Enter your Email Address to subscribe to our newsletters
Thiruvanathapuram, 3 ഡിസംബര് (H.S.)
ബലാത്സംഗക്കേസില് രാഹുല് മാങ്കൂട്ടത്തില് എംഎല്എയുടെ മുന്കൂര് ജാമ്യാപേക്ഷ ഇന്ന് കോടതി പരിഗണിക്കും. സംസ്ഥാനത്തിനകത്തും പുറത്തും രാഹുലിനെ പൊലീസ് തെരയുന്നതിനിടെയാണ് മുന്കൂര് ജാമ്യാപേക്ഷ തിരുവനന്തപുരം ജില്ലാ സെഷന്സ് കോടതി ഇന്ന് പരിഗണിക്കുന്നത്. ജാമ്യാപേക്ഷയിലെ വാദം അടച്ചിട്ടമുറിയില് വേണമെന്ന് പ്രോസിക്യൂഷനും രാഹുല് മാങ്കൂട്ടത്തിലിന്റെ അഭിഭാഷകനും ആവശ്യപ്പെട്ടിട്ടുണ്ട്. ഇത് അനുവദിക്കണോ എന്നതിലാകും ആദ്യവാദം. തനിക്കെതിരായ പരാതിയിലെ ആരോപണങ്ങള് കെട്ടിച്ചമച്ചതാണെന്നാണ് രാഹുല് മാങ്കൂട്ടത്തിലിന്റെ വാദം. പീഡനാരോപണവും ഗര്ഭഛിദ്രം നടത്തിയെന്ന പരാതിയും മുന്കൂര് ജാമ്യാപേക്ഷയില് രാഹുല് നിരസിച്ചിട്ടുണ്ട്. ഇതിനായി ഡിജിറ്റല് തെളിവുകളും രാഹുല് ഹാജരാക്കിയിരുന്നു. എന്നാല്, ഇതിനോടകം രാഹുലിനെതിരെ തെളിവുകള് പൊലീസ് ശേഖരിച്ചിട്ടുണ്ട്. അതേസമയം, രാഹുലിനെതിരെ പരമാവധി തെളിവുകള് ശേഖരിച്ച് ജാമ്യാപേക്ഷയെ എതിര്ക്കാനാണ് പ്രോസിക്യൂഷന് നീക്കം. നിലവിലെ കേസ് കൂടാതെ രാഹുല് സ്ഥിരം പ്രശ്നക്കാരനാണെന്നാണ് പ്രോസിക്യൂഷന് വാദിക്കുക. അതേസമയം, പരാതിക്ക് പിന്നില് ഗൂഢാലോചനയുണ്ടെന്നാണ് രാഹുലിന്റെ വാദം.
ഇന്നലെ രാഹുലിനെതിരെ കെപിസിസിക്ക് ലഭിച്ച ലൈംഗിക പീഡന പരാതിയിലും പൊലീസ് കേസെടുത്തേക്കും. പരാതി ഇന്നലെ കെപിസിസി നേതൃത്വം ഡിജിപിക്ക് കൈമാറിയിരുന്നു. കേസെടുത്തശേഷം പരാതിക്കാരിയെ കണ്ടെത്താമെന്നാണ് ഉന്നത പൊലീസ് വൃത്തങ്ങള് അറിയിക്കുന്നത്. ഗുരുതര കുറ്റകൃത്യം വെളിവായാല് കേസെടുക്കുന്നതില് നിയമതടസമില്ലെന്നാണ് വിശദീകരണം. പരാതിക്കാരി പിന്നീട് കേസുമായി സഹകരിച്ചില്ലെങ്കില് കേസ് അവസാനിപ്പിക്കും.
എഴ് ദവസമായി ഒളിവിലുള്ള എംഎല്എക്കായി പൊലീസ് രാത്രയിലും പരിശോധന തുടര്ന്നു. കര്ണാടക-തമിഴ്നാട് അതിര്ത്തിയിലെ ബാഗല്ലൂരിലും പരിസരങ്ങളിലും രാത്രിയിലും പരിശോധന തുടര്ന്നു. അന്വേഷണം ബെംഗളൂരുവിലേക്കും വ്യാപിപ്പിച്ചിട്ടുണ്ട്. കൂടുതല് പൊലീസ് സംഘം കര്ണാടകയിലെത്തി അന്വേഷണം ആരംഭിച്ചിട്ടുണ്ട്.
---------------
Hindusthan Samachar / Sreejith S
