Thiruvanathapuram, 27 ഡിസംബര്‍ (H.S.)

ഓപ്പറേഷന്‍ ഡിഹണ്ടിന്‍റെ ഭാഗമായി ഇന്നലെ സംസ്ഥാനവ്യാപകമായി നടത്തിയ സ്പെഷ്യല്‍ ഡ്രൈവില്‍ മയക്കുമരുന്ന് വില്‍പ്പനയില്‍ ഏര്‍പ്പെടുന്നതായി സംശയിക്കുന്ന 1299 പേരെ പരിശോധനയ്ക്ക് വിധേയമാക്കി.

വിവിധതരത്തിലുള്ള നിരോധിത മയക്കുമരുന്ന് കൈവശം വച്ചതിന് 42 കേസുകള്‍ രജിസ്റ്റര്‍ ചെയ്തു. 40 പേരാണ് അറസ്റ്റിലായത്. ഈ കേസുകളില്‍ എല്ലാം കൂടി മാരക മയക്കുമരുന്നുകളായ എം.ഡി.എം.എ (0.01448 കി.ഗ്രാം), കഞ്ചാവ് (1.09052 കി.ഗ്രാം), കഞ്ചാവ് ബീഡി (29 എണ്ണം) എന്നിവ പോലീസ് ഇവരില്‍ നിന്ന് പിടിച്ചെടുക്കുകയുണ്ടായി.

നിരോധിത മയക്കുമരുന്നുകളുടെ സംഭരണത്തിലും വിപണനത്തിലും ഏര്‍പ്പെട്ടിരിക്കുന്നവരെ കണ്ടുപിടിച്ച് കര്‍ശന നിയമനടപടികള്‍ സ്വീകരിക്കുന്നതിനാണ് 2025 ഡിസംബര്‍ 26 ന് സംസ്ഥാന വ്യാപകമായി ഓപ്പറേഷന്‍ ഡിഹണ്ട് നടത്തിയത്.

പൊതുജനങ്ങളില്‍ നിന്ന് മയക്കുമരുന്ന് സംബന്ധിച്ച വിവരങ്ങള്‍ സ്വീകരിച്ച് നടപടികള്‍ കൈക്കൊള്ളുന്നതിനായി 24 മണിക്കൂറും പ്രവര്‍ത്തിക്കുന്ന ആന്‍റി നര്‍ക്കോട്ടിക്ക് കണ്‍ട്രോള്‍ റൂം (9497927797) നിലവിലുണ്ട്. ഈ നമ്പറിലേക്ക് ബന്ധപ്പെടുന്നവരുടെ വിവരങ്ങള്‍ രഹസ്യമായാണ് സൂക്ഷിക്കുന്നത്.

മയക്കുമരുന്നിനെതിരെയുള്ള നടപടികള്‍ ശക്തമാക്കുന്നതിന്‍റെ ഭാഗമായി ക്രമസമാധാന വിഭാഗം എ.ഡി.ജി.പിയുടെ നേരിട്ടുള്ള മേല്‍നോട്ടത്തില്‍ സംസ്ഥാന തലത്തില്‍ ആന്‍റി നര്‍ക്കോട്ടിക്സ് ഇന്‍റലിജന്‍സ് സെല്ലും എന്‍.ഡി.പി.എസ് കോര്‍ഡിനേഷന്‍ സെല്ലും റേഞ്ച് അടിസ്ഥാനത്തില്‍ ആന്‍റി നര്‍ക്കോട്ടിക്സ് ഇന്‍റലിജന്‍സ് സെല്ലും പ്രവര്‍ത്തിക്കുന്നുണ്ട്.

പുതുവത്സര ആഘോഷങ്ങൾ കണക്കിലെടുത്ത് സംസ്ഥാന വ്യാപകമായി സ്പെഷ്യൽ ഡ്രൈവുകൾ നടത്താനും എക്സൈസ് തീരുമാനിച്ചിട്ടുണ്ട്.. പ്രത്യേകിച്ച് കൊച്ചിയിലും തിരുവനന്തപുരം ബീച്ചുകളും ഹോട്ടലുകളും കേന്ദ്രീകരിച്ച് പരിശോധന ശക്തമാക്കും.. നേരത്തെ ലഹരി കേസുകളിൽ ഉൾപ്പെട്ടിട്ടുള്ളവരെ പ്രത്യേകം നിരീക്ഷിക്കാനും നിർദ്ദേശം നൽകി..

പരിശോധന വ്യാപകമാക്കുന്നത് സംബന്ധിച്ച് ജില്ലാ എക്സൈസ് ഉദ്യോഗസ്ഥരുടെ നേതൃത്വത്തിൽ പ്രത്യേകം യോഗങ്ങളും ഇതിനകം ചേർന്നിട്ടുണ്ട്. തിരുവനന്തപുരത്തേക്കാൾ കൂടുതൽ ആഘോഷ പരിപാടികൾ സംഘടിപ്പിക്കുന്ന കൊച്ചിയിൽ പഴുതടച്ച നിരീക്ഷണമാകും എക്സൈസ് ഏർപ്പെടുത്തുക..

അതിർത്തി പ്രദേശങ്ങളിലെ എക്സൈസ് ചെക്ക് പോസ്റ്റുകളിൽ പരിശോധന കർശനമാക്കാനും നിർദ്ദേശം നൽകിയിട്ടുണ്ട്.. പോലീസിന്റെയും പൊതുജനങ്ങളുടെയും റസിഡൻസ് അസോസിയേഷനുകളുടെയും ഒക്കെ സംയുക്ത സഹകരണത്തോടെ കൂടി ലഹരിക്കരായ പ്രവർത്തനങ്ങൾ വ്യാപിപ്പിക്കാനാണ് എക്സൈസ് തീരുമാനം..

ജനുവരി അഞ്ചുവരെയാണ് എക്സൈസിന്റെ സ്പെഷ്യൽ ഡ്രൈവ്.. പൊതുജനങ്ങൾക്ക് ലഹരി സംബന്ധമായ അറിയിപ്പുകൾ നൽകാൻ 24 മണിക്കൂറും പ്രവർത്തിക്കുന്ന കൺട്രോൾ റൂമും സജ്ജമാക്കി.. 0 4 7 1 24 73 149 എന്ന നമ്പരിൽ ലഹരി സംബന്ധമായ വിവരങ്ങൾ പൊതുജനങ്ങൾക്ക് അറിയിക്കാം..

---------------

Hindusthan Samachar / CHANDHU CHANDRASEKHAR