Malappuram , 18 ഏപ്രില് (H.S.)

താൻ മുഖ്യമന്ത്രി ആയാല് എന്തൊക്കെ ചെയ്യുെമന്ന കുറിപ്പുമായി വീണ്ടും സന്തോഷ് പണ്ഡിറ്റ്. മലപ്പുറം ജില്ല വിഭജിക്കും, മദ്യം നിരോധിക്കും..

ലോട്ടറി തുടരും..സ്കൂളിലും, കോളേജിലും രാഷ്ട്രീയം അവസാനിപ്പിക്കും എന്നൊക്കെയാണ് സന്തോഷ് പണ്ഡിറ്റ് ഫേസ്ബുക്കില് പങ്കുവെച്ചത്. തൻ്റെ വിശദമായ ബയോഡേറ്റയും സന്തോഷ് പണ്ഡിറ്റ് പങ്കിട്ടിട്ടുണ്ട്. വിദ്യാഭ്യാസ യോഗ്യതകളും ഇഷ്ടങ്ങളുമൊക്കെ ചേർത്തുള്ളതാണ് ബയോഡേറ്റ. താൻ ഒരിക്കലും മുഖ്യമന്ത്രി പോയിട്ട് വാർഡ് മെമ്പർ പോലും ആകില്ലെന്ന് അറിയാമെന്നും സ്വപ്നമാണ് പങ്കിട്ടതെന്നും അദ്ദേഹം കുറിച്ചു. വായിക്കാം

'കേരളത്തില് മെയ് 4 മുതല് ഒരു മുഖ്യമന്ത്രിയുടെ പോസ്റ്റ് ഒഴിവുണ്ടെന്നു കേട്ട്. പലരും മുഖ്യമന്ത്രി ആകുവാൻ അപേക്ഷിക്കുന്നു. കൂടെ ഞാനും കേരള മുഖ്യമന്ത്രി ആകുവാൻ അപേക്ഷ നല്കുന്നു.

ബയോഡാറ്റ

DOB....8-4-1983

ജനന സ്ഥലം......(പറയൂല)

Height/Weight/വയറിന് ചുറ്റും...165cm/64 kg/83 cm

Blood group....B+

യോഗ്യത.....Civil engineering, BA English, MA Hindi, Bachelor of Avcadamic Law, Stenography, Type writing, PGDCA, Psychology Etc..

അറിയാവുന്ന ഭാഷകള്... ശുദ്ധ മലയാളം, കടിച്ചാല് പൊട്ടാത്ത കുറെ ഇംഗ്ലീഷ് വാക്കുകള്, നല്ല തെറി ഭാഷ etc. കൂടെ മലയാളം, ഹിന്ദി. നിരവധി പ്രസ് മീറ്റിംഗില് തിളങ്ങി..

Experience.... ചാനല് ചർച്ചകളില് കുറെ പേരെ പഞ്ഞിക്കിട്ട പരിചയം ..12 സിനിമകള് ചെയ്തു.. മലയാളി house സൂര്യ ടിവി ഷോയില് പങ്കെടുത്തു..

ഇഷ്ടപ്പെട്ട dress.... T shirt, നീല ജീൻസ്

ഇഷ്ട ഭക്ഷണം...തേനും പാലും, 50 gr steel cut oats, 65 gr ബസ്മതി അരിയുടെ ഊണ് ഒരു നേരം, ആപ്പിള്, മാങ്ങ, ഓറഞ്ച്, മുന്തിരി, വത്തക്ക, അണ്ടി പരിപ്പ്, ബദാം, പിസ്ത, വാള്നട്ട്, ഈന്തപ്പഴം, കടല, ചെറുപയർ, ചെറു നാരങ്ങ, വെളുത്തുള്ളി, ഇഞ്ചി, .,2 ലിറ്റർ വെള്ളം. etc..( സ്വഭാവം കൊണ്ട് പഞ്ചാര ആണെങ്കിലും വീട്ടില് പഞ്ചസാര, ഉപ്പ്, മുളക്, പുളി, എണ്ണ കഴിക്കില്ല)

സന്തോഷ് പണ്ഡിറ്റ് കേരള മുഖ്യമന്ത്രി ആയാല് ചെയ്യുന്ന കാര്യങ്ങള്...

