Kozhikkode, 23 February (H.S.)

കോഴിക്കോട് ബീച്ചിനു സമീപം വലിയങ്ങാടിയില് കെട്ടിടത്തിന്റെ സണ്ഷെയ്ഡ് സ്ലാബ് തകര്ന്നു വീണു. മൂന്ന് തൊഴിലാളികള് മരിച്ചുലോഡ് ഇറക്കിയ ശേഷം വിശ്രമിക്കുകയായിരുന്ന 7 തൊഴിലാളികള്ക്കു മുകളിലേക്കാണ് കെട്ടിടത്തിലെ കോണ്ക്രീറ്റ് സ്ലാബ് അടര്ന്നു വീണത്.

2 തൊഴിലാളികള്ക്കു പരുക്കേറ്റു. രണ്ട് തൊഴിലാളികള് അദ്ഭുതകരമായി രക്ഷപ്പെട്ടു.കെട്ടിടം പൊളിയുന്ന ശബ്ദം കേട്ട് ഓടിമാറിയതുകൊണ്ടാണ് ഇവര് രക്ഷപ്പെട്ടത്. കോഴിക്കോട് കോര്പറേഷന്റെ ഉടമസ്ഥതയിലുള്ള കെട്ടിടത്തിലാണ് അപകടം ഉണ്ടായത്.

കിണാശ്ശേരി സ്വദേശി ജബ്ബാര്, അത്തോളി സ്വദേശി അഷ്റഫ്, ബഷീര് എന്നിവരാണ് മരിച്ചത്. വിനോദ്, പയ്യോളി സ്വദേശി കോയ എന്നിവര്ക്കാണ് പരുക്കേറ്റത്.പരുക്കേറ്റ കോയ ബീച്ച് ആശുപത്രിയിലും വിനോദ് മെഡിക്കല് കോളജ് ആശുപത്രിയിലും ചികിത്സയിലാണ്. ഇതില് വിനോദിന്റെ നില ഗുരുതരമാണ്.

സ്ലാബിനടിയില് രണ്ട് ഇരുചക്രവാഹനങ്ങളും കുടുങ്ങി. മുന്പ് പാസ്പോര്ട്ട് ഓഫിസ് പ്രവര്ത്തിച്ചിരുന്ന കെട്ടിടമാണിത്. താഴെനിലയുടെ സണ്ഷെയ്ഡാണ് തകര്ന്നു വീണത്. അരിപ്പൊടി ഉള്പ്പെടെയുളളവയുടെ ഗോഡൗണായാണ് കാലപ്പഴക്കമുള്ള ഈ കെട്ടിടം പ്രവര്ത്തിച്ചുവന്നത്.

അപകടം ഉണ്ടായ ഉടനെ ഓടിക്കൂടിയ വലിയങ്ങാടിയിലെ തൊഴിലാളികളാണ് സമീപത്തെ വാഹനത്തിലെ ജാക്കി ലിവറും മറ്റും ഉപയോഗിച്ച് സ്ലാബ് ഉയര്ത്തി രണ്ടു പേരെ പുറത്തെടുത്ത് കാറില് ബീച്ച് ആശുപത്രിയിലേക്ക് മാറ്റിയത്. തുടര്ന്ന് ഫയര്ഫോഴ്സ് അംഗങ്ങള് കൂടിയെത്തി നടത്തിയ പരിശ്രമത്തിലാണ് മറ്റ് മൂന്നു പേരെ കൂടി പുറത്തെടുത്ത് ആശുപത്രിയിലേക്ക് മാറ്റിയത്.

കോര്പ്പറേഷന്റെ ഉടമസ്ഥതയിലുള്ള 60 വര്ഷത്തോളം പഴക്കമുള്ള കെട്ടിടത്തിന്റെ സണ്ഷെയ്ഡാണ് തകര്ന്നുവീണത്. പൊളിച്ചുമാറ്റാനിരുന്ന കെട്ടിടമാണിത്. കെട്ടിടം ഒഴിയാന് കോര്പറേഷന് നോട്ടീസ് നല്കിയിരുന്നു എന്നാണ് വിവരം. പഴയ പാസ്പോര്ട്ട് ഓഫീസ് പ്രവര്ത്തിച്ചിരുന്നത് ഈ കെട്ടിടത്തിലായിരുന്നു. കെട്ടിടം ഒഴിയാനുള്ള നിര്ദേശം ചില വ്യാപാരികള് അവഗണിച്ചെന്ന് നാട്ടുകാര് ആരോപിക്കുന്നു. കെട്ടിടം ഒഴിപ്പിക്കാന് കോര്പ്പറേഷന് നടപടി എടുത്തില്ലെന്നും ആരോപണമുണ്ട്.

നിരവധി വ്യാപാര സ്ഥാപനങ്ങള് ഈ കെട്ടിടത്തില് പ്രവര്ത്തിക്കുന്നുണ്ട്. വലിയങ്ങാടിയിലെ തൊഴിലാളികള് സാധാരണ വിശ്രമിക്കാറുള്ളത് ഈ കെട്ടിടത്തിനു പുറത്താണ്.

---------------

Hindusthan Samachar / Sreejith S