Enter your Email Address to subscribe to our newsletters
Thiruvananthapuram, 12 ഏപ്രില് (H.S.)
തിരുവനന്തപുരം : എല്ഡിഎഫ് സര്ക്കാര് അധികാരത്തില് വന്നാല് താന് വീണ്ടും മന്ത്രിയായേക്കില്ലെന്ന് മന്ത്രി ജി ആര് അനില്. പാര്ട്ടിയുടെ ഇപ്പോഴത്തെ രീതി അതാണ്. മന്ത്രിയായിരിക്കുന്നതും സാധാരണ ജനപ്രതിനിധിയായിരിക്കുന്നതും തമ്മില് വലിയ വ്യത്യാസമില്ല എന്ന് തിരിച്ചറിഞ്ഞയാളാണ് താനെന്നും മന്തി പറഞ്ഞു. തിരുവന്തപുരം പ്രസ് ക്ലബ് നിംസ് മെഡിസിറ്റിയുമായി സഹകരിച്ച് സംഘടിപ്പിച്ച മെഗാ മെഡിക്കല് ക്യാംപ് ഉദ്ഘാടനം ചെയ്യുകയായിരുന്നു ജി ആര് അനില്. മാധ്യമപ്രവര്ത്തകര്ക്കായി നിംസ് ഏര്പ്പെടുത്തിയ പ്രിവിലേജ് കാര്ഡിന്റെ വിതരണോദ്ഘാടനവും മന്ത്രി നിര്വഹിച്ചു. പ്രസ് ക്ലബ് പ്രസിഡന്റ് എസ് ശ്രീകേഷ്, സെക്രട്ടറി പി ആര് പ്രവീണ്, നിംസ് മെഡിസിറ്റിയിലെ ഡോ.എം ഷഹബാസ് സൈലു, പിആര്ഒ സരിന് എന്നിവര് സംസാരിച്ചു.
---------------
Hindusthan Samachar / Sreejith S
