Alapuzha, 31 ഡിസംബര്‍ (H.S.)

പക്ഷിപ്പനി, ആലപ്പുഴയിലെ നിയന്ത്രണങ്ങൾ നീക്കി. ഹോട്ടലുകളിൽ ചിക്കൻ വിഭവങ്ങൾ വിൽക്കാം. കോഴി, താറാവ്, കാട എന്നിവയുടെ മാംസം, മുട്ട എന്നിവ വിൽക്കാൻ അനുമതി. ആലപ്പുഴ ജില്ലയിലെ 32 പഞ്ചായത്തുകളിലും ആലപ്പുഴ ,ഹരിപ്പാട് നഗരസഭകളിലുമായിരുന്നു നിയന്ത്രണം.

കള്ളിങ്ങ് നടത്തിയ പ്രദേശങ്ങളിൽ അണുനശീകരണം പൂർത്തിയായി. പുതുതായി പക്ഷിപ്പനി കേസുകൾ സ്ഥിരീകരിച്ചില്ല. സംശയമുള്ള മൂന്ന് സാംപിളുകൾ ഭോപ്പാലിൽ പരിശോധനയ്ക്ക് അയച്ചു. ഈമാസം 30 മുതല്‍ ഹോട്ടലുകള്‍ അടച്ചിടുമെനന്നായിരുന്നു ഉടമകളുടെ മുന്നറിയിപ്പ്.

ഹോട്ടലുകളില്‍ ഭക്ഷണം കഴിക്കാന്‍ എത്തിയവരെ ഉദ്യോഗസ്ഥര്‍ ഇറക്കി വിട്ടതിന് പിന്നാലെയതാണ് പ്രതിഷേധവുമായി ഹോട്ടല്‍ ഉടമകള്‍ രംഗത്തെത്തിയത്. എഫ്എസ്എസ്എഐ നടപടി മുന്നറിയിപ്പ് ഇല്ലാതെയെന്ന് ഹോട്ടലുടമകള്‍ പറയുന്നു. നിലവില്‍ ജില്ലയില്‍ താറാവില്‍ മാത്രമാണ് പക്ഷിപ്പനി സ്ഥിരീകരിച്ചത്.

സംസ്ഥാനത്ത് പക്ഷിപ്പനി സ്ഥിരീകരിച്ച ഇടങ്ങളില്‍ പക്ഷികളെ കൂട്ടത്തോടെ കൊന്നൊടുക്കുകയായിരുന്നു. ആലപ്പുഴയില്‍ ഇരുപതിനായിരത്തോളം പക്ഷികളെയാണ് കൊന്നൊടുക്കിയത്. കൂടുതല്‍ ഇടങ്ങളിലേക്ക് രോഗബാധ പടരാതിരിക്കാനുള്ള മുന്‍കരുതലുകള്‍ സ്വീകരിച്ചതായി ജില്ലാഭരണകൂടം വ്യക്തമാക്കി.

