Enter your Email Address to subscribe to our newsletters
Kochi, 16 ജൂണ് (H.S.)
കിഴക്കമ്പലം മലയിടംതുരുത്ത് പര്യത്ത് കാവ് ഉന്നതിയിലെ ഭൂമി പ്രശ്നത്തിന് പരിഹാരം. ആറു ദശാബ്ദത്തോളം നീണ്ട നിന്ന പ്രശ്നങ്ങള്ക്കാണ് പരിഹാരമായി ഒത്തുതീര്പ്പ് കരാറില് ഒപ്പുവെച്ചു. എറണാകുളം കലക്ട്രേറ്റില് നടന്ന അവസാന വട്ട ചര്ച്ചകള്ക്കു ശേഷമാണ് ബന്ധപ്പെട്ട കക്ഷികള് കരാറില് ഒപ്പുവച്ചത്. മലയിടുംതുരുത്ത് കുടിയൊഴിപ്പിക്കല് വിഷയത്തില് സമവായത്തില് എത്തിച്ചേര്ന്ന കാര്യം സര്ക്കാര് ഹൈക്കോടതിയെ അറിയിച്ചിട്ടുണ്ട്.
കരാര് പ്രകാരം, കുടിയൊഴിപ്പിക്കപ്പെടുന്ന പര്യത്ത്കാവിലെ ഏഴു ദലിത് കുടുംബങ്ങള്ക്ക് നിലവില് താമസിക്കുന്ന ഭൂമിയുടെ പിന്ഭാഗത്തായി 5 സെന്റ് വീതം ഭൂവുടമകളായ ശങ്കരന് നായരുടെ കുടുംബം വിട്ടു നല്കും. ഈ സ്ഥലത്തേക്ക് റോഡിന് ആവശ്യമായ സ്ഥലവും ഉടമകള് നല്കും. ഒരു വര്ഷത്തിനുള്ളില് 1000 ചതുരശ്ര അടിയില് കുറയാത്ത വീടുകള് സ്പോണ്സര്ഷിപ്പിലൂടെ സര്ക്കാര് നിര്മിച്ചു നല്കും.
വീടുകളുടെ നിര്മാണം പൂര്ത്തിയാക്കി താക്കോല് കൈമാറുന്നതു വരെ പര്യത്ത്കാവ് ഉന്നതിയിലെ വീട്ടുകാര്ക്ക് നിലവിലെ അവരുടെ വീടുകളില് തന്നെ കഴിയാം. നിലവില് ഇവര് താമസിക്കുന്ന സ്ഥലത്തു നില്ക്കുന്ന മരങ്ങള് മുറിച്ചെടുക്കാനും കുടുംബങ്ങള്ക്ക് അവകാശമുണ്ട്. വീടുകളുടെ നിര്മാണം അടക്കം എല്ലാ നടപടിക്രമങ്ങളുടെയും ഉത്തരവാദിത്തം മൂവാറ്റുപുഴ ആര്ഡിഒ, ഡിവൈഎസ്പി എന്നിവര്ക്കാണ്
മന്ത്രി റോജി എം ജോണിന്റെ നേതൃത്വത്തിലാണ് ചര്ച്ചകള് നടന്നതും ഇപ്പോള് പരിഹാരം കണ്ടെത്തിയിരിക്കുന്നതും.
---------------
Hindusthan Samachar / Sreejith S
