടാക്കൾക്കെതിരെ പോലീസ് കേസെടുക്കാൻ കാരണമായി.

വിവാദത്തിന്റെ കാതൽ

ഈ ഗാനം: പൊട്ടിയേ കെട്ടിയേ, സ്വർണം ചെമ്പായി മാറിയേ (പൊട്ടി കൊണ്ടുവന്നു, സ്വർണ്ണം ചെമ്പാക്കി) എന്ന പല്ലവിയിൽ പ്രത്യേക ശ്രദ്ധ കേന്ദ്രീകരിച്ച് പ്രസിദ്ധമായ അയ്യപ്പ ഭക്തിഗാനമായ പള്ളിക്കെട്ട് ശബരിമലയ്ക്ക് എന്നതിന്റെ ഒരു പാരഡിയാണിത്.

ആരോപണങ്ങൾ: ശബരിമല സ്വർണ്ണ നഷ്ടക്കേസിൽ ഭരണകക്ഷിയായ സിപിഐ (എം) നെ ലക്ഷ്യം വച്ചുള്ള വരികൾ, ശ്രീകോവിലിൽ നിന്ന് സ്വർണ്ണം മോഷ്ടിച്ചതായി ആരോപിക്കപ്പെടുന്ന കേസിൽ പാർട്ടി കേഡർമാർക്ക് പങ്കുണ്ടെന്ന് ആരോപിക്കുന്നു.

മതപരമായ എതിർപ്പുകൾ: പാരഡി ഒരു പവിത്രമായ ഭക്തിഗാനത്തെ വളച്ചൊടിച്ചതായും അയ്യപ്പ ഭക്തർക്ക് വൈകാരിക ക്ലേശമുണ്ടാക്കുന്നതായും ആരോപിച്ച് തിരുവാഭരണ പാത സംരക്ഷണ സമിതി പരാതി നൽകി.

---------------

Hindusthan Samachar / Roshith K