Enter your Email Address to subscribe to our newsletters
Thiruvanathapuram, 13 മെയ് (H.S.)
രാജ്യത്തെ ലക്ഷക്കണക്കിന് വിദ്യാര്ത്ഥികളുടെ ഭാവിയെയും സ്വപ്നങ്ങളെയും നിര്ണയിക്കുന്ന NEET പരീക്ഷ വീണ്ടും ചോദ്യചോര്ച്ചയുടെയും ക്രമക്കേടുകളുടെയും പേരില് വിവാദത്തിലാകുന്നത് അത്യന്തം ഗുരുതരവും പ്രതിഷേധാര്ഹവുമാണെന്ന് സിപിഎം നേതാവ് പിണറായി വിജയന്. വര്ഷങ്ങളോളം കഠിനാധ്വാനം ചെയ്ത് പരീക്ഷയ്ക്കായി തയ്യാറെടുക്കുന്ന വിദ്യാര്ത്ഥികളുടെ വിശ്വാസത്തെയും ആത്മവിശ്വാസത്തെയും തകര്ക്കുന്ന സംഭവമാണിത്.
പരീക്ഷാ സംവിധാനം വിശ്വാസ്യതയോടെ നടത്തേണ്ടവര് തന്നെ സുരക്ഷ ഉറപ്പാക്കുന്നതില് പരാജയപ്പെടുന്നത് രാജ്യത്തിന്റെ വിദ്യാഭ്യാസ സംവിധാനത്തിനുള്ള വലിയ അപമാനമാണ്. നാഷണല് ടെസ്റ്റിംഗ് ഏജന്സിയെ (എന്.ടി.എ.) പരീക്ഷകള് നടത്താന് കേന്ദ്ര സര്ക്കാര് ചുമതലപ്പെടുത്തിയതിന് ശേഷം ചോദ്യപേപ്പറുകള് ചോരുന്നത് ഇതാദ്യമായല്ല. എന്.ടി.എ. പിരിച്ചുവിട്ട് പരീക്ഷകള് നടത്താനുള്ള ചുമതല മുന്പത്തെപ്പോലെ അതത് സര്ക്കാര് ഏജന്സികള്ക്ക് കൈമാറേണ്ടതുണ്ട്.
ചോദ്യപേപ്പര് ചോര്ച്ച, കോച്ചിംഗ്-മാഫിയകളുടെ ഇടപെടല്, അഴിമതി എന്നിവയെക്കുറിച്ച് ഉയരുന്ന ആരോപണങ്ങള് അതീവ ആശങ്കാജനകമാണ്. പാവപ്പെട്ട കുടുംബങ്ങളില് നിന്നുള്ള വിദ്യാര്ത്ഥികള് വര്ഷങ്ങളായുള്ള പരിശ്രമത്തിന്റെയും സാമ്പത്തിക ബുദ്ധിമുട്ടുകളുടെയും നടുവില് പരീക്ഷയെ സമീപിക്കുമ്പോള്, ഇത്തരം ക്രമക്കേടുകള് അവരുടെ നീതിപൂര്ണമായ അവസരങ്ങളെയാണ് കവര്ന്നെടുക്കുന്നത്.
ഈ സംഭവത്തില് സമഗ്രവും സുതാര്യവും സമയബന്ധിതവുമായ അന്വേഷണം നടത്തണം. കുറ്റക്കാര് ആരായാലും മാതൃകാപരമായ ശിക്ഷ ഉറപ്പാക്കണം. പരീക്ഷാ സംവിധാനത്തിന്റെ വിശ്വാസ്യത പുനഃസ്ഥാപിക്കാന് കേന്ദ്ര സര്ക്കാര് അടിയന്തര ഇടപെടല് നടത്തേണ്ടതാണ്.
വിദ്യാര്ത്ഥികളുടെ ഭാവി പരീക്ഷണശാലയല്ല. പ്രവേശന പരീക്ഷാ നടത്തിപ്പ് പ്രഹസനമാക്കി വിദ്യാര്ത്ഥികളുടെ സ്വപ്നങ്ങളെ ഇല്ലാതാക്കരുതെന്നും പിണറായി വിജയന് പ്രസ്താവനയില് ആവശ്യപ്പെട്ടു.
---------------
Hindusthan Samachar / Sreejith S
