Kochi , 25 മാര്ച്ച് (H.S.)

കുംഭമേള വൈറല് താരവും നടിയുമായ മൊണാലിസയുടെ ആരോപണം തള്ളി സംവിധായകന് സനോജ് മിശ്ര. മൊണാലിസയുടെയും ഫര്മാന് ഖാന്റെയും വിവാഹത്തിനെതിരെ സംസാരിച്ചതിന് ശേഷം 'ജിഹാദികള്ക്കൊപ്പം, കേരളത്തില് നിന്നുള്ള ക്രിസ്ത്യന് മിഷനറിമാരും' തനിക്കെതിരെ ഒന്നിച്ചുവെന്നാണ് സനോജ് മിശ്ര പറയുന്നത്.

ഫേസ്ബുക്ക് വീഡിയോയിലൂടെയായിരുന്നു അദ്ദേഹത്തിന്റെ പ്രതികരണം.

കഴിഞ്ഞ ദിവസമാണ് മൊണാലിസ,ത സനോജ് മിശ്രയ്ക്കെതിരെ ആരോപണവുമായി രംഗത്തെത്തിയത്. സിനിമാ ചിത്രീകരണത്തിനിടെ മിശ്ര തന്നെ കടന്നുപിടിച്ചെന്നും മോശം താല്പര്യത്തോടെ സമീപിച്ചു എന്നുമായിരുന്നു മൊണാലിസ പറഞ്ഞത്. ഇതിനെതിരെയാണ് അദ്ദേഹത്തിന്റെ പ്രതികരണം. ഇത് തന്റെ അവസാന വീഡിയോ ആയിരിക്കാമെന്നും സനോജ് മിശ്ര പറഞ്ഞു. അദ്ദേഹത്തിന്റെ വാക്കുകള് ഇങ്ങനെയാണ്...

'രാജ്യത്തെ ജനങ്ങള്ക്ക് ആശംസകള്, എന്റെ ആദരപൂര്വ്വമായ അഭിവാദ്യങ്ങള്. കഴിഞ്ഞ കുറച്ച് ദിവസങ്ങളായി, മൊണാലിസ 'ലവ് ജിഹാദ്' വിഷയം പുറത്തുവന്നതിനുശേഷം, നിങ്ങള് എല്ലാവരും കണ്ടതുപോലെ, ഞാന് രാജ്യമെമ്പാടും അതിനെതിരെയും ഇരയുടെ കുടുംബത്തെ പിന്തുണച്ചും ഒരു ക്യാംപെയ്ന് ആരംഭിച്ചു. രാജ്യത്തെ ജനങ്ങള് ഇതിനെ വളരെയധികം അഭിനന്ദിക്കുകയും പിന്തുണക്കുകയും ചെയ്തു.

എന്നാല് ഇപ്പോള് സ്ഥിതി അല്പം മാറാന് തുടങ്ങിയിരിക്കുന്നു. ജിഹാദികള്ക്കൊപ്പം, കേരളത്തില് നിന്നുള്ള ക്രിസ്ത്യന് മിഷനറിമാരും ഒത്തുചേര്ന്ന് സംയുക്ത ഓപ്പറേഷനില് എനിക്കെതിരെ ഗൂഢാലോചന നടത്തുന്നു എന്നതാണ് കാര്യം. ഇന്ന്, നിങ്ങള്ക്ക് കാണാനാകുന്നതുപോലെ, അടിസ്ഥാനരഹിതമായ കാര്യങ്ങള് പറയുന്ന സോഷ്യല് മീഡിയയില് ആ പെണ്കുട്ടിയെ എനിക്കെതിരെ സംസാരിക്കാന് പ്രേരിപ്പിക്കുകയും സ്വാധീനിക്കുകയും ചെയ്യുന്നു.

ജിഹാദികള് എങ്ങനെയാണ് ബ്രെയിന് വാഷ് ചെയ്യുന്നതെന്നും അവര്ക്ക് ഒരാളെ എത്രത്തോളം സ്വാധീനിക്കാന് കഴിയുമെന്നും എന്നതിനുള്ള ഉദാഹരണമാണ് ഇത്. ഞാന് പഠിപ്പിച്ചിരുന്ന അതേ പെണ്കുട്ടിയാണിത്. എന്റെ സ്വന്തം കുട്ടികള് എന്നോട് ദേഷ്യപ്പെടുമായിരുന്നു, ഞാന് എന്തിനാണ് മൊണാലിസയെ പഠിപ്പിച്ചതെന്നും അവരെ പഠിപ്പിച്ചതെന്നും ചോദിച്ചു. അവളോടുള്ള എന്റെ അടുപ്പത്തിന്റെ നിലവാരം അതായിരുന്നു, ഇന്ന് കാര്യങ്ങള് എത്രത്തോളം പിന്നോട്ട് പോയി എന്ന് നോക്കൂ.

എന്റെ ജീവന് അപകടത്തിലാണെന്ന് മകള് മൊണാലിസ പറഞ്ഞ ആ പിതാവിന്റെ വേദന ഇപ്പോള് എനിക്ക് അനുഭവപ്പെടുന്നു. ആ കാഴ്ചപ്പാടില്, എനിക്കെതിരെ ഉന്നയിക്കപ്പെടുന്ന ആരോപണങ്ങളും സംഭവിക്കുന്ന കാര്യങ്ങളും അത്ര വലിയ കാര്യങ്ങളല്ല. ഏത് സാഹചര്യത്തെയും നേരിടാനും അതിനെ മറികടക്കാനും എനിക്ക് എപ്പോഴും കഴിവുണ്ട്. ജിഹാദികളുടെയോ രാജ്യദ്രോഹികളുടെയോ മുന്നില് ഞാന് ഒരിക്കലും തല കുനിക്കില്ല.'

