Enter your Email Address to subscribe to our newsletters
New delhi, 06 ജൂലൈ (H.S.)
രാജ്യത്ത് വരും ദിവസങ്ങളില് ഇടിമിന്നലോട് കൂടിയ ശക്തമായ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥ നിരീക്ഷണ വകുപ്പിന്റെ പ്രവചനം. തെക്കുപടിഞ്ഞാറന് മണ്സൂണ് എത്തിയെങ്കിലും കാര്യമായ മഴ ജൂണ് മാസത്തില് ലഭിച്ചിരുന്നില്ല. ഈ അവസ്ഥയ്ക്ക് മാറ്റം വരും എന്നാണ് നിലവിലെ പ്രവചനം.
ജൂണില് ദുര്ബലമായ മണ്സൂണ് വടക്കേ ഇന്ത്യയിലുടനീളം വീണ്ടും ശക്തി പ്രാപിക്കുമെന്നും മുന്നറിയിപ്പില് പറയുന്നു. അസാധാരണമാംവിധം ജൂണില് മഴ ദുര്ബലമായിരുന്നു. ഇപ്പോള് തെക്കുപടിഞ്ഞാറന് മണ്സൂണ് പുനരുജ്ജീവനത്തിന്റെ ലക്ഷണങ്ങള് കാണിക്കുകയാണ്. കഴിഞ്ഞ മാസം മഴ സാധാരണയേക്കാള് 40% കുറവായിരുന്നു. ജൂണ് 24 ഓടെ മധ്യപ്രദേശിലെയും ഗുജറാത്തിലെയും ചില ഭാഗങ്ങളില് എത്തിയ ശേഷം, മണ്സൂണ് ഏകദേശം ആറ് ദിവസത്തേക്ക് പെയ്തിരുന്നില്ല. ഇതോടെ ഡല്ഹി, പഞ്ചാബ്, വടക്കേ ഇന്ത്യയുടെ മറ്റ് പല ഭാഗങ്ങള് എന്നിവിടങ്ങളില് ചൂടും ഈര്പ്പവും നിറഞ്ഞ കാലാവസ്ഥയാണ് അനുഭവപ്പെട്ടത്.
മഴയെ നിയന്ത്രിക്കുന്ന നീണ്ട ന്യൂനമര്ദ്ദ മേഖലയായ മണ്സൂണ് ട്രോഫ് അഥവാ മണ്സൂണ് പാത്തിന്റെ സ്ഥാനമാണ് മന്ദഗതിക്ക് കാരണമെന്ന് കാലാവസ്ഥാ വിദഗ്ധര് പറയുന്നു. ട്രോഫ് ഹിമാലയന് താഴ്വരയിലേക്ക് മാറിയപ്പോള്, വടക്കേ ഇന്ത്യയിലുടനീളം മഴ കുറഞ്ഞു. ഇപ്പോള് വീണ്ടും സജീവമാകുന്നതോടെ, മണ്സൂണ് വീണ്ടും മുന്നേറി, ജൂലൈ ഒന്നിന് ജമ്മു കശ്മീര്, ലഡാക്ക്, ഉത്തര്പ്രദേശിന്റെ ശേഷിക്കുന്ന ഭാഗങ്ങള് എന്നിവിടങ്ങളിലേക്ക് എത്തുന്നു.
ജൂലൈ ഒന്നിനും നാലിനും ഇടയില് സജീവമായ മണ്സൂണ് ട്രോഫ് നിരവധി ഉത്തരേന്ത്യന് സംസ്ഥാനങ്ങളില് കനത്ത മഴ പെയ്യിക്കുമെന്നും വിദഗ്ധര് പ്രതീക്ഷിക്കുന്നു. കാലാവസ്ഥാ വ്യതിയാനം ഇന്ത്യയുടെ കാലാവസ്ഥയെ കൂടുതല് പ്രവചനാതീതമാക്കുന്നുണ്ടെന്നും, ഒരുമിച്ച് പെയ്യുന്ന മഴ മഴ വെള്ളപ്പൊക്കത്തിനും വരള്ച്ചയ്ക്കും സാധ്യത വര്ധിപ്പിക്കുമെന്നും അവര് മുന്നറിയിപ്പ് നല്കുന്നു. കൂടാതെ താപനില വര്ധിച്ചുവരുന്നതിനാല് ഇന്ത്യയിലെ നിരവധി കുട്ടികള് ഉഷ്ണതരംഗങ്ങള്ക്കും വരള്ച്ചയ്ക്കും ഇരയാകുന്നുണ്ടെന്നും റിപ്പോര്ട്ടുകള് സൂചിപ്പിക്കുന്നു.
അടുത്ത മൂന്ന് ദിവസങ്ങളില് തെക്ക് പടിഞ്ഞാറന് മണ്സൂണ് വടക്കന് അറബിക്കടലിന്റെ കൂടുതല് ഭാഗങ്ങളിലേക്ക് നീങ്ങും. ഗുജറാത്ത്, രാജസ്ഥാന്, ഹരിയാന, പഞ്ചാബ് എന്നിവിടങ്ങളിലേക്ക് കൂടുതല് മുന്നേറുന്നതിന് അനുകൂലമായ സാഹചര്യങ്ങളുണ്ടെന്നും കാലാവസ്ഥാ വകുപ്പ് അറിയിച്ചു. നിലവില് മണ്സൂണിന്റെ വടക്കന് പരിധി ജാംനഗര്, ഉദയ്പൂര്, അജ്മീര്, ജുന്ജുനു, ഹിസാര്, ബതിന്ദ എന്നിവയിലൂടെ കടന്നുപോകുന്നു.
ജൂലൈ 11 വരെ പടിഞ്ഞാറന് മധ്യപ്രദേശ്, കിഴക്കന് മധ്യപ്രദേശ്, വിദര്ഭ, ഛത്തീസ്ഗഡ് എന്നിവിടങ്ങളില് വ്യാപക മഴ ലഭിക്കാന് സാധ്യതയുണ്ട്. മധ്യപ്രദേശിലും വിദര്ഭയിലും കനത്ത മഴ പ്രതീക്ഷിക്കുന്നു. അതേസമയം ഛത്തീസ്ഗഡില് അതിശക്തമായ മഴയാണ് പ്രതീക്ഷിക്കുന്നു. ഗംഗാ നദിയിലെ പശ്ചിമ ബംഗാള്, ജാര്ഖണ്ഡ്, ബീഹാര്, ഒഡീഷ, ഹിമാലയന് പശ്ചിമ ബംഗാള്, സിക്കിം, അരുണാചല് പ്രദേശ്, അസം, മേഘാലയ എന്നിവിടങ്ങളില് ഈ ആഴ്ച വ്യാപകമായി മഴ ലഭിക്കാന് സാധ്യതയുണ്ട്. ബീഹാര്, ഒഡീഷ, വടക്കുകിഴക്കന് സംസ്ഥാനങ്ങളിലും കനത്ത മഴ പ്രതീക്ഷിക്കുന്നു.
---------------
Hindusthan Samachar / Sreejith S
