Enter your Email Address to subscribe to our newsletters
Thiruvanathapuram, 05 ജനുവരി (H.S.)
അന്തരിച്ച 91 വയസുള്ള ആനന്ദവല്ലി അമ്മാളിന്റെ ചര്മ്മം വീട്ടിലെത്തി സ്വീകരിച്ച് തിരുവനന്തപുരം മെഡിക്കല് കോളേജിലെ സ്കിന് ബാങ്ക് ടീം. ശ്രീചിത്ര തിരുനാള് ഇന്സ്റ്റിറ്റ്യൂട്ടിലെ ന്യൂറോ സര്ജറി വിഭാഗം മേധാവിയായ ഡോ. ഈശ്വറിന്റെ അമ്മയുടെ കണ്ണുകള്, ചര്മ്മം എന്നിവയാണ് ദാനം ചെയ്തത്. അവയവദാനം എന്ന് അമ്മയുടെ ആഗ്രഹം പ്രതികൂലമായ സാഹചര്യങ്ങള് എല്ലാം മറികടന്ന് കുടുംബം സാക്ഷാത്കരിക്കുക ആയിരുന്നു.
പ്രായക്കൂടുതല് ആയതിനാല് മറ്റ് അവയവങ്ങള് ദാനം ചെയ്യാന് കഴിഞഅഞില്ല. വീട്ടില് വച്ചായിരുന്നു ആനന്ദവല്ലി അമ്മാള് മരിച്ചത്. അവയവദാനത്തിനായി മൃതശരീരം ആശുപത്രിയിലെത്തിക്കാന് കഴിയാത്ത സാഹചര്യമായിരുന്നു. തുടര്ന്നാണ് സ്കിന്ബാങ്കിലെ ടീം പ്രായോഗിക ബുദ്ധിമുട്ടുകള് മറികടന്ന് ചര്മ്മം എടുക്കാനുള്ള അത്യാധുനിക സംവിധാനങ്ങളുമായാണ് ടീം വീട്ടിലെത്തി നടപടികള് പൂര്ത്തിയാക്കിയത്. 4 മണിക്കൂറോളം കൊണ്ടാണ് ചര്മ്മം എടുത്തത്. ഡോ. പ്രേംലാലിന്റെ നേതൃത്വത്തില് ഡോ. ആഭ, ഡോ. അനുപമ, ഡോ. ആര്ഷ, ഡോ. ലിഷ, നഴ്സിംഗ് ഓഫീസര്മാരായ അശ്വതി, ഷീന ബാബു എന്നിവരാണ് ടീമിലുണ്ടായിരുന്നത്.
കേരളത്തില് ആദ്യമായി തിരുവനന്തപുരം മെഡിക്കല് കോളേജില് സജ്ജമാക്കിയ സ്കിന് ബാങ്കില് ലഭിക്കുന്ന രണ്ടാമത്തെ ചര്മ്മമാണിത്. 6.75 കോടി ചെലവഴിച്ചാണ് ബേണ്സ് യൂണിറ്റിനോടൊപ്പം സ്കിന് ബാങ്ക് സജ്ജമാക്കിയത്. ആദ്യമായി ലഭിച്ച ചര്മ്മത്തിന്റെ പ്രോസസിംഗ് പുരോഗമിക്കുന്നു. പ്രത്യേക താപനിലയിലും സംവിധാനത്തിലുമാണ് ചര്മ്മം സംരക്ഷിക്കുന്നത്. മൂന്ന് ആഴ്ചത്തെ കെമിക്കല് പ്രോസസിംഗിന് ശേഷം അത്യാവശ്യമുള്ള രോഗികള്ക്ക് പ്ലാസ്റ്റിക് സര്ജറിയിലൂടേയും നൂതന സാങ്കേതികവിദ്യയോടെയും ചര്മ്മം വച്ച് പിടിപ്പിക്കുന്നു. അപകടത്താലും പൊള്ളലേറ്റും ചര്മ്മം നഷ്ടപ്പെട്ടവര്ക്ക് ജീവന് നിലനിര്ത്താന് ഇത് അത്യാവശ്യമാണ്. പുതിയ ചര്മ്മം പരിക്കേറ്റ ഭാഗത്ത് ഒരു കവചം നല്കുന്നു. മാത്രമല്ല അണുബാധ കുറയ്ക്കാനും വേദന കുറയ്ക്കാനും ധാതുനഷ്ടവും ലവണ നഷ്ടവും കുറയ്ക്കാനും സാധിക്കും.
മെഡിക്കല് വിദ്യാഭ്യാസ വകുപ്പ് ഡയറക്ടര് ഡോ. വിശ്വനാഥന്, പ്രിന്സിപ്പല് ഡോ. ജബ്ബാര്, സൂപ്രണ്ട് ഡോ. ജയച്ചന്ദ്രന്, ആര്എംഒ ഡോ. അനൂപ്, കെ. സോട്ടോ നോഡല് ഓഫീസര് ഡോ. നോബിള് ഗ്രേഷ്യസ് തുടങ്ങിയവര് ഏകോപനമൊരുക്കി.
---------------
Hindusthan Samachar / Sreejith S
