Thrikkakkara , 27 ഡിസംബര്‍ (H.S.)

തൃക്കാക്കര നഗരസഭാ അധ്യക്ഷ സ്ഥാനം തീരുമാനിച്ചതിനെ ചൊല്ലി ഉമ തോമസും പാർട്ടി ജില്ലാ നേതൃത്വവും തമ്മിൽ തർക്കം രൂക്ഷം. മേയറെ തിരഞ്ഞെടുത്തതുമായി ബന്ധപ്പെട്ട് കൊച്ചിയിൽ അതൃപ്തി പുകയുന്നതിനിടെയാണ് തൃക്കാക്കരയിലും കെ പി സി സി മാനദണ്ഡങ്ങൾ ലംഘിക്കപ്പെട്ടെന്നാണ് ഉമ തോമസ് എം എൽ എയുടെ പരാതി. ഇക്കാര്യം ചൂണ്ടിക്കാട്ടി കെ പി സി സി പ്രസിഡണ്ടിന്‍റ് സണ്ണി ജോസഫിന് ഉമ തോമസ് പരാതി നൽകി. കൗൺസിലർമാരുടെ പിന്തുണയുടെ അടിസ്ഥാനത്തിൽ രണ്ട് പേർക്കായി അധ്യക്ഷ സ്ഥാനം വീതം വയ്ക്കണമെന്നതാണ് ഉമ തോമസിന്‍റെ ആവശ്യം. എന്നാൽ ഉമയുടെ ആവശ്യം ഡി സി സി നേതൃത്വം തള്ളിക്കളഞ്ഞിരുന്നു.

ഇതോടെയാണ് ഉമ, കെ പി സി സിക്ക് പരാതി നൽകിയത്. കൊച്ചി കോർപ്പറേഷനിൽ ഒരു നീതിയും തൃക്കാക്കരയിൽ മറ്റൊരു നീതിയും പറ്റില്ലെന്ന് ഉറച്ച നിലപാടിലാണ് ഉമ തോമസ്. നേരത്തെ കൊച്ചി കോർപറേഷനിൽ മേയറാകുമെന്ന് കരുതപ്പെട്ടിരുന്ന ദീപ്തി മേരി വർഗീസ് സ്ഥാനം ലഭിക്കാത്തതിൽ പരസ്യ പ്രതിഷേധവുമായി രംഗത്തെത്തിയിരുന്നു.

ദീപ്തി മേരി വര്‍ഗീസിന് മേയര്‍ സ്ഥാനം നിഷേധിച്ച നടപടിക്കെതിരെ കടുത്ത പ്രതിഷേധത്തിലാണ് എറണാകുളം ജില്ലയിലെ ഒരു വിഭാഗം നേതാക്കള്‍. കെ പി സി സി ജനറൽ സെക്രട്ടറി എം ആര്‍ അഭിലാഷും ദീപ്തിയെ വെട്ടിയതില്‍ അതൃപ്തി പരസ്യമാക്കിയിരുന്നു. ദീപ്തി മേരി വർഗീസിനെ മേയർ സ്ഥാനത്തുനിന്ന് വെട്ടിയ നടപടിയിൽ പ്രതിപക്ഷ നേതാവിനെതിരെയാണ് എം ആർ അഭിലാഷ് വിമർശനം ഉന്നയിച്ചത്. കെ പി സി സി മാനദണ്ഡങ്ങൾ എന്തുകൊണ്ട് ലംഘിക്കപ്പെട്ടു എന്ന് പ്രതിപക്ഷ നേതാവും ഡി സി സി പ്രസിഡൻ്റും പറയണമെന്നാണ് നേതാക്കൾ ആവശ്യപ്പെടുന്നത്. ചിലരുടെ വ്യക്തി താൽപ്പര്യങ്ങളാണ് മേയർ തെരഞ്ഞെടുപ്പിൽ പ്രതിഫലിച്ചതെന്നും അഭിലാഷ് പറഞ്ഞു.

