Thiruvananthapuram , 14 മെയ് (H.S.)

ജർമ്മനിയിലെ വിവിധ ആശുപത്രികളിലേക്ക് നഴ്സുമാരുടെ ഒഴിവ്. 100 ഒഴിവുകളാണ് റിപ്പോർട്ട് ചെയ്തിരിക്കുന്നത്. സംസ്ഥാന സര്ക്കാര് സ്ഥാപനമായ നോർക്ക റൂട്ട്സ് വഴിയാണ് നിയമനം.

നോർക്ക സംഘടിപ്പിക്കുന്ന വര്ക്ക് ഇന് ഹെല്ത്ത്, ജര്മ്മനി റിക്രൂട്ട്മെന്റിലേയ്ക്ക് യോഗ്യരായ ഉദ്യോഗാർത്ഥികള്ക്ക് ഇപ്പോള് തന്നെ അപേക്ഷിക്കാം. യോഗ്യത, ശമ്പളം, അപേക്ഷിക്കേണ്ടത് എങ്ങനെ തുടങ്ങിയ വിശദാംശങ്ങള് അറിയാം.

നഴ്സിങ്ങില് ബിരുദമോ പോസ്റ്റ് ബേസിക് ബാച്ച്ലേഴ്സ് ഡിഗ്രിയോ ഉള്ളവർക്ക് അപേക്ഷിക്കാം. കുറഞ്ഞത് രണ്ടു വർഷത്തെ പ്രവൃത്തിപരിചയം നിർബന്ധമാണ്. പ്രായപരിധി: 2026 മെയ് 31-ന് 36 വയസ്സ് കവിയരുത്. താല്പര്യമുള്ളവർക്ക് 2026 മെയ് 21 -നകം നോര്ക്ക റൂട്ട്സ് വെബ്സൈറ്റ് സന്ദർശിച്ച് അപേക്ഷ നല്കാവുന്നതാണ്. അപേക്ഷകർക്കു ഐ സി യൂ അല്ലെങ്കില് മെഡിക്കല് സർജിക്കല് വാർഡ്, ഓങ്കോളജി വാർഡ്, ന്യൂറോളജി വാർഡ്, ജീറിയാട്രിക് വാർഡ് , പ്രൈവറ്റ് വാർഡ്, മറ്റു അഡള്ട് ഇൻപേഷ്യന്റ് വാർഡ് തുടങ്ങിയവയില് ബെഡ് സൈഡ് പേഷ്യന്റ് കെയർ എക്സ്പീരിയൻസ് ഉണ്ടായിരിക്കേണ്ടതാണ്. പീഡിയാട്രിക് അല്ലെങ്കില് നിയോ നാറ്റോളോജി മാത്രം പ്രവൃത്തിപരിചയം ഉള്ളവരെ പരിഗണിക്കുന്നതല്ല. അപേക്ഷിക്കുന്ന സമയത്ത് ജർമ്മൻ ഭാഷാ പരിജ്ഞാനം ആവശ്യമില്ല. ജർമൻ ഭാഷയില് B1 അല്ലെങ്കില് B2 യോഗ്യത ഉള്ളവരും, നോര്ക്ക ട്രിപ്പിള് വിന് പ്രോഗ്രാമിലേയ്ക്ക് തിരഞ്ഞെടുക്കപ്പെട്ടവരും അപേക്ഷിക്കേണ്ടതില്ല.

അഭിമുഖങ്ങളില് നിന്നും തിരഞ്ഞടുക്കപ്പെടുന്നവർക്ക് എ 1 മുതല് ബി 2 ലെവല് വരെ സൗജന്യ ജര്മ്മന് ഭാഷാപരിശീലനം ലഭിക്കുന്നതാണ്. ബി 1 ലെവല് മുതല് താമസം, ഭക്ഷണം എന്നിവ സൗജന്യമായിരിക്കും. കൂടാതെ A2 ലെവല് പാസ്സാകുന്നവർക്ക് 100 യൂറോയും, B1 ലെവല് പാസ്സ് ആകുന്നവർക്ക് 150 യൂറോയും ബി 2 ലെവല് പാസ്സാകുന്നവർക്ക് 200 യൂറോയും ആദ്യത്തെ ചാൻസില് പാസ്സ് ആകുന്നവർക്കു 100 യൂറോ അധികമായും സ്കോളർഷിപ്പിനും അര്ഹതയുണ്ടാകും. ബി 2 ലെവല് വിജയകരമായി പൂർത്തിയാക്കുന്നവർക്ക് ജർമനിയിലെ ആശുപത്രികളില് നേഴ്സ് ആയി നിയമനം ലഭിക്കും. തുടക്ക ശമ്പളം കുറഞ്ഞത് 2400 യൂറോ ആണ്. വിസ പ്രോസസ്സിംഗ്, വിമാന ടിക്കറ്റ് ഉള്പ്പെടെയുള്ള എല്ലാ ചെലവുകളും സൗജന്യമാണ്. കൂടുതല് വിവരങ്ങള്ക്ക് 0471-2770536, 2770540, 2770539,2770566 (പ്രവൃത്തി ദിനങ്ങളില്, ഓഫീസ് സമയത്ത്) എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.

---------------

Hindusthan Samachar / CHANDHU CHANDRASEKHAR