Lucknow, 12 ജൂണ് (H.S.)

ലഖ്നൗ: ആർഎസ്എസ് സർസംഘചാലക് മോഹൻ ഭാഗവത് സഞ്ചരിച്ചിരുന്ന തീവണ്ടിക്ക് നേരെ കല്ലേറ് . കാൺപൂരിൽ നിന്നും ഡൽഹിയിലേക്ക് പോവുകയായിരുന്ന ശതാബ്ദി എക്സ്പ്രസിന് നേരെയാണ് ഇന്നലെ രാത്രിയോടെ ആക്രമണമുണ്ടായത് [00:00]. സംഭവത്തിൽ ഉത്തർപ്രദേശ് പോലീസ് ഊർജിതമായ അന്വേഷണം ആരംഭിക്കുകയും ഒരാളെ കസ്റ്റഡിയിൽ എടുക്കുകയും ചെയ്തിട്ടുണ്ട്

ഇന്നലെ രാത്രി 7:20 ഓടെ ഫിറോസാബാദ് ജില്ലയിലെ മക്കൻപൂർ സ്റ്റേഷൻ കടന്നുപോകുമ്പോഴാണ് ശതാബ്ദി എക്സ്പ്രസിന്റെ 'ഇ-1' (E1) കോച്ചിന് നേരെ കല്ലേറുണ്ടായത്. കല്ലേറിൽ മോഹൻ ഭാഗവത് ഇരുന്ന കമ്പാർട്ട്മെന്റിന്റെ ജനൽ ചില്ലുകൾക്ക് കേടുപാടുകൾ സംഭവിച്ചു. എന്നാൽ കല്ലേറ് നടന്ന വശത്തിന് തൊട്ടെതിർവശത്താണ് അദ്ദേഹം ഇരുന്നിരുന്നത് എന്നതിനാൽ പരിക്കേൽക്കാതെ വലിയൊരു അപകടത്തിൽ നിന്നും അത്ഭുതകരമായി രക്ഷപ്പെടുകയായിരുന്നു .

ആക്രമണത്തെ തുടർന്ന് തൊട്ടടുത്തുള്ള തുണ്ടല സ്റ്റേഷനിൽ തീവണ്ടി നിർത്തുകയും റെയിൽവേ സുരക്ഷാ വിഭാഗവും ഉത്തർപ്രദേശ് പോലീസും ചേർന്ന് വിശദമായ പരിശോധനകൾ നടത്തുകയും ചെയ്തു. ഉയർന്ന സുരക്ഷാ വിഭാഗത്തിൽ ഉൾപ്പെടുന്ന വിഐപി ആയതിനാൽ അതീവ ഗൗരവത്തോടെയാണ് പോലീസ് ഈ സംഭവത്തെ കാണുന്നത്.

കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലെ സന്ദർശനത്തിനായി മോഹൻ ഭാഗവത് ഇന്ന് പുറപ്പെടാനിരിക്കെയാണ് ഈ ആക്രമണം നടന്നിരിക്കുന്നത് എന്നത് സംഭവത്തിന്റെ ഗൗരവം വർദ്ധിപ്പിക്കുന്നു . ഈ മേഖലയിൽ മുൻപും ട്രെയിനുകൾക്ക് നേരെ കല്ലേറ് പതിവാണെങ്കിലും, ആർഎസ്എസ് മേധാവിയുടെ യാത്ര ലക്ഷ്യം വെച്ചുള്ളതാണോ ഈ ആക്രമണം എന്നതടക്കമുള്ള കാര്യങ്ങളാണ് പോലീസ് ഇപ്പോൾ അന്വേഷിക്കുന്നത്

---------------

Hindusthan Samachar / Roshith K