Enter your Email Address to subscribe to our newsletters
New delhi, 3 ഡിസംബര് (H.S.)
മൊബൈല് കമ്പനികളുടെ എതിര്പ്പിന് പിന്നാലെ സഞ്ചാര് സാഥി ആപ്പ് നിബന്ധനയില് യു ടേണ് എടുത്ത് കേന്ദ്ര സര്ക്കാര്. ആപ്പ് പ്രീ ഇന്സ്റ്റാള് ചെയ്യേണ്ടതില്ലെന്ന് കേന്ദ്ര സര്ക്കാര് വ്യക്തമാക്കി. ആപ്പിന് ജനങ്ങള്ക്കിടയില് സ്വീകാര്യത കൂടി വരുന്നത് പരിഗണിച്ച് ഉത്തരവ് പിന്വലിക്കുന്നുവെന്നാണ് കേന്ദ്രത്തിന്റെ വിശദീകരണം.
പുതിയ ഫോണുകളില് സഞ്ചാര് സാഥി നിര്ബന്ധമാക്കണമെന്ന് കേന്ദ്ര സര്ക്കാര് നിര്ദ്ദേശിച്ചാല് സഹകരിക്കില്ലെന്ന് ആപ്പിള് പറഞ്ഞിരുന്നു. ലോകത്തൊരിടത്തും ഇത്തരം നിര്ദ്ദേശം കമ്പനി അംഗീകരിക്കാറില്ലെന്നതാണ് ആപ്പിളിന്റെ നിലപാട്. ഐ ഒ എസ് ഇക്കോസിസ്റ്റത്തിന്റെ സുരക്ഷയെ ബാധിക്കുമെന്നും കമ്പനി വ്യക്തമാക്കി.
കടുത്ത എതിര്പ്പ് ഉയര്ന്നതിന് പിന്നാലെ നേരത്തെ തന്നെ കേന്ദ്ര സര്ക്കാര് നിലപാട് മയപ്പെടുത്തിയിരുന്നു. ഉപയോക്താക്കള്ക്ക് താല്പ്പര്യമില്ലെങ്കില് ആപ്ലിക്കേഷന് ഡിലീറ്റ് ചെയ്യാന് സ്വാതന്ത്ര്യമുണ്ടെന്ന് വിവാദങ്ങള്ക്ക് പിന്നാലെ കേന്ദ്രം വ്യക്തമാക്കി. ഉപയോക്താക്കളുടെ സ്വകാര്യത ലംഘിക്കുമെന്ന ആശങ്കകള്ക്കിടയില്, ആശയവിനിമയ മന്ത്രി ജ്യോതിരാദിത്യ സിന്ധ്യ ഈ ഭയങ്ങള്ക്ക് അടിസ്ഥാനമില്ലെന്ന് പറയുകയും സൈബര് തട്ടിപ്പുകളില് നിന്ന് ഉപയോക്താക്കളെ സംരക്ഷിക്കാനാണ് ആപ്പ് ലക്ഷ്യമിടുന്നതെന്നും പറഞ്ഞിരുന്നു.
---------------
Hindusthan Samachar / Sreejith S
