Enter your Email Address to subscribe to our newsletters
Thiruvanathapuram, 15 ജനുവരി (H.S.)
ശബരിമല സ്വര്ണ്ണക്കൊള്ള കേസില് അറസ്റ്റിലായ ദേവസ്വം ബോര്ഡ് മൂന് അംഗമായ കെപി ശങ്കരദാസിനെ ഇന്ന് റിമാന്ഡ് ചെയ്യും. കേസിലെ 11-ാം പ്രതിയാണ് ശങ്കരദാസ്. നിലവില് തിരുവനന്തപുരത്തെ സ്വകാര്യ ആശുപത്രിയില് ചികിത്സയിലാണ് പ്രതിയുള്ളത്. കോടതിയില് നേരിട്ട് ഹാജരാക്കാന് കഴിയാത്ര അത്രയും ആരോഗ്യ പ്രശ്നങ്ങളുണ്ട്. അതുകൊണ്ട് തന്നെ കൊല്ലം വിജിലന്സ് കോടതി ജഡ്ജി ആശുപത്രിയില് എത്തി റിമാന്ഡ് നടപടികള് പൂര്ത്തിയാക്കും.
റിമാന്ഡ് നടപടിക്ക് ശേഷം ശങ്കരദാസിനെ സ്വകാര്യ ആശുപത്രിയില് നിന്ന് തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റാനും സാധ്യതയുണ്ട്. അതിനുള്ള സാധ്യതകളുടെ എസ്ഐടി സംഘം പരിശോധിക്കുന്നുണ്ട്. ഹൈക്കോടതി രൂക്ഷ വിമര്ശനം ഉന്നയിച്ചതിന് പിന്നാലെ ഇന്നലെ രാത്രിയോടെ ആയിരുന്നു ശങ്കര്ദാസിനെ അറസ്റ്റ് ചെയ്തത്. അന്വേഷണ ഉദ്യോഗസ്ഥന് എസ്പി ശശിധരന് ആശുപത്രിയിലെത്തി ശങ്കരദാസിനെ അറസ്റ്റ് ചെയ്തത്.
ശങ്കര്ദാസ് കൂടി അറസ്റ്റിലായതോടെ അന്നത്തെ ഭരണ സമിതിയിലെ എല്ലാവരും അറസ്റ്റിലായി. പ്രസിഡന്റ് എ പത്മകുമാര്, അംഗമായ വിജയകുമാര് എന്നിവര് നിലവില് ജയിലിലാണ്. ശങ്കര്ദാസ് മുന്കൂര് ജാമ്യം തേടി സുപ്രീം കോടതിയെ സമീപിച്ചിരുന്നു. എന്നാല് ജ്വല്ലറി വ്യാപാരി ഗോവര്ധന് അടക്കം മൂന്ന് പ്രതികളുടെ ജാമ്യ ഹര്ജി പരിഗണിക്കുന്നതിനിടെ രൂക്ഷ വിമര്ശനമാണ് ഹൈക്കോടതി ഉന്നയിച്ചത്യ ഒരാള് പ്രതി ചേര്ത്ത അന്ന് മുതല് ആശുപത്രിയില് കിടക്കുകയാണെന്നും അയാളുടെ മകന് എസ്പിയാണെന്നും, അതാണ് ആശുപത്രിയില് പോയതെന്നുമാണ് ജസ്റ്റിസ് ബദ്റുദ്ദീന് തുറന്നടിച്ചത്.
ശബരിമല ദ്വാരപാലക ശില്പ്പപാളി കേസില് തന്ത്രി കണ്ഠര് രാജീവരുടെ അറസ്റ്റ് ഇന്ന് രേഖപ്പെടുത്തും. നിലവില് കട്ടിളപാളി കടത്തിയ കേസില് അറസ്റ്റിലായി ജയില് കഴിയുന്ന തന്ത്രിയെ ജയിലിലെത്തിയാവും എസ്ഐടി സംഘം അറസ്റ്റ് രേഖപ്പെടുത്തുക. നാളെ കസ്റ്റഡി അപേക്ഷ നല്കാനും അന്വേഷണ സംഘം തീരുമാനിച്ചിട്ടുണ്ട്. അതേസമയം, ദേവസ്വം ബോര്ഡ് മുന് പ്രസിഡന്റ് പി എസ് പ്രശാന്ത് ഇന്നലെയും എസ്ഐടി ചോദ്യം ചെയ്യാന് വിളിപ്പിച്ചിരുന്നു. വീണ്ടും ചോദ്യം ചെയ്യാന് എത്താന് നിര്ദ്ദേശം നല്കിയിട്ടുണ്ട്.
---------------
Hindusthan Samachar / Sreejith S