1) ഉടനെ മദ്യം നിരോധിക്കും.. ലോട്ടറി തുടരും..സ്കൂളിലും, കോളേജിലും രാഷ്ട്രീയം അവസാനിപ്പിക്കും.

2) 1,50,000 ത്തില് കൂടുതല് ശമ്പളം വാങ്ങുന്ന സർക്കാർ ഉദ്യോഗസ്ഥൻ മാരുടെ ശമ്പളം ഒന്നര ലക്ഷമായി നിജപെടുത്തും

3)ജയിലില് ചിക്കൻ, മട്ടണ്, beef, മീൻ അടക്കം നോണ് വെജി അവസാനിപ്പിക്കും.. വെജി ഭക്ഷണം മാത്രം കൊടുക്കും. ഇപ്പോള് ജയിലില് ജോലി ചെയ്യുന്നവർക്ക് കൊടുക്കുന്ന 640 രൂപ, 500 രൂപ കൂലിയൊക്കെ അവസാനിപ്പിക്കും. ആരെങ്കിലും കുറ്റം ചെയ്ത് ജയിലില് കിടന്നാല് അവരുടെ ഭക്ഷണ ചിലവ് അവരുടെ വീട്ടുകാർ സർക്കാരിന് ഓരോ മാസവും തരണം എന്നു നിയമം കൊണ്ട് വരും. അല്ലെങ്കില് കുറ്റവാളികളുടെ ബാങ്കില് നിന്നും എടുക്കും.

4) പുതിയ സംരംഭകർക്കു അധികം നിയമ നൂലാമാല ഇല്ലാതെ പുതിയ ബിസിനസ് സ്ഥാപനം തുടങ്ങുവാൻ സഹായിക്കും. ഇത് സംബന്ധിച്ച് ഒരു നൂറു ഓഫീസുകളില് നിന്നും NOC വാങ്ങുന്ന പരിപാടി അവസാനിപ്പിക്കും. ഇതോടെ കേരളം ബിസിനസ് ഫ്രണ്ട്ലി ആകും. അങ്ങനെ കേരളത്തിന് ഒരു ഇമേജ് വന്നാല് പരമാവധി വിദേശ രാജ്യങ്ങളില് പോയി സർക്കാർ ഫണ്ട് നശിപ്പിക്കാതെ തന്നെ വിദേശ നിക്ഷേപം കേരളത്തില് എത്തിക്കുവാൻ സാധിക്കും..

5) മലപ്പുറം ജില്ല വിഭജിക്കും.. തിരൂർ, മഞ്ചേരി എന്നീ പേരുകളില് പുതിയ ജില്ലകളാവും.. പുതിയൊരു ജില്ലാ പഞ്ചായത്ത് വരുന്നതോടെ 300 കോടിയുടെ അധിക വികസനം അവിടെ നടക്കും.

6) തെരുവ് നായ ശല്യം ശാശ്വതമായി പരിഹരിക്കുവാൻ അവയെ വന്ദ്യം കരണം ചെയ്ത് പ്രതേക ഷെല്ട്ടറില് മാറ്റുന്ന പ്രവർത്തനങ്ങള് ചെയ്യും. അതോടെ കേരളത്തില് തെരുവ് നായ ശല്യം ഇല്ലാതാകും. പഞ്ചായത്ത്, മുനിസിപ്പാലിറ്റി, കോര്പറേഷൻ പ്രതേക ഫണ്ട് ഇതിനായി കൊടുക്കും.