ഇന്ന്, ഈ ആളുകള് ഗൂഢാലോചന നടത്തി എനിക്കെതിരെ വാര്ത്തകള് പ്രചരിപ്പിച്ചത് മുഴുവന് രാജ്യവും ലോകവും കാണുന്നുണ്ട്. എന്തിനാണ് അവര് ഇത് കാണുന്നത്? കാരണം മുമ്പ്, നിങ്ങള് കാണുന്ന എല്ലാ വീഡിയോകളിലും മൊണാലിസ എന്നെക്കുറിച്ച് നല്ല കാര്യങ്ങള് മാത്രമേ പറഞ്ഞിട്ടുള്ളൂ. വലിയ മന്ത്രിമാര് ഇത്തരം വിവാഹങ്ങളെ പരസ്യമായി പ്രോത്സാഹിപ്പിക്കുകയും 'ദി റിയല് കേരള സ്റ്റോറി' പോലുള്ള പോസ്റ്ററുകള് പുറത്തിറക്കുകയും ചെയ്യുന്ന കേരളത്തില്, ഇതെല്ലാം സനാതനെ അപകീര്ത്തിപ്പെടുത്താനും അതിന്മേല് കളങ്കം വരുത്താനുമാണ് ചെയ്യുന്നത്.

ജയ് ഹിന്ദുരാഷ്ട്ര. തനിക്കും കുടുംബത്തിനും നേരെയുള്ള ഭീഷണികളെത്തുടര്ന്ന് അധികാരികള് ഇക്കാര്യം ശ്രദ്ധിക്കണം. ഇത് എന്റെ അവസാന വീഡിയോ ആകാം),' അദ്ദേഹം പറഞ്ഞു. അതേസമയം സനോജ് മിശ്ര വൃത്തികെട്ടവനാണ് എന്നും അയാള് സിനിമയുടെ പേര് പറഞ്ഞാണ് പെണ്കുട്ടികളെ സമീപിക്കുന്നത് എന്നുമായിരുന്നു മൊണാലിസ പറഞ്ഞത്. 'അവരെ ലൈംഗികമായി പീഡിപ്പിക്കുന്നു,

'ഞാന് നിങ്ങള്ക്ക് ഈ സിനിമ തരാം, ഇത് ചെയ്യൂ' എന്ന് പറയുന്നു. അത് തെറ്റാണ്,' മൊണാലിസ പറഞ്ഞു. എന്തുകൊണ്ട് നേരത്തെ പൊലീസില് പരാതി നല്കിയില്ല എന്ന ചോദ്യത്തിന് താന് അതിനെക്കുറിച്ച് ചിന്തിച്ചിരുന്നുവെന്നും എന്നാല് കുടുംബം നിരുത്സാഹപ്പെടുത്തിയെന്നും മൊണാലിസ പറഞ്ഞു. 'എന്റെ കുടുംബം എന്നെ പിന്തുണച്ചില്ല. എനിക്ക് അവിടെ എന്തുചെയ്യാന് കഴിയും? എന്റെ കുടുംബം എന്നെ ഉപേക്ഷിച്ചു.

രാജ്യത്തെ മുഴുവന് സര്ക്കാരിനോടും ഞങ്ങളെ സഹായിക്കാന് ഞാന് അഭ്യര്ത്ഥിക്കുന്നു. ഞങ്ങളുടെ പോസ്റ്ററുകള് പരസ്യമായി കത്തിക്കുന്നു. ഞങ്ങളെ വെട്ടിക്കൊല്ലുമെന്നും പരസ്യമായി കൊല്ലുമെന്നും ഭീഷണിപ്പെടുത്തുന്നു,' മൊണാലിസ പറഞ്ഞു. മിശ്ര തന്റെ വ്യക്തിജീവിതത്തില് ഇടപെടുന്നുണ്ടെന്നും അവര് അവകാശപ്പെട്ടു.

'നമ്മളെ രണ്ടുപേരെയും പരസ്യമായി കൊല്ലുമെന്ന് ഭീഷണിപ്പെടുത്തുന്നു. എന്നിട്ടും, പൊതുജനങ്ങള് കൈകള് കൂപ്പി നോക്കി നില്ക്കുകയാണ്. സ്നേഹിക്കുന്നത് ഒരു കുറ്റകൃത്യമാണോ? സനോജ് മിശ്രയ്ക്ക് ഇത് തന്നെയാണ് വേണ്ടത്. എന്തുകൊണ്ടാണ് മൊണാലിസ എന്റെ അടുത്തേക്ക് വരാത്തത്? അവള് എന്തിനാണ് ഫര്മനെ വിവാഹം കഴിച്ചത്?' സനോജ് മിശ്ര ഇങ്ങനെയാണ് ചിന്തിക്കുന്നത്,' നടി പറഞ്ഞു.

---------------

Hindusthan Samachar / CHANDHU CHANDRASEKHAR