Enter your Email Address to subscribe to our newsletters
Kerala, 3 ഡിസംബര് (H.S.)
ദക്ഷിണാഫ്രിക്കയ്ക്കെതിരായ ടി20 പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. സൂര്യകുമാര് യാദവ് ഇന്ത്യയെ നയിക്കും. പരിക്കുള്ള ശുഭ്മാന് ഗില് ടീമിലിടം പിടിച്ചിട്ടുണ്ട്. ഗില്ലാണ് ഉപനായകന്.പരിക്കേറ്റ ശുഭ്മാന് ഗില്ലിനെ ടീമിലെടുത്തിട്ടുണ്ടെങ്കിലും കളിക്കുമോ എന്നുറപ്പില്ല. ശാരീരിക ക്ഷമത വീണ്ടെടുക്കുന്ന പശ്ചാത്തലത്തില് മാത്രമേ താരം കളിക്കൂ.
മലയാളി താരം സഞ്ജു സാംസണ് വിക്കറ്റ് കീപ്പറായി ടീമിലുണ്ട്. യശസ്വി ജയ്സ്വാളിനെ ഒഴിവാക്കി. അഭിഷേക് ശര്മ, തിലക് വര്മ, ജിതേഷ് ശര്മ, ജസ്പ്രീത് ബുംറ എന്നിവര് ടീമിലിടംപിടിച്ചു. പരിക്കില് നിന്ന് മുക്തനായ ഓള്റൗണ്ടര് ഹാര്ദിക് പാണ്ഡ്യ ടീമില് തിരിച്ചെത്തി.ഏകദിന പരമ്പരകള്ക്കുശേഷം ഡിസംബര് ഒമ്പതിനാണ് ടി20 പരമ്പര്. അഞ്ചുമത്സരങ്ങളടങ്ങിയതാണ് ടി20 പരമ്പര.
ടി20 പരമ്പരയ്ക്കുള്ള ഇന്ത്യന് സ്ക്വാഡ്: സൂര്യകുമാര് യാദവ്, ശുഭ്മാന് ഗില്, അഭിഷേക് ശര്മ, തിലക് വര്മ, ഹാര്ദിക് പാണ്ഡ്യ, ശിവം ദുബെ, അക്ഷര് പട്ടേല്, ജിതേഷ് ശര്മ, സഞ്ജു സാംസണ്, ജസ്പ്രീത് ബുംറ, വരുണ് ചക്രവര്ത്തി, അര്ഷ്ദീപ് സിങ്, കുല്ദീപ് യാദവ്, ഹര്ഷിത് റാണ, വാഷിങ്ടണ് സുന്ദര്
---------------
Hindusthan Samachar / Sreejith S
