Shasthamangalam , 28 ഡിസംബര്‍ (H.S.)

2025 ഡിസംബറിൽ നടന്ന കേരള തദ്ദേശ സ്വയംഭരണ തിരഞ്ഞെടുപ്പിൽ, തിരുവനന്തപുരം നഗരസഭയിലെ ശാസ്തമംഗലം വാർഡിൽ (വാർഡ് 41) ഭാരതീയ ജനതാ പാർട്ടി (ബി.ജെ.പി) സ്ഥാനാർത്ഥി ആർ. ശ്രീലേഖ വിജയിച്ചു.

തിരഞ്ഞെടുപ്പ് ഫലം 2025:

വിജയി: ആർ. ശ്രീലേഖ (ബി.ജെ.പി).

ഭൂരിപക്ഷം: ഏകദേശം 708 വോട്ടുകൾ.

മുഖ്യ എതിരാളി: അമൃത ആർ (സി.പി.ഐ.എം).

പ്രത്യേകതകൾ: കേരളത്തിലെ ആദ്യ വനിതാ ഐ.പി.എസ് ഓഫീസറായ മുൻ ഡി.ജി.പി ആർ. ശ്രീലേഖയുടെ കന്നി തിരഞ്ഞെടുപ്പ് വിജയമായിരുന്നു ഇത്. ഈ വിജയത്തിലൂടെ തിരുവനന്തപുരം കോർപ്പറേഷനിൽ ഭരണം പിടിച്ചെടുക്കാൻ ബി.ജെ.പിക്ക് സാധിച്ചു (101-ൽ 50 സീറ്റുകൾ). നിലവിൽ വി.വി. രാജേഷാണ് തിരുവനന്തപുരം മേയർ. തിരുവനന്തപുരം: ശാസ്തമംഗലത്തെ കോര്‍പറേഷന് കെട്ടിടത്തില്‍ വാടകയ്ക്ക് പ്രവര്‍ത്തിക്കുന്ന എംഎല്‍എ ഓഫിസ് ഒഴിയണമെന്ന ആര്‍.ശ്രീലേഖയുടെ ആവശ്യം സാമാന്യനീതിയുടെ ലംഘനമെന്ന് വി.കെ. പ്രശാന്ത് എംഎല്‍എ. എംഎല്‍എയെ കൗണ്‍സിലര്‍ വിളിച്ച് ആവശ്യപ്പെടുന്നത് ശരിയല്ല. നേതൃത്വം അറിഞ്ഞാണോ വിളിച്ചതെന്ന് അറിയണമെന്നും ഏഴ് വര്‍ഷമായി എംഎല്‍എ ഓഫിസ് പ്രവര്‍ത്തിക്കുന്നു‌ണ്ടെന്നും വി.കെ.പ്രശാന്ത് പറഞ്ഞു.

ഇതൊരു ശരിയായ രീതിയല്ല. ഞാൻ മേയർ ആയിരിക്കുന്ന സന്ദർഭത്തിലാണ് ഈ 100 വാർഡുകളിലും വാർഡ് കമ്മിറ്റി ഓഫീസുകൾക്ക് അനുവദിക്കാനും നഗരസഭയുടെ കെട്ടിടങ്ങൾ ഉണ്ടെങ്കിൽ അത് എടുക്കണം ഇല്ലായെങ്കിൽ വാടകയ്ക്ക് ഒരു സ്വകാര്യ കെട്ടിടം അടക്കം എടുക്കാനുള്ള തീരുമാനം എടുക്കുന്നത്. അങ്ങനെ മുൻ മേയർ ആയിരിക്കുന്ന ഒരു ആളോട് കൂടിയാണ് ഇത് പറയുന്നത് എന്ന് കൂടി ഓർമ്മിപ്പിക്കണം.

കൗൺസിലർക്ക് സൗകര്യം വരാത്തത് കൊണ്ട് എംഎൽഎ മാറി തരണം എന്ന് പറയുന്ന നില വരുന്നത്. അപ്പോൾ ഇത് ഒരു ഒരു ജനാധിപത്യ സംവിധാനത്തിന് യോജിച്ച ഒരു കാര്യമല്ല. ഇത് ബന്ധപ്പെട്ട ആൾക്കാരുമായിട്ട് ആലോചിച്ചിട്ടാണോ ഇങ്ങനെ ഒരു ആവശ്യം ഉന്നയിച്ചത് എന്നുള്ള കാര്യം എനിക്ക് സംശയമുണ്ടെന്ന് വി.കെ.പ്രശാന്ത് പറഞ്ഞു.

ശ്രീലേഖയുടെ വാർഡായ ശാസ്തമംഗലത്തെ കോർപറേഷൻറെ കെട്ടിടത്തിലാണ് പ്രശാന്തിൻറെ ഓഫീസ് പ്രവർത്തിക്കുന്നത്. തൻറെ ഓഫീസ് സൗകര്യപ്രദമായി പ്രവർത്തിപ്പിക്കുന്നതിന് പ്രശാന്ത് ഒഴിയണമെന്നു ഫോണിലൂടെ ആർ ശ്രീലേഖ ആവശ്യപ്പെടുകയായിരുന്നു.

കൗൺസിൽ തീരുമാന പ്രകാരമാണ് പ്രശാന്തിൻറെ ഓഫീസ് വാടകയ്ക്ക് ഇവിടെ പ്രവർത്തിക്കുന്നത്. കെട്ടിടം ഒഴിപ്പിക്കാൻ ബിജെപിക്ക് ഭൂരിപക്ഷമുള്ള കൗൺസിൽ തീരുമാനിച്ചാൽ എംഎൽഎക്ക് ഓഫീസ് ഒഴിയേണ്ടി വരും. കൗൺസിലർക്ക് കോർപറേഷൻ കെട്ടിടത്തിൽ ഓഫീസ് വേണമെങ്കിൽ മേയർ വഴിയാണ് അനുമതി കിട്ടേണ്ടത്.

2025 ഡിസംബറിൽ നടന്ന കേരള തദ്ദേശ സ്വയംഭരണ തിരഞ്ഞെടുപ്പിൽ, തിരുവനന്തപുരം നഗരസഭയിലെ ശാസ്തമംഗലം വാർഡിൽ (വാർഡ് 41) ഭാരതീയ ജനതാ പാർട്ടി (ബി.ജെ.പി) സ്ഥാനാർത്ഥി ആർ. ശ്രീലേഖ വിജയിച്ചു.

തിരഞ്ഞെടുപ്പ് ഫലം 2025:

വിജയി: ആർ. ശ്രീലേഖ (ബി.ജെ.പി).

ഭൂരിപക്ഷം: ഏകദേശം 708 വോട്ടുകൾ.

മുഖ്യ എതിരാളി: അമൃത ആർ (സി.പി.ഐ.എം).

പ്രത്യേകതകൾ: കേരളത്തിലെ ആദ്യ വനിതാ ഐ.പി.എസ് ഓഫീസറായ മുൻ ഡി.ജി.പി ആർ. ശ്രീലേഖയുടെ കന്നി തിരഞ്ഞെടുപ്പ് വിജയമായിരുന്നു ഇത്. ഈ വിജയത്തിലൂടെ തിരുവനന്തപുരം കോർപ്പറേഷനിൽ ഭരണം പിടിച്ചെടുക്കാൻ ബി.ജെ.പിക്ക് സാധിച്ചു (101-ൽ 50 സീറ്റുകൾ). നിലവിൽ വി.വി. രാജേഷാണ് തിരുവനന്തപുരം മേയർ.

---------------

Hindusthan Samachar / Roshith K