7)ഭിക്ഷാടനം നിരോധിക്കും. ഭിക്ഷക്കാർക്ക് ഭക്ഷണം മാത്രമേ നല്കാവു എന്നും നിയമം കൊണ്ട് വരും.. ചാരിറ്റി സഹായത്തിനായി ലൈവ് ഇട്ടു അക്കൗണ്ട് നമ്പർ കൊടുക്കുന്നവർ അതിന്റെ വിശ്വാസ്യത നിലനിർത്തുവാൻ ആ വീഡിയോയില് SP റാങ്കില് ഉള്ള പോലീസുകാരില് നിന്നോ, സർക്കാർ മെഡിക്കല് ഓഫീസർ വഴിയോ മാത്രം വീഡിയോ ചെയ്യേണ്ടി വരും. ഇതിനു വ്യക്തികളുടെ അക്കൗണ്ട് നമ്പർ അനുവദിക്കില്ല. SBI യുമായി ചേർന്ന് പ്രതേക ചാരിറ്റി special അക്കൗണ്ട് തുടങ്ങും. ഇതോടെ കിട്ടുന്നതിന്റെ 50:50 അടിച്ചു മാറ്റുന്ന നന്മ മരങ്ങള് ജോലി അവസാനിപ്പിക്കും എന്നു കരുതാം.

KSRTC അടക്കം എല്ലാ വാഹനങ്ങളിലും CCTV നിർബന്ധം ആക്കും... 1500 square ഫീറ്റിന് മുകളില് ഉള്ള എല്ലാ വീട്, commercial കെട്ടിടങ്ങള്ക്ക് നാല് ഭാഗവും CCTV നിർബന്ധം ആക്കും.

9) ഇതുവരെ വിമാനം, കപ്പല്, ട്രെയിൻ യാത്രകള് നടത്താത്ത ആളുകള്ക്ക് അതിനുള്ള സൗകര്യം ഒരുക്കും. കേരളത്തിലെ എല്ലാവരെയും ഹാപ്പി ആക്കുന്നത് ലക്ഷ്യം

10) പിന്നീട് നമ്മള് ശ്രദ്ധിക്കേണ്ടത് നമ്മുടെ ടൂറിസത്തിലാണ് ടൂറിസത്തില് ലോകത്ത് തന്നെ വലിയ സാധ്യതയുള്ള ഒരു സംസ്ഥാനമാണ് കേരളം... Tourist hub ആക്കും.. പോസിറ്റീവ് എനർജി കിട്ടുന്ന നല്ല കാര്യങ്ങള് കൂടി ടൂറിസ്റ്റ് സ്ഥലങ്ങളില് ഉണ്ടാകും. ലോഡ്ജിങ് കൂടുതല് എളുപ്പം ആക്കും.

11) കഞ്ചാവ് മാഫിയ (MDMA), അവയവ മാഫിയ ഒക്കെ പൂട്ടുവാൻ പോലീസിന് ഫുള് ഫ്രീഡം കൊടുക്കും..

12) ആഴ്ചയിലെ ഒരു ദിവസം ഉച്ചക്ക് ശേഷം ജനങ്ങളുമായി ഓണ്ലൈൻ ആയി സംവദിക്കും. പരാതി നല്കുവാൻ ഒരു ആപ്പ് ഉണ്ടാക്കും ട്ടോ. അതില് മേല് നടത്തിയ നടപടികളും അറിയിക്കും.

13) school may 2 ന് തുറക്കും. എന്നിട്ട് മഴക്കാലം തുടങ്ങിയാല് ജൂണ്, july, ഓഗസ്റ്റ് മാസങ്ങളില് രണ്ട് തവണയായി 15 ദിവസം വീതം അവധി കൊടുക്കും.

14) സർക്കാർ ഓഫീസുകള് ശനിയാഴ്ച്ച അവധി ആക്കും. പകരം 10 മുതല് 5 ന് പകരം 9:15 am to 5:30 pm ആക്കും.. അവർക്കു എല്ലാ വർഷവും മറ്റു സംസ്ഥാനങ്ങളില് എവിടെയെങ്കിലും ടൂർ പോകുന്നത് നിർബന്ധം ആക്കും. ഇതിനായി 5 ലീവും, യാത്ര കൂലിയും സർക്കാർ വഹിക്കും.

