Enter your Email Address to subscribe to our newsletters
Pathanamthitta, 6 ഡിസംബര് (H.S.)
ശബരിമലയില് വീണ്ടും ഭക്തജന തിരക്കേറി. ഇന്ന് വൈകിട്ട് 4 മണി വരെ വെര്ച്വല് ക്യൂ വഴി ദര്ശനം നടത്തിയത് 62503 പേര്.
ദിവസങ്ങള്ക്ക് ശേഷം ദര്ശനം നടത്തിയവരുടെ എണ്ണം ഇന്നലെ ഒരു ലക്ഷം കടന്നിരുന്നു.വരും മണിക്കൂറുകളിലും തിരക്ക് കൂടാനാണ് സാധ്യത.അവധിദിവസമായ നാളെയും തിരക്ക് വര്ധിക്കാനാണ് സാധ്യത.
പുല്ലുമേടു വഴി എത്തുന്ന അയ്യപ്പ ഭക്തരുടെ എണ്ണവും വര്ധിച്ചു.ഇന്നലെ 3600 പേര് ഇതുവഴി സന്നിധാനത്തെത്തി.
സ്പോട്ട് ബുക്കിംഗ് 5000ത്തില് നിന്നും 10000മായി വര്ധിപ്പിച്ചു. ബാബറി മസ്ജിദ് ദിനത്തോടനുബന്ധിച്ച് ഇന്ന് ശബരിമലയിലും പമ്ബയിലും നിലയ്ക്കലും സന്നിധാനത്തും അധിക സുരക്ഷ ഏര്പ്പെടുത്തി. ബോംബ് സ്ക്വാഡും സന്നിധാനത്ത് പരിശോധന നടത്തി.ട്രാക്ടറുകള്ക്കും നിയന്ത്രണം ഏര്പ്പെടുത്തി. ജീവനക്കാരുടെ ബാരക്കുകളില് അടക്കം പരിശോധനയുണ്ട്.
സംശയാസ്പദമായി കാണപ്പെടുന്നവരെ വിശദമായ പരിശോധനയ്ക്കു ശേഷമാണ് മല ചവിട്ടാന് അനുവദിക്കുന്നത്.ട്രാക്ടറുകള്ക്കും നിയന്ത്രണം ഏര്പ്പെടുത്തിയിട്ടുണ്ട്.അംഗീകൃത തിരിച്ചറിയല് കാര്ഡുകളും രേഖകളും ഇല്ലാത്തവര്ക്കെതിരെ കര്ശന നടപടി സ്വീകരിക്കുമെന്ന് പൊലീസ് അറിയിച്ചു.
---------------
Hindusthan Samachar / CHANDHU CHANDRASEKHAR
