Thrishur , 16 ജനുവരി (H.S.)

തൃശൂർ: താൻ കോൺഗ്രസ് വിടുന്നു എന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് മുൻ എം.പി ടി.എൻ പ്രതാപൻ. കോഴി കോട്ടുവായ് ഇടുന്നതുപോലെയുള്ള ഇത്തരം വ്യാജപ്രചരണങ്ങളും ജല്പനങ്ങളും തന്നെ ബാധിക്കില്ലെന്ന് അദ്ദേഹം വ്യക്തമാക്കി. ഫെയ്‌സ്ബുക്ക് പോസ്റ്റിലൂടെയാണ് തനിക്കെതിരെയുള്ള സൈബർ ആക്രമണങ്ങൾക്ക് അദ്ദേഹം മറുപടി നൽകിയത്.

സൈബർ പ്രചരണങ്ങൾക്കെതിരെ പ്രതികരണം കഴിഞ്ഞ കുറച്ചു നാളുകളായി തനിക്കെതിരെ മനൈാവൈകൃത്യമുള്ള ചില സൈബർ ബുദ്ധികൾ വ്യാജ വാർത്തകൾ പടച്ചുവിടുകയാണെന്ന് പ്രതാപൻ പറഞ്ഞു. കെ.എസ്.യുവിലൂടെ പൊതുജീവിതം തുടങ്ങിയ കാലം മുതൽക്കേ ഇത്തരം നുണപ്രചരണങ്ങൾ നേരിട്ടിട്ടുണ്ട്. സ്കൂൾ പാർലമെന്റ് മുതൽ ഇന്ത്യൻ പാർലമെന്റ് വരെയുള്ള തന്റെ രാഷ്ട്രീയ ജീവിതത്തിൽ ഇടതും വലതും ഒരുപോലെ അധിക്ഷേപങ്ങൾ ചൊരിഞ്ഞിട്ടുണ്ടെന്നും എന്നാൽ അന്നൊന്നും തളർന്നിട്ടില്ലെന്നും അദ്ദേഹം കുറിച്ചു.

കടലിന്റെ വെല്ലുവിളികൾ ഏറ്റു വളർന്ന ഒരു മത്സ്യത്തൊഴിലാളിയുടെ മകനായ തന്നെ തളർത്താൻ ഇത്തരം വ്യാജവാർത്തകൾക്ക് കഴിയില്ല. ഓരോരുത്തരും അവരവരുടെ സംസ്കാരമാണ് ഇത്തരം പോസ്റ്റുകളിലൂടെ പ്രകടിപ്പിക്കുന്നത്. മാന്യമായ വിയോജിപ്പുകളെയും രാഷ്ട്രീയ വിമർശനങ്ങളെയും എന്നും ബഹുമാനത്തോടെയാണ് കണ്ടിട്ടുള്ളത്. എന്നാൽ വ്യക്തികളെയും കുടുംബാംഗങ്ങളെയും അധിക്ഷേപിക്കുന്ന നിലവിലെ സൈബർ സംസ്കാരം അപലപനീയമാണെന്നും പ്രതാപൻ ചൂണ്ടിക്കാട്ടി.

കോൺഗ്രസ് പ്രസ്ഥാനത്തോടുള്ള കൂറ് മണ്ണും മനുഷ്യനുമാണ് എന്റെ മതം, കോൺഗ്രസ് ആണ് എന്റെ സമുദായം എന്ന തന്റെ പഴയ നിലപാട് അദ്ദേഹം ഒരിക്കൽ കൂടി ആവർത്തിച്ചു. സ്കൂൾ യൂണിറ്റ് പ്രസിഡന്റ് മുതൽ എ.ഐ.സി.സി സെക്രട്ടറി വരെയും താൻ എത്തിയത് കഠിനാധ്വാനത്തിലൂടെയാണ്. പാർട്ടി തന്നിൽ അർപ്പിച്ച വിശ്വാസമാണ് ആ പദവികളെല്ലാം. ഇന്ത്യൻ നാഷണൽ കോൺഗ്രസ് എന്ന മഹത്തായ പ്രസ്ഥാനത്തിന്റെ ഭാഗമാകാൻ കഴിഞ്ഞതാണ് ജീവിതത്തിലെ ഏറ്റവും വലിയ സൗഭാഗ്യം. മരണം വരെ കോൺഗ്രസുകാരനായി തുടരുമെന്നും അദ്ദേഹം വ്യക്തമാക്കി.

രാഷ്ട്രീയ സാഹചര്യവും പ്രചരണങ്ങളും തിരഞ്ഞെടുപ്പ് അടുത്തിരിക്കുന്ന സാഹചര്യത്തിൽ കോൺഗ്രസ് നേതാക്കളെ ലക്ഷ്യം വെച്ചുകൊണ്ട് നടക്കുന്ന സൈബർ ആക്രമണങ്ങളുടെ ഭാഗമാണ് ഇതെന്നാണ് പാർട്ടി പ്രവർത്തകരുടെ വിലയിരുത്തൽ. രാഹുൽ മാങ്കൂട്ടത്തിൽ കേസിനെത്തുടർന്ന് കോൺഗ്രസിനുള്ളിൽ അഭിപ്രായവ്യത്യാസങ്ങൾ ഉണ്ടെന്ന രീതിയിൽ പ്രചരണങ്ങൾ നടക്കുന്നതിനിടെയാണ് പ്രതാപന്റെ ഈ വിശദീകരണം. തനിക്കെതിരെ ജാതീയമായ അധിക്ഷേപങ്ങൾ പോലും നടക്കുന്നുണ്ടെന്നും എന്നാൽ നിലപാടുകളിൽ ഉറച്ചുനിന്നുകൊണ്ട് തന്നെ പൊതുപ്രവർത്തനം തുടരുമെന്നും അദ്ദേഹം പറഞ്ഞു.

നിക്ഷിപ്ത താൽപ്പര്യങ്ങൾക്ക് വേണ്ടി മറ്റുള്ളവരെ അപകീർത്തിപ്പെടുത്തുന്ന ഇത്തരം നീക്കങ്ങൾ രാഷ്ട്രീയ സംസ്കാരത്തെ ദുർബലപ്പെടുത്തുമെന്നും ഇത്തരം കാര്യങ്ങളിൽ പൊതുജനം വഞ്ചിതരാകരുതെന്നും അദ്ദേഹം അഭ്യർത്ഥിച്ചു. പ്രതാപന്റെ പോസ്റ്റിന് പിന്തുണയുമായി നിരവധി കോൺഗ്രസ് നേതാക്കളും പ്രവർത്തകരും രംഗത്തെത്തിയിട്ടുണ്ട്.

---------------

Hindusthan Samachar / Roshith K