15) പുതിയ road നിർമാണം പെട്ടെന്ന് ഏറ്റെടുക്കില്ല.. ആദ്യം നിലവില് പോറ്റി പൊളിഞ്ഞു കിടക്കുന്ന പ്രധാന റോഡുകളും, കട്ട് റോഡുകളും, പഞ്ചായത്ത് റോഡുകളും റിപ്പയർ ചെയ്യിക്കും. അതിനു ശേഷം മാത്രം ഇനി പുതിയ road.

16) എല്ലാ മലയാളികളും രാവിലെ എഴുന്നേറ്റ് അല്പ സമയം വ്യായാമം ചെയ്യുന്നത് നിർബന്ധം ആക്കും. ഇതിനായി കുടുംബശ്രീ യെ പദ്ധതി തയ്യാറാക്കുവാൻ ഏല്പിക്കും. ഇതിലൂടെ ജീവിത ശൈലീ രോഗങ്ങള് കുറയും.

17) എല്ലാ പഞ്ചായത്ത്, കോര്പറേഷൻ, മുനിസിപ്പാലിറ്റി യിലും സർക്കാർ sponsored ഹോട്ടലുകള് തുടങ്ങും. അവിടെ 25 രൂപയ്ക്കു ഉച്ചക്ക് ഭക്ഷണം, 15 രൂപയ്ക്കു breakfast, 15 രൂപയ്ക്കു രാത്രിയില് ചപ്പാത്തിയും വെജി കറിയും കൊടുക്കും.

18) 18 വയസ്സ് പൂർത്തിയായ, അവിവാഹിതർ ആയ എല്ലാ പെണ്കുട്ടികള്ക്കും 3,000 രൂപ വെച്ചു മാസം കൊടുക്കും. പിന്നീട് ഭർത്താവ് മരണപ്പെട്ടവരെയും, സീരിയസ് അസുഖം കാരണം തീർത്തും കിടപ്പിലായവരെയും പരിഗണിക്കും.

19) KSRTC യില് ലാഭം ആകുന്നത് വരെ പുതിയ നിയമനം നടത്തില്ല. നിലവില് ഓടുന്ന മുഴുവൻ റൂട്ടുകളും പുനപരിശോധിച്ചു കുറേ ബസ്ടുകള് മറ്റു റൂട്ടുകളില് ഓടിക്കും. KSRTC ടൂർ പാക്കേജ് കൂടുതല് ബഡ്ജറ്റ് ഫ്രണ്ട്ലി ആക്കും.. ശബരിമല സീസണില് തീർത്താടകരില് നിന്നും വാങ്ങുന്ന അധിക പൈസ ഒഴിവാക്കി സാധാരണ fare മാത്രം വാങ്ങും. ജോലി എടുക്കാതെ ശമ്പളം വാങ്ങുവാൻ ആരെയും അനുവദിക്കില്ല.

20) അത്യാവശ്യം വിദ്യാഭ്യാസം ഉള്ളവരെ മാത്രം വിദ്യാഭ്യാസ മന്ത്രി ആക്കി സർക്കാർ school, കോളേജ് കൂടുതല് പ്രൊഫഷണല് കോഴ്സുകള് കൊണ്ട് വന്നു കിടുവാക്കും. സംസ്ഥാനം വിട്ടു പോയ, രാജ്യം വിട്ടു പോകുവാൻ താല്പര്യം കാണിക്കുന്ന കുട്ടികളുമായി സംവദിച്ചു അവരുടെ പ്രശ്നം അനുഭാവപൂർവം പരിഗണിക്കും.