2025-ലെ കേരള തദ്ദേശ സ്വയംഭരണ തെരഞ്ഞെടുപ്പിൽ തൃക്കാക്കര നഗരസഭയിൽ യുണൈറ്റഡ് ഡെമോക്രാറ്റിക് ഫ്രണ്ട് (UDF) മികച്ച വിജയം നേടിയിരുന്നു.

പ്രധാന ഫലങ്ങളും ഭരണനേതൃത്വവും (2025)

ചെയർമാൻ: കോൺഗ്രസ് പ്രതിനിധിയായ റാഷിദ് ഉള്ളമ്പിള്ളി 2025 ഡിസംബർ 26-ന് ചെയർമാനായി തിരഞ്ഞെടുക്കപ്പെട്ടു. എൽ.ഡി.എഫ് സ്ഥാനാർത്ഥി സി.പി. സജലിനെ 18-നെതിരെ 29 വോട്ടുകൾക്കാണ് അദ്ദേഹം പരാജയപ്പെടുത്തിയത്.

വൈസ് ചെയർപേഴ്സൺ: മുസ്ലിം ലീഗ് പ്രതിനിധി ഷെറീന ഷുക്കൂർ വൈസ് ചെയർപേഴ്സണായി തിരഞ്ഞെടുക്കപ്പെട്ടു. എൽ.ഡി.എഫിന്റെ അജുന ഹാഷിമിനെ 18-നെതിരെ 29 വോട്ടുകൾക്ക് അവർ പരാജയപ്പെടുത്തി.

കൗൺസിൽ നില:

രണ്ട് സ്വതന്ത്ര അംഗങ്ങളുടെ പിന്തുണയോടെ യു.ഡി.എഫ് വ്യക്തമായ ഭൂരിപക്ഷം നിലനിർത്തി.

ട്വന്റി20-യുടെ ഏക കൗൺസിലർ വോട്ടെടുപ്പിൽ നിന്ന് വിട്ടുനിന്നു.

ബി.ജെ.പി എല്ലാ വാർഡുകളിലും മത്സരിച്ചെങ്കിലും സീറ്റുകളൊന്നും നേടാനായില്ല.

തിരഞ്ഞെടുപ്പിലെ പ്രധാന സവിശേഷതകൾ

പൂർണ്ണ കാലാവധി: 2010-ൽ നഗരസഭ രൂപീകരിച്ചതിന് ശേഷം ആദ്യമായി, ചെയർമാനും വൈസ് ചെയർപേഴ്സണും അഞ്ച് വർഷം പൂർണ്ണ കാലാവധി അധികാരത്തിൽ തുടരാൻ യു.ഡി.എഫ് നേതൃത്വം തീരുമാനിച്ചു. മുൻകാലങ്ങളിൽ നിലനിന്നിരുന്ന കാലാവധി പങ്കുവെക്കൽ രീതി ഇത്തവണ ഒഴിവാക്കി.

അഭിപ്രായ വ്യത്യാസങ്ങൾ: വിജയത്തിനിടയിലും യു.ഡി.എഫിനുള്ളിൽ ചില അതൃപ്തികൾ റിപ്പോർട്ട് ചെയ്യപ്പെട്ടു. ചെയർമാൻ തിരഞ്ഞെടുപ്പുമായി ബന്ധപ്പെട്ട് തന്നോട് ആലോചിച്ചില്ലെന്ന് ചൂണ്ടിക്കാട്ടി ഉമ തോമസ് എം.എൽ.എ പരസ്യമായി രംഗത്തെത്തിയിരുന്നു.

ശ്രദ്ധേയമായ വിജയങ്ങൾ:

22 വയസ്സുള്ള വിദ്യാർത്ഥിനിയായ സുബൈർ തന്റെ വിവാഹത്തിന് തൊട്ടുമുമ്പുള്ള ദിവസങ്ങളിൽ കൗൺസിലറായി വിജയിച്ചു.

എൽ.ഡി.എഫ് സ്ഥാനാർത്ഥികളായ സി.എ. നിഷാദും റാസിയ നിഷാദും എന്ന ദമ്പതികൾ ഇരുവരും നഗരസഭയിലേക്ക് തിരഞ്ഞെടുക്കപ്പെട്ടു.

---------------

Hindusthan Samachar / Roshith K