Enter your Email Address to subscribe to our newsletters
Kerala, 8 ഡിസംബര് (H.S.)
നടിയെ ആക്രമിച്ച കേസില് ദിലീപിനെ വെറുതിവിട്ടുളഅള വിധിയില് വിയോജിപ്പ് അറിയിച്ച് ഉമ തോമസ് എംഎല്എ. തെരുവില് ആ പെണ്കുട്ടി അപമാനിതയായ വിവരമറിഞ്ഞ് രാത്രി ഈ വീട്ടില് നിന്നാണ് പി ടി ഇറങ്ങിപ്പോയത്. തയാറാക്കപ്പെട്ട തിരക്കഥകളെ തകര്ത്തത്. കോടതിക്ക് മുമ്പില് മൊഴി കൊടുക്കാന് പോയത്. അവള്ക്ക് നീതി തേടി ഗാന്ധി പ്രതിമക്ക് മുന്നില് രാവും പകലും നിരാഹാരം കിടന്നത്.പി ടിയുടെ ആത്മാവ്, ഇന്നീ വിധിയില് തൃപ്തമാകുമോ? ഒരിക്കലുമില്ല. കോടതി നടപടികള് തുടരുമ്പോള്, എത്രയോ തവണ ആ കുട്ടി പങ്കുവെച്ച ആശങ്കകള് ശരിയാണെന്ന് തെളിഞ്ഞിരിക്കുന്നു.ഉപാധികളില്ലാതെ അവള്ക്കൊപ്പം മാത്രം എ്ന് ഉമ തോമസ് ഫെയ്സ്ബുക്കില് കുറിച്ചു
ഒന്ന് മുതല് ആറുവരെയുള്ള പ്രതികള് കുറ്റക്കാരാണെന്നാണ് കോടതി വിധിച്ചത്. ഒന്നാം പ്രതി സുനില് കുമാര് എന്ന പള്സര് സുനി, രണ്ടാം പ്രതി മാര്ട്ടിന് ആന്റണി, മൂന്നാം പ്രതി മണികണ്ഠന്, നാലാം പ്രതി വിജീഷ് , അഞ്ചാം പ്രതി സലിം എന്ന വടിവാള് സലിം, ആറാം പ്രതി പ്രദീപ് എന്നിവര് ആണ് കുറ്റക്കാരെന്ന് തെളിഞ്ഞത്. കൂട്ട ബലാല്സംഗം അടക്കം ഇവര്ക്കെതിരെ ചുമത്തിയ പ്രധാന കുറ്റങ്ങള് എല്ലാം തെളിഞ്ഞു. ഇവരുടെ ജാമ്യം റദ്ദാക്കി.
ഗുണ്ടാ സംഘത്തിന് ക്വട്ടേഷന് നല്കി നടിയെ ബലാല്സംഗം ചെയ്യിപ്പിച്ചെന്ന കേസില് ദിലീപ് കുറ്റവിമുക്തന് എന്നാണ് കോടതി വിധി. നടിയെ വാഹനത്തില് ബലാല്സംഗം ചെയ്തതായി തെളിഞ്ഞ പള്സര് സുനി അടക്കം ഒന്ന് മുതല് ആറുവരെ പ്രതികള് കുറ്റക്കാര് ആണെന്ന് കോടതി കണ്ടെത്തി. ഇവര്ക്കുള്ള ശിക്ഷ ഈ മാസം12ന് വിധിക്കും.
പ്രതികളെ ഒളിവില് താമസിപ്പിച്ചു എന്ന കുറ്റം ചുമത്തപ്പെട്ട ഏഴാം പ്രതി ചാര്ലി തോമസ്. പ്രതികളെ ജയിലില് സഹായിച്ചു എന്ന കുറ്റം ചുമത്തപ്പെട്ട ഒന്പതാം പ്രതി സനില് കുമാര്, തെളിവ് നശിപ്പിക്കല് കുറ്റം ചുമത്തപ്പെട്ട പത്താം പ്രതി ശരത് ജി.നായര് എന്നിവര് ആണ് ദിലീപിന് ഒപ്പം കുറ്റവിമുക്തരാക്കപ്പെട്ടവര്. എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം.വര്ഗീസ് ആണ് കേരള മനസാക്ഷിയെ ഞെട്ടിച്ച സംഭവത്തില് വിധി പറഞ്ഞത്.
---------------
Hindusthan Samachar / Sreejith S
