Enter your Email Address to subscribe to our newsletters
Kozhikkode, 18 ഡിസംബര് (H.S.)
കോഴിക്കോട് പെട്രോള് പമ്പിന് സമീപം യുവാവ് കാറില് മരിച്ച നിലയില്. പൈക്കളങ്ങാടി പെട്രോള് പമ്പിനു സമീപമാണ് മൃതദേഹം കേെണ്ടത്തിയത്. പൂതംപാറ കോങ്ങോട് ബിജോ ആന്റണിയെയാണ് (36) മരിച്ച നിലയില് കണ്ടെത്തിയത്. ഉച്ച മുതല് കാര് പെട്രോള് പമ്പിനടുത്ത് നിര്ത്തിയിട്ട നിലയിലായിരുന്നു. വൈകിട്ട് ഏഴോടെ പെട്രോള് പമ്പിലെ ജീവനക്കാരാണ് എസി പ്രവര്ത്തിച്ചിരുന്ന കാറില് യുവാവിനെ കണ്ടെത്തിയത്. നാട്ടുകാര് ചില്ല് തകര്ത്ത് യുവാവിനെ പുറത്തെടുത്ത് ആശുപത്രിയില് എത്തിച്ചെങ്കിലും രക്ഷിക്കാനായില്ല. മൃതദേഹം കുറ്റ്യാടി ഗവ താലൂക്ക് ആശുപത്രി മോര്ച്ചറിയില്. ഇന്ന് കോഴിക്കോട് മെഡിക്കല് കോളജ് ആശുപത്രിയില് പോസ്റ്റ്മോര്ട്ടത്തിനു ശേഷം സംസ്കാരം നടത്തും. കോഴിക്കോട്ട് ഹോട്ടല് ജീവനക്കാരനായ ബിജോ കോങ്ങോട് ആന്റണിയുടെയും വത്സമ്മയുടെയും മകനാണ്. ഭാര്യ: ജോസ്ന, മകന്: ഏദന്, സഹോദരന്: വിജേഷ് ആന്റണി.
---------------
Hindusthan Samachar / Sreejith S
