Kozhikkode, 14 ഫെബ്രുവരി (H.S.)

​കോഴിക്കോട്: മുൻ ഐ.എ.എസ് ഉദ്യോഗസ്ഥൻ കണ്ണൻ ഗോപിനാഥൻ ഓൾ ഇന്ത്യ പ്രൊഫഷണൽ കോൺഗ്രസിൽ (AIPC) അംഗത്വം സ്വീകരിച്ചു. കോഴിക്കോട് ഡി.സി.സി ഹാളിൽ നടന്ന ചടങ്ങിൽ എ.ഐ.പി.സി കേരള സ്പോർട്സ് വെർട്ടിക്കിളും എ.ഐ.പി.സി കോഴിക്കോട് ജില്ലാ കമ്മിറ്റിയും സംയുക്തമായി സംഘടിപ്പിച്ച പരിപാടിയിൽ എ.ഐ.പി സി സ്റ്റേറ്റ് പ്രസിഡന്റ് രഞ്ജിത്ത് ബാലൻ അദ്ദേഹത്തിന് ഔദ്യോഗികമായി മെമ്പർഷിപ്പ് നൽകി ആദരിച്ചു.

​എ.ഐ.പി.സി സ്പോർട്സ് വെർട്ടിക്കൽ സംഘടിപ്പിച്ച സംസ്ഥാനതല 'റീൽസ് മത്സരത്തിലെ' വിജയികളെ ആദരിക്കുന്ന ചടങ്ങിനോടനുബന്ധിച്ചായിരുന്നു അംഗത്വ വിതരണവും നടന്നത്.

രാജ്യത്തെ പ്രൊഫഷണലുകളെയും യുവജനങ്ങളെയും ജനാധിപത്യ പ്രക്രിയയുടെ ഭാഗമാക്കുന്നതിൽ എ.ഐ.പി.സി നടത്തുന്ന പ്രവർത്തനങ്ങൾ അഭിനന്ദനാർഹമാണെന്ന് മെമ്പർഷിപ്പ് സ്വീകരിച്ചുകൊണ്ട് കണ്ണൻ ഗോപിനാഥൻ പറഞ്ഞു.

​ചടങ്ങിൽ

സ്പോർട്സ് വെർട്ടിക്കൽ സ്റ്റേറ്റ് ഹെഡ് സഞ്ജയ് അലക്സ്, കെ.പി.സി.സി ജനറൽ സെക്രട്ടറി അഡ്വ. കെ. ജയന്ത്, എ.ഐ.പി.സി ജില്ലാ പ്രസിഡന്റ് ക്രിസ്റ്റി പേരായിൽ, ജില്ലാ സെക്രട്ടറി സൈഫ് തൈക്കണ്ടി, തുടങ്ങിയവർ സംബന്ധിച്ചു. മത്സര വിജയികൾക്കുള്ള പുരസ്കാരങ്ങളും ചടങ്ങിൽ വിതരണം ചെയ്തു.

---------------

Hindusthan Samachar / Sreejith S