21) സദാചാര പോലീസ് കളിക്കുവാൻ ആരെയും സമ്മതിക്കില്ല. പ്രായപൂർത്തി ആയ ഒരു പുരുഷനും, പ്രായ പൂർത്തിയായ ഒരു പെണ്കുട്ടിയും പഞ്ചാര അടിക്കുന്നത് നിയമ പ്രകാരം ഒരു തെറ്റല്ല എന്നു സദാചാര ആങ്ങള മാരെ പറഞ്ഞു മനസ്സില് ആക്കിപ്പിക്കും. ഇതിനായി കുറച്ചു പബ്ലിക് വീഡിയോസ് ഇടും. ലോഡ്ജിലും മുറി എടുക്കുമ്പോള് കൂടുതല് ഇന്റർവ്യൂ നടത്തേണ്ട എന്നു നിർദേശം കൊടുക്കും.

22) ഹെല്മെറ്റ് വേട്ട അധികം സ്ട്രിക്റ്റ് ആയി ചെയ്യേണ്ട എന്നു പോലീസിന് നിർദേശം കൊടുക്കും. സ്വന്തം ജീവനില് താല്പര്യം ഉള്ളവർ വേണമെങ്കില് ഹെല്മെറ്റ് വെക്കട്ടെ. ഇനി അപകടം പറ്റിയാല് തലയ്ക്കു പരിക്ക് പറ്റിയാല് ഇൻഷുറൻസ് കൊടുക്കേണ്ട എന്നു തീരുമാനിക്കും.. അത്രതന്നെ..

23)ഗ്രാമസഭ എല്ലാ വാർഡിലും strong ആക്കും. അവർക്കു ഫണ്ടും കൊടുക്കും. എല്ലാ വാർഡിലും 45 + പ്രായവും നിയമത്തില് വിവരവുമുള്ള ഒരു സ്ത്രീ ആയ വാർടനും, ഒരു പുരുഷനായ retired പോലീസ് or മിലിറ്ററി or LLB കഴിഞ്ഞ warden ശമ്പളം കൊടുത്തു വെക്കുന്നു. ഇതിലൂടെ ഓരോ വാർഡിലും

വീട്ടിലെ ആർക്കെങ്കിലും അസുഖം ബാധിച്ചു ആശുപത്രിയില് ആയാല് ആ വീട്ടിലെ കുട്ടികള്ക്ക് ഭക്ഷണം free ആയി എത്തിച്ചു കൊടുക്കും. വിവാഹം, മരണം, മറ്റു വിശേഷങ്ങള് വരുമ്പോള് ഇവർ സഹായിക്കും. എല്ലാ വീട്ടിലെയും താമസിക്കുന്നവരുടെ ഫുള് details ഇവർ സൂക്ഷിക്കണം. ബംഗാളികള് വാടകക്ക് വാർഡില് എവിടെ എങ്കിലും താമസിച്ചാല് അവരുടെ ആധാർ കാർഡ്, election ID അടക്കം ഇവർ സൂക്ഷിക്കണം.

24) കേരളത്തില് വന്നു സ്ഥിരം ജോലി ചെയ്യുന്ന സർക്കാർ ഉദ്യോഗസ്ഥർ അല്ലാത്ത എല്ലാ അന്യ സംസ്ഥാന തൊഴിലാളികളും നിർബന്ധമായും ഒരു പുതിയ ആപ്പില് രജിസ്റ്റർ ചെയ്യേണ്ടത് നിർബന്ധം ആക്കും. നിർമാണ മേഖലയിലെ ഓണർ ഇവരെല്ലാം രജിസ്റ്റർ ചെയ്തവർ അല്ലേ എന്നു പരിശോധിച്ചിട്ടേ ജോലി കൊടുക്കാവൂ. അല്ലെങ്കില് ഹെവി ഫൈൻ ഈടാക്കും. 25) ജനങ്ങളുടെ സന്തോഷം വർധിക്കുന്നുണ്ടോ എന്നതാകും ഭരണ നേട്ടമായി നോക്കുന്നത്. അതിനായി ഓരോ വോട്ടര്മാറ്ക്കും ഓരോ ID നല്കി എല്ലാ വർഷവും ഓണ്ലൈൻ ആയി അത് അളക്കും.

