Enter your Email Address to subscribe to our newsletters
Thiruvananthapuram, 24 ഡിസംബര് (H.S.)
യാത്രക്കാർക്ക് വൃത്തിയുള്ള ശുചിമുറികള് കണ്ടെത്താൻ സഹായിക്കുന്ന 'ക്ലൂ എന്ന മൊബൈല് ആപ്ലിക്കേഷൻ പുറത്തിറക്കി തദ്ദേശ സ്വയംഭരണ വകുപ്പ്.
ആപ്പിന്റെ വരവോടെ യാത്രക്കാർക്ക് തൊട്ടടുത്തുള്ള ശുചിമുറികള് ഗൂഗിള് മാപ്പിന്റെ സഹായത്തോടെ കണ്ടെത്താൻ സാധിക്കും. യാത്ര ചെയ്യുന്നവർ നേരിടുന്ന ഏറ്റവും വലിയ വെല്ലുവിളികളിലൊന്നായ വൃത്തിയുള്ള ശുചിമുറികളുടെ അഭാവത്തിന് പരിഹാരവുമായാണ് തദ്ദേശ സ്വയംഭരണ വകുപ്പ് എത്തിയിരിക്കുന്നത്. തദ്ദേശ സ്വയംഭരണ വകുപ്പിന്റെ ‘മാലിന്യമുക്തം നവകേരളം’ പദ്ധതിയുടെ ഭാഗമായി ശുചിത്വ മിഷൻ സജ്ജമാക്കിയ ‘ക്ലൂ’ മൊബൈല് ആപ്ലിക്കേഷൻ പുറത്തിറക്കിയത്. തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് ക്ലൂ ആപ്പിന്റെ ഔദ്യോഗിക ഉദ്ഘാടനം നിർവ്വഹിച്ചു.
തദ്ദേശ സ്വയംഭരണ സ്ഥാപനങ്ങളുടെ കീഴിലുള്ള പൊതു ശുചിമുറികള്ക്ക് പുറമെ, കേരള ഹോട്ടല് ആൻഡ് റസ്റ്റോറന്റ് അസോസിയേഷനുമായി സഹകരിച്ച് മികച്ച നിലവാരം പുലർത്തുന്ന സ്വകാര്യ ഹോട്ടലുകളിലെയും റെസ്റ്റോറന്റുകളിലെയും ശുചിമുറികള് കൂടി ഉള്പ്പെടുത്തിയാണ് ഈ ശൃംഖല വിപുലീകരിച്ചിരിക്കുന്നത്. യാത്രക്കാർക്ക് അവരുടെ ലൊക്കേഷന് തൊട്ടടുത്തുള്ള ശുചിമുറികള് ഗൂഗിള് മാപ്പിന്റെ സഹായത്തോടെ എളുപ്പത്തില് കണ്ടെത്താൻ സാധിക്കുമെന്നതാണ് ആപ്പിന്റെ പ്രധാന സവിശേഷത. ഓരോ ശുചിമുറി കേന്ദ്രത്തിന്റെയും പ്രവർത്തന സമയം, അവിടത്തെ സൗകര്യങ്ങളായ പാർക്കിംഗ് തുടങ്ങിയവയും ഉപയോക്താക്കളുടെ റേറ്റിംഗുകളും ആപ്പിലൂടെ തത്സമയം അറിയാൻ സാധിക്കും
---------------
Hindusthan Samachar / CHANDHU CHANDRASEKHAR
