Enter your Email Address to subscribe to our newsletters
Thiruvanathapuram, 25 ഡിസംബര് (H.S.)
ശബരിമല സ്വര്ണക്കൊള്ളയിലെ ആരോപണത്തില് മുഖ്യമന്ത്രിക്ക് മറുപടിയുമായി അടൂര് പ്രകാശ്. ആറ്റിങ്ങല് എംപി ആയപ്പോള് പോറ്റി തന്നെ വന്നു കണ്ടിരുന്നു. മണ്ഡലത്തിലെ ഇടതുപക്ഷ എംഎല്എയും കൂടിക്കാഴ്ചയില് ഉണ്ടായിരുന്നു. തന്നെ വന്ന് കാണും മുമ്പ് പോറ്റി കണ്ടത് മുഖ്യമന്ത്രിയെ ആണെന്നും സോണിയ ഗാന്ധിയെ കാണാന് പോറ്റിയെ കൊണ്ടുപോയത് താനല്ലെന്നും അടൂര് പ്രകാശ് വ്യക്തമാക്കി.
താന് കാണുന്നതിന് മുമ്പ് മുഖ്യമന്ത്രിയെ പോറ്റി കണ്ടു. സ്വകാര്യ സംഭാഷണത്തില് ശബരിമല ഏല്പ്പിച്ചെന്നാണ് മുഖ്യമന്ത്രി പോറ്റിയോട് പറഞ്ഞത്. കൊള്ളയെക്കുറിച്ചുള്ള നിര്ദേശങ്ങളാണ് നല്കിയതെന്ന് സംശയിച്ചാല് തെറ്റുപറയാനാകില്ല. മുഖ്യമന്ത്രി സ്ഥാനത്തിന് യോജിക്കാത്ത ആരോപണമാണ് മുഖ്യമന്ത്രി തങ്ങള്ക്ക് എതിരെ നടത്തിയത്. ആറ്റിങ്ങല് എംപി ആയപ്പോള് പോറ്റി തന്നെ വന്നു കണ്ടു. സാമൂഹിക സേവന പരിപാടിയെക്കുറിച്ച് പറഞ്ഞു. സ്വര്ണക്കൊള്ളയെക്കുറിച്ചല്ല പറഞ്ഞത്. താന് പങ്കെടുത്ത പരിപാടിയില് ആറ്റിങ്ങല് എംഎല്എയും വന്നു. അന്നദാന ഉദ്ഘാടനം നടത്താന് ക്ഷണിച്ചു. സോണിയയുടെ അപ്പോയിന്റ്മെന്റ് എടുത്ത ശേഷം തന്നെ കൂടി പോറ്റി വിളിച്ചു. കാട്ടുകള്ളന് ആണെന്ന് അറിഞ്ഞിരുന്നുവെങ്കില് അടുപ്പിക്കില്ലായിരുന്നു. കാട്ടുകള്ളന്മാര്ക്ക് ഒരിക്കലും കൂട്ടു നില്ക്കില്ല. സോണിയയെ കാണാന് പോറ്റിയെ കൊണ്ടുപോയത് താനല്ലെന്നും ആരാണ് അപ്പോയിന്റ്മെന്റ് എടുത്തു കൊടുത്തതെന്ന് അറിയില്ലെന്നും അടൂര് പ്രകാശ് മാധ്യമങ്ങളോട് പറഞ്ഞു.
ഉണ്ണികൃഷ്ണന് പോറ്റിക്ക് അടൂര്പ്രകാശുമായി അടുത്ത ബന്ധമായിരുന്നു മുഖ്യമന്ത്രി ആരോപിച്ചത്. സ്വര്ണ്ണക്കൊള്ള കേസില് നിലവില് അറസ്റ്റിലായ ഉണ്ണികൃഷ്ണന് പോറ്റി, പോറ്റി സ്വര്ണ്ണം വിറ്റ ഗോവര്ദ്ധന് എന്ന ബല്ലാരി സ്വദേശിയായ വ്യാപാരി ഇവര് രണ്ട് പേരും സോണിയാ ഗാന്ധിയുമായി നില്ക്കുന്ന ചിത്രം പുറത്തായിട്ടുണ്ട്. ഒരു ചിത്രത്തില് ഗോവര്ദ്ധന് എന്ന ഈ കേസിലെ പ്രതിയില് നിന്ന് സോണിയാ ഗാന്ധി ഉപഹാരം സ്വീകരിക്കുന്ന നിലയില് ആണ്. രണ്ടാമത്തെ ചിത്രത്തില് കേസിലെ പ്രതിയായ ഉണ്ണികൃഷ്ണന് പോറ്റി സോണിയാ ഗാന്ധിയുടെ കൈയ്യില് എന്തോ കെട്ടി കൊടുക്കുന്നതാണ്. ചിത്രത്തില് ശബരിമല ഉള്ക്കൊള്ളുന്ന പത്തനംതിട്ട എം പി ആന്റോ ആന്റണിയും, പത്തനംതിട്ട ജില്ലക്കാരനും നിലവില് ആറ്റിങ്ങല് എം പിയുമായ അടൂര് പ്രകാശും സോണിയാ ഗാന്ധിക്ക് ഒപ്പം.