26) സർക്കാർ വക കാര്യങ്ങള് അറിയിക്കുവാൻ ഒരു പുതിയ youtube chaannal, ഫേസ്ബുക്, instagram രാഷ്ട്രീയം കലർത്താതെ തുടങ്ങും.

27)മദ്യവും, ലോട്ടറിയും, ഹെല്മെറ്റ് etc പെറ്റി, ഭൂനികുതികള്, മറ്റ് അല്ലറ ചില്ലറ സേവന നിരക്കുകള്, ഫീസുകള്, ജി എസ് ടി .... കൂടെ കേന്ദ്രത്തില് നിന്നുള്ള കടം വാങ്ങി ജീവിക്കുക എന്ന കേരള രീതി അവസാനിപ്പിക്കും.. പുതിയ നികുതി സാധ്യത പരിശോധിക്കണം..

28) കുറഞ്ഞ ചെലവില് മികച്ച ആരോഗ്യം എന്ന ആശയമാണ് നടപ്പില് ആക്കുക..

ഒരു വ്യവസായം അടച്ചു പൂട്ടാൻ നാലുപേരുള്ള ഒരു ഈർക്കിലി പാർട്ടി വിചാരിച്ചാലും നടക്കും. ഒരു സംരംഭവും, ഫാക്ടറിയും, ആശുപത്രിയും അടച്ചു പൂട്ടുന്ന പ്രവണത ഇനി ഉണ്ടാക്കില്ല.. സമരക്കാരുമായി സർക്കാർ ചർച്ച നടത്തും.

29) പകർച്ച വ്യാധികള്ക്ക് എതിരെ ശക്തമായ നടപടി എടുക്കും.. പുഴ മലിനമാക്കാതെ നോക്കും..

30) പുതിയ എല്ലാ കടകള്ക്കും തറ നിരപ്പില് നിന്നും ഒരു നില താഴേക്കു വാഹന പാർക്കിങ്ങിനു നിർബന്ധം ആക്കും.

31) രാത്രിയില് ഒറ്റയ്ക്ക് സഞ്ചരിക്കുന്ന സ്ത്രീകള്ക്ക് വനിതാ പോലീസിന്റെ സഹായത്തോടെ bus സ്റ്റാൻഡ്, railway, എയർപോർട്ട് എത്തുവാനും തിരിച്ചു വീട്ടില് എത്തുവാനും സഹായിക്കുന്നു..ഇതിനായി ഒരു വനിതാ ആപ്പ് കൊണ്ട് വരും.

32) മെഡിക്കല് സയൻസില് മിനിമം വിവരമുള്ളവരെ മാത്രം ആരോഗ്യ മന്ത്രി ആക്കും. മുഖ്യമന്ത്രി അടക്കം അസുഖം വന്നാല്, ജീവഭയം ഇല്ലാതെ കേരളത്തില് തന്നെ ചികിത്സ നേടാവുന്നതേ ഉള്ളു എന്നാ രീതിയില് തകർന്നു കിടക്കുന്ന ആരോഗ്യ മേഖല മെച്ചപ്പെടുത്തും..

33) സ്കൂള്, കോളേജ് special class ഒക്കെ ഓണ്ലൈൻ മാത്രമാക്കും.. ഫെസ്റ്റിവല്, കോളേജ് day , ടൂർ ഒക്കെ ഹോളിഡേയ്സ് മാത്രമാക്കും.

ഇവയില് ഏതെല്ലാം പോയ്ന്റ്സ് നിങ്ങള് യോജിക്കുന്നു. Pl comment

(വാല് കഷ്ണം.... ഞാൻ മുഖ്യമന്ത്രി പോയിട്ട് ഒരു വാർഡ് മെമ്പർ പോലും ആകുവാൻ സാധ്യത ഇല്ലെന്നു അറിയാം. എങ്കിലും ഒരു സ്വപ്നം എഴുതിയതാ.. ഒരു രസത്തിനു )'

---------------

Hindusthan Samachar / CHANDHU CHANDRASEKHAR