Thrishur , 02 ജനുവരി (H.S.)

തൃശൂർ വടക്കാഞ്ചേരി ബ്ലോക്ക് പഞ്ചായത്തിൽ മുസ്ലീംലീഗ് സ്വതന്ത്രൻ എൽഡിഎഫിന് വോട്ട് ചെയ്ത സംഭവത്തിൽ വിവാദം. 50 ലക്ഷം രൂപ കോഴ വാഗ്ദാനം ചെയ്തെന്ന് ശബ്ദരേഖ പുറത്ത് വന്നു . മുസ്ലീംലീഗ് സ്വതന്ത്രനായി മത്സരിച്ച ഇയു ജാഫറിന്റെ പേരിലാണ് ശബ്ദരേഖ പ്രചരിക്കുന്നത്. സംഭവത്തിൽ കോൺഗ്രസ് നേതാവ് അനിൽ അക്കര പരാതി നൽകി. നൽകിയ പരാതിയിൽ വിജിലൻസ് പ്രാഥമിക അന്വേഷണം തുടങ്ങി.

ഭരണം പിടിക്കാൻ സിപിഐഎം നേതൃത്വം അൻപതുലക്ഷം രൂപ വാഗ്ദാനം ചെയ്തു എന്നാണ് ശബ്ദരേഖയിൽ പറയുന്നത്. ലീഗ് സ്വതന്ത്രനായ ജാഫർ മാസ്റ്റർ നേരത്തെ വാർഡ് മെമ്പർ സ്ഥാനം രാജി വച്ചിരുന്നു. പാർട്ടി നടപടി വന്നതിന് പിന്നാലെ ആയിരുന്നു വാർഡ് മെമ്പർ സ്ഥാനം രാജിവച്ചത്. അമ്പത് ലക്ഷം രൂപ ഇപ്പോൾ ഓഫർ ഉണ്ട്. ഒന്നെങ്കിൽ പ്രസിഡന്റാകാമെന്നും അല്ലെങ്കിൽ അമ്പത് ലക്ഷം രൂപ എന്നായിരുന്നു ശബ്ദരേഖയിൽ പറയുന്നത്. കോൺഗ്രസിന്റെ മണ്ഡലം പ്രസിഡന്റുമായി സംസാരിക്കുന്ന ശബ്ദരേഖയാണ് പുറത്തുവന്നിരിക്കുന്നത്. ആകെയുള്ള 14 ഡിവിഷനിൽ എൽഡിഎഫിനും യുഡിഎഫിനും 7 വീതമാണ് സീറ്റുകൾ ലഭിച്ചിരുന്നത്.

പ്രസിഡന്റ് സ്ഥാനത്തേക്ക് നടന്ന തിരഞ്ഞെടുപ്പിൽ എൽഡിഎഫ് പ്രസിഡന്റ് സ്ഥാനാർഥി കെവി നഫീസ വിജയിച്ചിരുന്നു. എൽഡിഎഫിൽ നിന്നുള്ള ഏഴും, യുഡിഎഫിൽ നിന്നുള്ള ഒരു വോട്ടും ചേർത്ത് എട്ട് വോട്ടുകൾ നേടിയാണ് നഫീസ വിജയിച്ചത്. അബദ്ധത്തിൽ വോട്ടു മാറി ചെയ്തതാണെന്നായിരുന്നു ഇയു ജാഫറിന്റെ വിശദീകരണം.

2025 ഡിസംബറിൽ നടന്ന ത്രിതല പഞ്ചായത്ത് തിരഞ്ഞെടുപ്പിൽ തൃശൂർ ജില്ലയിലെ വടക്കാഞ്ചേരിയിൽ എൽ.ഡി.എഫ് (LDF) ഭരണം നിലനിർത്തിയിരുന്നു.

വടക്കാഞ്ചേരി നഗരസഭാ ഫലം (2025)

42 വാർഡുകളുള്ള വടക്കാഞ്ചേരി നഗരസഭയിൽ എൽ.ഡി.എഫ് ഭൂരിപക്ഷം നേടി:

എൽ.ഡി.എഫ് (LDF): 22 സീറ്റുകൾ

യു.ഡി.എഫ് (UDF): 17 സീറ്റുകൾ

ബി.ജെ.പി (BJP): 2 സീറ്റുകൾ

സ്വതന്ത്രർ: 1 സീറ്റ്

വടക്കാഞ്ചേരി ബ്ലോക്ക് പഞ്ചായത്ത് ഫലം (2025)

വടക്കാഞ്ചേരി ബ്ലോക്ക് പഞ്ചായത്തിലും എൽ.ഡി.എഫ് അധികാരം പിടിച്ചെടുത്തു.

ആകെ ഡിവിഷനുകൾ: 14

നിലവിലെ സ്ഥിതി: തിരഞ്ഞെടുപ്പ് ഫലം വന്നപ്പോൾ എൽ.ഡി.എഫും യു.ഡി.എഫും 7 സീറ്റുകൾ വീതം നേടി തുല്യനിലയിലായിരുന്നു.

അധികാര കൈമാറ്റം: ബ്ലോക്ക് പഞ്ചായത്ത് പ്രസിഡന്റ് തിരഞ്ഞെടുപ്പിൽ യു.ഡി.എഫ് സ്വതന്ത്രനായി (മുസ്ലീം ലീഗ് പിന്തുണയോടെ) വിജയിച്ച ഇ.യു. ജാഫർ എൽ.ഡി.എഫിന് അനുകൂലമായി വോട്ട് ചെയ്തതോടെ എൽ.ഡി.എഫിലെ കെ.വി. നഫീസ പ്രസിഡന്റായി തിരഞ്ഞെടുക്കപ്പെട്ടു.

രാജി: 50 ലക്ഷം രൂപയുടെ കോഴ ആരോപണത്തെത്തുടർന്ന് വൻ പ്രതിഷേധം ഉയർന്നതോടെ, ഡിസംബർ 29-ന് ഇ.യു. ജാഫർ അംഗത്വം രാജിവെച്ചു.

മറ്റു വിവരങ്ങൾ

എം.എൽ.എ (MLA): വടക്കാഞ്ചേരി മണ്ഡലത്തിലെ നിലവിലെ എം.എൽ.എ സേവ്യർ ചിറ്റിലപ്പിള്ളി (സി.പി.ഐ.എം/എൽ.ഡി.എഫ്) ആണ്.

---------------

Hindusthan Samachar / Roshith K