Kerala, 22 ഡിസംബര്‍ (H.S.)

തദ്ദേശതിരഞ്ഞെടുപ്പില്‍ പാര്‍ട്ടികള്‍ക്കു കിട്ടിയ വോട്ട് കണക്ക് പുറത്ത്. കോണ്‍ഗ്രസ് 29.17 ശതമാനം വോട്ടുമായി കേരളത്തിലെ വലിയ പാര്‍ട്ടിയായി. സിപിഎം 27.16 ശതമാനം വോട്ടുമായി രണ്ടാമതാണ്. അതേസമയം 14.76 ശതമാനം വോട്ടാണ് മൂന്നാമതുള്ള ബിജെപിക്കുള്ളത്.

സിപിഎമ്മിനെ മറികടന്ന് രണ്ട് ശതമാനം എഡ്ജോടെ കോണ്‍ഗ്രസ് വോട്ട് വിഹിതം വര്‍ധിപ്പിച്ചു എന്നതാണ് കണക്കിലെ പ്രധാനപ്പെട്ടകാര്യം. സിപിഐയെ മറികടന്ന് ലീഗ് ഏറ്റവും വലിയ നാലാമത്തെ പാര്‍ട്ടിയായി.

കേരളത്തിലെ ഏറ്റവും വലിയ ആദ്യത്തെ നാല് പാർട്ടികളെടുക്കുമ്പോള്‍ സിപിഐയ്ക്ക് സ്ഥാനമില്ല. നാലാമത്തെ വലിയ പാർട്ടിയായി ലീഗ് മാറുമ്പോൾ സിപിഐയേക്കാൾ ഏതാണ്ട് ഇരട്ടിയോളം വോട്ടിന്റെ വർധനവാണുള്ളത്. 9.77 ശതമാനം വോട്ടാണ് ലീഗിന് കിട്ടിയത്. സിപിഐയുടേത് വെറും 5.58 ശതമാനം. സിപിഐക്ക് ലഭിച്ചിട്ടുള്ളതിനേക്കാള്‍ വോട്ട് സ്വതന്ത്രർക്ക് ലഭിച്ചു എന്നതാണ് മറ്റൊരു പ്രധാനപ്പെട്ടകാര്യം.

2025-ലെ കേരള തദ്ദേശ സ്വയംഭരണ തെരഞ്ഞെടുപ്പ് രണ്ട് ഘട്ടങ്ങളിലായി ഡിസംബർ 9, ഡിസംബർ 11 തീയതികളിൽ നടന്നു. ഫലപ്രഖ്യാപനം ഡിസംബർ 13-ന് പൂർത്തിയായി.

2025 തെരഞ്ഞെടുപ്പ് അവലോകനം

ഈ തെരഞ്ഞെടുപ്പിൽ കോൺഗ്രസ് നയിക്കുന്ന യു.ഡി.എഫ് (UDF) ഭൂരിഭാഗം തദ്ദേശ സ്ഥാപനങ്ങളിലും വിജയിച്ചപ്പോൾ, തിരുവനന്തപുരം കോർപ്പറേഷനിൽ മികച്ച വിജയം നേടി എൻ.ഡി.എ (NDA) ശ്രദ്ധേയമായ മുന്നേറ്റം നടത്തി.

പോളിംഗ് ശതമാനം: ഏകദേശം 73.69%.

ആകെ തദ്ദേശ സ്ഥാപനങ്ങൾ: 1,200-ൽ 1,199 സ്ഥാപനങ്ങളിലേക്ക് തെരഞ്ഞെടുപ്പ് നടന്നു (മട്ടന്നൂർ നഗരസഭയിൽ 2027-ലാണ് തെരഞ്ഞെടുപ്പ്).

മുന്നണികളുടെ പ്രകടനം:

യു.ഡി.എഫ് (UDF): 38.81% വോട്ട് വിഹിതം; 505 ഗ്രാമപഞ്ചായത്തുകളിലും 54 മുനിസിപ്പാലിറ്റികളിലും 4 കോർപ്പറേഷനുകളിലും ഭരണം നേടി.

എൽ.ഡി.എഫ് (LDF): 33.45% വോട്ട് വിഹിതം; 340 ഗ്രാമപഞ്ചായത്തുകളിലും 28 മുനിസിപ്പാലിറ്റികളിലും വിജയിച്ചു.

എൻ.ഡി.എ (NDA): 14.71% വോട്ട് വിഹിതം; 26 ഗ്രാമപഞ്ചായത്തുകൾ, 2 മുനിസിപ്പാലിറ്റികൾ എന്നിവ നേടി. ചരിത്രത്തിലാദ്യമായി തിരുവനന്തപുരം കോർപ്പറേഷൻ ഭരണം പിടിച്ചെടുത്തു (101-ൽ 50 സീറ്റുകൾ).

പ്രധാന പ്രത്യേകതകൾ

തിരുവനന്തപുരം: എൽ.ഡി.എഫിന്റെ ദീർഘകാലത്തെ കുത്തക തകർത്ത് തിരുവനന്തപുരം കോർപ്പറേഷൻ കൗൺസിൽ എൻ.ഡി.എയുടെ കീഴിലായി.

ജില്ലാ പഞ്ചായത്തുകൾ: ആകെയുള്ള 14 ജില്ലാ പഞ്ചായത്തുകളിൽ യു.ഡി.എഫും എൽ.ഡി.എഫും 7 വീതം നേടി തുല്യത പാലിച്ചു.

വാർഡ് വിഭജനം: 2025-ലെ വാർഡ് വിഭജനത്തിന് ശേഷം സംസ്ഥാനത്തെ ആകെ വാർഡുകളുടെ എണ്ണം 21,900-ൽ നിന്ന് 23,612 ആയി വർദ്ധിച്ചു.

മറ്റ് കക്ഷികൾ: കിഴക്കമ്പലത്ത് ട്വന്റി20 (Twenty20) ഭരണം നിലനിർത്തി. ഐക്കരനാട് ഗ്രാമപഞ്ചായത്തിലെ മുഴുവൻ സീറ്റുകളും അവർ നേടി. ആം ആദ്മി പാർട്ടി (AAP) കേരളത്തിൽ ആദ്യമായി 3 വാർഡുകളിൽ വിജയിച്ചു.

---------------

Hindusthan Samachar / Roshith K