പക്ഷിപ്പനി (Avian Influenza): അറിഞ്ഞിരിക്കേണ്ട കാര്യങ്ങളും പ്രതിരോധ മാർഗങ്ങളുംസംസ്ഥാനത്ത് ആലപ്പുഴ, കോട്ടയം ജില്ലകളിലെ വിവിധ മേഖലകളിൽ പക്ഷിപ്പനി (H5N1) വീണ്ടും സ്ഥിരീകരിച്ചിരിക്കുകയാണ്. താറാവുകളിലും കോഴികളിലും രോഗബാധ കണ്ടെത്തിയതിനെത്തുടർന്ന് ആയിരക്കണക്കിന് പക്ഷികളെ കൊന്നൊടുക്കാനും (Culling) കർശന നിയന്ത്രണങ്ങൾ ഏർപ്പെടുത്താനും സർക്കാർ ഉത്തരവിട്ടിട്ടുണ്ട്. സാധാരണഗതിയിൽ പക്ഷികളിൽ കാണപ്പെടുന്ന ഈ വൈറസ് രോഗം മനുഷ്യരിലേക്ക് പകരാൻ സാധ്യതയുള്ളതിനാൽ അതീവ ജാഗ്രത ആവശ്യമാണ്.എന്താണ് പക്ഷിപ്പനി?ഇൻഫ്ലുവൻസ ടൈപ്പ് എ (Influenza Type A) വൈറസുകൾ മൂലമുണ്ടാകുന്ന ഒരു പകർച്ചവ്യാധിയാണ് പക്ഷിപ്പനി അഥവാ ഏവിയൻ ഇൻഫ്ലുവൻസ. കുടിയേറ്റ പക്ഷികളിലൂടെയാണ് പ്രധാനമായും ഈ വൈറസ് ഒരു സ്ഥലത്തുനിന്ന് മറ്റൊരു സ്ഥലത്തേക്ക് പകരുന്നത്. പക്ഷികളിൽ നിന്ന് പക്ഷികളിലേക്കും അവയുമായി അടുത്ത സമ്പർക്കം പുലർത്തുന്ന മനുഷ്യരിലേക്കും ഈ രോഗം പകരാം.പ്രധാന ലക്ഷണങ്ങൾമനുഷ്യരിൽ പക്ഷിപ്പനി ബാധിച്ചാൽ സാധാരണ പനിയുടെ ലക്ഷണങ്ങളാണ് പ്രകടമാകാറുള്ളത്:കടുത്ത പനിചുമയും തൊണ്ടവേദനയുംശരീരവേദനയും തളർച്ചയുംശ്വാസതടസ്സംചിലപ്പോൾ വയറിളക്കവും ഛർദ്ദിയും

പ്രതിരോധ മാർഗങ്ങൾ

രോഗം പടരുന്നത് തടയാൻ താഴെ പറയുന്ന മുൻകരുതലുകൾ സ്വീകരിക്കേണ്ടത് അത്യാവശ്യമാണ്:

സമ്പർക്കം ഒഴിവാക്കുക: ചത്ത പക്ഷികളെയോ രോഗലക്ഷണമുള്ള പക്ഷികളെയോ യാതൊരു കാരണവശാലും കൈകാര്യം ചെയ്യരുത്. പക്ഷികളുടെ കാഷ്ഠം, തൂവൽ എന്നിവയുമായുള്ള സമ്പർക്കവും ഒഴിവാക്കുക.

ശുചിത്വം പാലിക്കുക: പക്ഷികളുമായി ഇടപഴകേണ്ടി വന്നാൽ കൈകൾ സോപ്പും വെള്ളവും ഉപയോഗിച്ച് നന്നായി കഴുകുക.

ഭക്ഷണക്രമം: കോഴിയിറച്ചി, മുട്ട എന്നിവ നന്നായി വേവിച്ചു മാത്രം കഴിക്കുക. പാതി വെന്ത മുട്ടയോ ഇറച്ചിയോ ഉപയോഗിക്കുന്നത് ഒഴിവാക്കണം.

ജാഗ്രത അറിയിക്കുക: പക്ഷികൾ അസ്വാഭാവികമായി കൂട്ടത്തോടെ ചത്ത നിലയിൽ കണ്ടാൽ ഉടൻ തന്നെ അടുത്തുള്ള മൃഗാശുപത്രിയിലോ തദ്ദേശ സ്ഥാപനങ്ങളിലോ വിവരം അറിയിക്കുക.

മാസ്കും ഗ്ലൗസും: പക്ഷിവളർത്തൽ കേന്ദ്രങ്ങളിൽ ജോലി ചെയ്യുന്നവർ നിർബന്ധമായും ഗ്ലൗസും മാസ്കും ധരിച്ചിരിക്കണം.

---------------

Hindusthan Samachar / Roshith K