രാജ്യത്തെ തന്ത്രപ്രധാന സുരക്ഷയുള്ള ഏതാനും ചിലരില് ഒരാള് ആണ് സോണിയാ ഗാന്ധി. അവരുടെ അപ്പോയിന്മെന്റ് ലഭിക്കാന് ഉള്ള കാലതാമസത്തെ പറ്റി ഒരു പാട് കോണ്?ഗ്രസ് നേതാക്കള് തന്നെ പരാതി പറഞ്ഞിട്ടുണ്ട്. ഇന്നും കേരളത്തില് ലീഡര് എന്ന വിശേഷണ പദത്തോടെ സാധാരണ കോണ്?ഗ്രസ്കാര് വിളിക്കുന്ന കെ കരുണാകരന് പറഞ്ഞത് ഓര്മ്മയില്ലേ? 2003 ല് കെ കരുണാകരന് അപ്പോയിന്മെന്റ് ലഭിക്കാതെ കേരളാ ഹൗസില് താമസിക്കേണ്ടി വന്നതും പിന്നാലെ കേരളത്തില് മടങ്ങി എത്തി നീരസം പരസ്യമാക്കിയതും നിങ്ങളില് ചിലര്ക്ക് എങ്കിലും ഓര്മ്മ കാണുമല്ലോ.
ആസാം മുഖ്യമന്ത്രിയും പഴയ കോണ്ഗ്രസ് നേതാവുമായ ഹിമന്ത ബിശ്വ ശര്മ്മ ഗാന്ധി കുടുംബത്തിന്റെ അപ്പോയിന്മെന്റിന് ശ്രമിച്ചതും മടുത്തപ്പോള് ബി ജെ പിയില് ചേര്ന്നതും അദ്ദേഹം തന്നെ വെളിപ്പെടുത്തിയിട്ടുണ്ട്. അരുണാചല് പ്രദേശിലെ കോണ്ഗ്രസ് നിയമസഭാ കക്ഷി മുഴുവനായി ബി ജെ പി ആയി മാറിയതിന് പിന്നിലും ഈ അപ്പോയില്മെന്റ് ലഭിക്കാത്തത് ആണ് എന്ന വാര്ത്ത വന്നിരുന്നല്ലോ. രാജ്യത്തെ മുന്നിര കോണ്ഗ്രസ് നേതാക്കള്ക്ക് പോലും എളുപ്പത്തില് ലഭിക്കാത്ത സോണിയാ ഗാന്ധിയുമായുള്ള അപ്പോയിന്മെന്റ് ഈ സ്വര്ണ്ണക്കേസ് പ്രതികള്ക്ക് എങ്ങനെ ലഭിച്ചു ?
ഇവിടെ സെക്രട്ടറിയേറ്റിന് മുന്നിലുള്ള പോര്ട്ടിക്കോയില് വെച്ചായിരുന്നു ഒരു കൂട്ടര് ശബരിമലയ്ക്ക് കൊടുക്കുന്ന ആംബുലന്സിന്റെ ഉദ്ഘാടനം നടന്നത്. അവിടെ ആള്ക്കുട്ടത്തിനിടയില് പോറ്റി ഉണ്ടായിരുന്നു എന്നും എന്റെ അടുത്തായിരുന്നു എന്നും പറഞ്ഞാണ് പ്രചരണം നടക്കുന്നത്. അതുപോലെ അല്ലല്ലൊ ഇത്. ഒരു പൊതു ഇടത്തില് ഉണ്ടായിരുന്ന പോലെ അല്ല, അപ്പോയിന്റ്മെന്റ് എടുത്ത് കൈയ്യില് കെട്ടികൊടുക്കുന്ന പോലുള്ള സംഭവം നടക്കുന്നത്.
സോണിയാ ഗാന്ധിയുടെ വസതിയില് ഇവരെയും വിളിച്ച് കൊണ്ട് പോകാന് മാത്രം അടൂര് പ്രകാശിനും ആന്റോ ആന്റണിക്കും എന്ത് തരം ബന്ധം ആണ് ഈ പോറ്റിയുമായും ഗോവര്ദ്ധനനുമായും ഉള്ളത് ? ഇത് അവരാണ് വ്യക്തമാക്കേണ്ടത്. യു ഡി എഫ് ഭരണകാലത്ത് ശബരിമലയില് നടന്ന പ്രധാനപ്പെട്ട ചടങ്ങുകളില് ഈ പോറ്റിയും ഗോവര്ദ്ധനും എങ്ങനെ പ്രധാന പങ്കാളികള് ആയി. ഈ ചോദ്യങ്ങള്ക്ക് പ്രതിപക്ഷ നേതാവോ മുന് പ്രതിപക്ഷ നേതാവോ മറുപടി പറഞ്ഞിട്ടുണ്ടോ? ഈ ഭാഗങ്ങളൊക്കെ മറച്ചുവെച്ചുകൊണ്ട് മറ്റ് പ്രചരണങ്ങള് നടത്തുന്നതില് എന്തെങ്കിലും അര്ത്ഥമുണ്ടോ എന്നും മുഖ്യമന്ത്രി ചോദിച്ചിരുന്നു.
---------------
Hindusthan Samachar / Sreejith S
