Enter your Email Address to subscribe to our newsletters
Kannur, 25 ഫെബ്രുവരി (H.S.)
ആരോഗ്യമന്ത്രി വീണാ ജോര്ജിനെതിരെ കണ്ണൂരില് ഉണ്ടായ കെഎസ്യു ആക്രമണം കോണ്ഗ്രസിന്റെ ഹീന രാഷ്ട്രീയമാണെന്ന് മഖ്യമന്ത്രി പിണറായി വിജയന്.കണ്ണൂര് റെയില്വേ സ്റ്റേഷനില് വെച്ചാണ് ആരോഗ്യമന്ത്രിയെ ആക്രമിച്ചു പരിക്കേല്പ്പിച്ചത്. അവിടെ ഉണ്ടായത് ഏതെങ്കിലും പ്രതിഷേധ പ്രകടനം അല്ല -ഒരുകൂട്ടം അക്രമികളുടെ വിളയാട്ടമാണ്. പ്ലാറ്റ്ഫോമിലേക്ക് നടക്കുമ്പോഴാണ് മന്ത്രി ആക്രമിക്കപ്പെട്ടതെന്നും മുഖ്യമന്ത്രി പ്രതികരിച്ചു..
ഇന്ത്യയിലെ ഏറ്റവും മികച്ച ആരോഗ്യമേഖലയാണ് കേരളത്തിലേത്. അത് എല്ലാ ഔദ്യോഗിക ഏജന്സികളും അംഗീകരിച്ചതും ആണ്. എന്നിട്ടും ചില സംഭവങ്ങള് പര്വതീകരിച്ച് അതില് ഒരുതരത്തിലും ഉള്പ്പെട്ടിട്ടില്ലാത്ത മന്ത്രിക്കെതിരെ ആക്രമണം നടത്തുന്നതിനെ രാഷ്ട്രീയമായിട്ടല്ല; രാഷ്ട്രീയ ആഭാസം ആയിട്ടാണ് കാണാന് കഴിയുക.തങ്ങളുടെ അനുയായികളെ കയറൂരി വിട്ട് നാട്ടിലെ ക്രമസമാധാനം തകര്ക്കാമെന്നോ കലാപം ഉണ്ടാക്കാമെന്നോ കോണ്ഗ്രസ് നേതൃത്വം കരുതരുത്.
ഇതിന്റെ ഉത്തരവാദിത്വം കോണ്ഗ്രസിന്റെയും യുഡിഎഫ് മുന്നണിയുടെയും നേതൃത്വത്തിന് തന്നെയാണ്. തീര്ത്തും അടിസ്ഥാനരഹിതമായ ആരോപണങ്ങള് ഉന്നയിച്ച് രാഷ്ട്രീയത്തെ മലീമസമാക്കുന്ന അവരുടെ ശൈലിയുടെ പ്രതിഫലനമാണ് കെഎസ്യു ആക്രമികളിലൂടെ പുറത്തുവന്നത്.ഇത് അത്യന്തം അപലപനീയവും പ്രതിഷേധാര്ഹവുമാണെന്നും മുഖ്യമന്ത്രി വ്യക്തമാക്കി. കണ്ണൂര് ജില്ലാ ആശുപത്രിയില് ചികിത്സയില് കഴിയുന്ന മന്ത്രി വീണ ജോര്ജിനെ മുഖ്യമന്ത്രി സന്ദര്ശിച്ചു.
---------------
Hindusthan Samachar / Sreejith S
