Enter your Email Address to subscribe to our newsletters
New delhi, 13 ഓഗസ്റ്റ് (H.S.)
എണ്പതാം സ്വാതന്ത്ര്യദിന ആഘോഷങ്ങള്ക്ക് മുന്നോടിയായി ചെങ്കോട്ടയില് ഫുള് ഡ്രസ് റിഹേഴ്സല് ആരംഭിച്ചു. ഓഗസ്റ്റ് 15ന് നടക്കുന്ന പ്രധാന ചടങ്ങുകള്ക്കായുള്ള ഒരുക്കങ്ങളുടെ ഭാഗമായി തലസ്ഥാനത്ത് സുരക്ഷയും ഗതാഗത നിയന്ത്രണങ്ങളും കര്ശനമാക്കിയിരിക്കുകയാണ്.
സ്വാതന്ത്ര്യദിന പരിപാടികളില് വന് ജനത്തിരക്ക് പ്രതീക്ഷിക്കുന്നതിനാല് മധ്യ ഡല്ഹിയില് ഉള്പ്പെടെ വിപുലമായ യാത്രാ നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. വ്യാഴാഴ്ച നടക്കുന്ന ഫുള് ഡ്രസ് റിഹേഴ്സലിനും ശനിയാഴ്ചത്തെ പ്രധാന ആഘോഷങ്ങള്ക്കും മുന്നോടിയായി ഡല്ഹി ട്രാഫിക് പൊലീസ് വിശദമായ മാര്ഗനിര്ദേശങ്ങള് പുറത്തിറക്കി. ഗതാഗതം സുഗമമാക്കുന്നതിനും പൊതുജനങ്ങളുടെ ബുദ്ധിമുട്ടുകള് കുറയ്ക്കുന്നതിനുമായി പ്രത്യേക ക്രമീകരണങ്ങള് ഏര്പ്പെടുത്തിയിട്ടുണ്ടെന്ന് ട്രാഫിക് അഡീഷനല് പൊലീസ് കമ്മിഷണര് ഡികെ ഗുപ്ത വ്യക്തമാക്കി.
പുതിയ ട്രാഫിക് അഡൈ്വസറി പ്രകാരം വാണിജ്യ വാഹനങ്ങള്ക്ക് ഡല്ഹിയിലേക്കുള്ള പ്രവേശനത്തിന് കര്ശന വിലക്കുണ്ട്. ഓഗസ്റ്റ് 12 രാത്രി മുതല് ഓഗസ്റ്റ് 13 രാത്രി പത്തോ പതിനൊന്നോ മണിവരെയാണ് നിയന്ത്രണം. എന്നാല് അവശ്യ സര്വീസുകളുള്ള വാഹനങ്ങളെ ഇതില് നിന്നും ഒഴിവാക്കിയിട്ടുണ്ട്. രാത്രി പത്തുമണിയോടെ ഗതാഗതം വഴിതിരിച്ചുവിടുന്നതിനുള്ള നടപടികള് ആരംഭിച്ചു. ഡല്ഹി അതിര്ത്തികളില് എത്തുന്നതിന് മുന്പ് തന്നെ വലിയ വാഹനങ്ങള്ക്കും വാണിജ്യ വാഹനങ്ങള്ക്കും നിയന്ത്രണങ്ങളെക്കുറിച്ച് വിവരം നല്കുന്നതിനായി അയല് സംസ്ഥാനങ്ങളായ ഉത്തര്പ്രദേശ്, ഹരിയാന എന്നിവിടങ്ങളിലെ പൊലീസ് സേനയുമായി ഏകോപിപ്പിച്ചാണ് പ്രവര്ത്തനങ്ങള് പുരോഗമിക്കുന്നത്.
വിഐപി നീക്കങ്ങള്ക്കായി ഉപയോഗിക്കുന്ന രാജ്പഥ്, തിലക് മാര്ഗ്, ല്യൂട്ടന്സ് സോണ് തുടങ്ങിയ പ്രധാന പാതകളിലെല്ലാം സുരക്ഷയുടെ ഭാഗമായി ഗതാഗതം വഴിതിരിച്ചുവിടും. യാത്രക്കാര് ഇതനുസരിച്ച് യാത്രകള് മുന്കൂട്ടി പ്ലാന് ചെയ്യണമെന്നും സാധ്യമായ ഇടങ്ങളിലെല്ലാം ബദല് മാര്ഗങ്ങള് ഉപയോഗിക്കണമെന്നും ട്രാഫിക് പൊലീസ് നിര്ദേശിച്ചു. റെയില്വേ സ്റ്റേഷനുകള് പോലെയുള്ള പ്രധാന സ്ഥലങ്ങളിലേക്ക് പോകുന്നവര്ക്കായി പ്രത്യേക ക്രമീകരണങ്ങള് ഏര്പ്പെടുത്തിയിട്ടുണ്ട്. നിയന്ത്രണങ്ങള്ക്കിടയിലും യാത്രക്കാര്ക്ക് ലക്ഷ്യസ്ഥാനങ്ങളില് എത്താന് കഴിയുമെന്ന് ഉറപ്പാക്കാന് ബദല് റൂട്ടുകളും നിര്ദേശിച്ചിട്ടുണ്ട്.
തലസ്ഥാനത്തെ തന്ത്രപ്രധാനമായ സ്ഥലങ്ങളിലെല്ലാം ട്രാഫിക് ഉദ്യോഗസ്ഥരെ വിന്യസിച്ചിട്ടുണ്ട്. വിഐപി വാഹനങ്ങളുടെ നീക്കം നിയന്ത്രിക്കുന്നതിനും ചെങ്കോട്ടയ്ക്ക് ചുറ്റുമുള്ള ഗതാഗതം സുഗമമാക്കുന്നതിനുമാണ് പ്രധാനമായും മുന്ഗണന നല്കുന്നത്. ഇതിനൊപ്പം തത്സമയ ട്രാഫിക് നിരീക്ഷണ സംവിധാനങ്ങളും അധികൃതര് ശക്തമാക്കി. പ്രധാന റൂട്ടുകളിലെ വാഹനങ്ങളുടെ നീക്കം നിരീക്ഷിക്കുന്നതിനും ഗതാഗതക്കുരുക്ക്, വാഹനങ്ങളുടെ തകരാറുകള്, മറ്റ് തടസങ്ങള് എന്നിവ കണ്ടെത്തുന്നതിനും സിസിടിവി കാമറകളും ട്രാഫിക് കണ്ട്രോള് റൂമുകളും ഉപയോഗിക്കുന്നുണ്ട്. ഗതാഗതക്കുരുക്ക് ഉണ്ടായാല് വേഗത്തില് പ്രതികരിക്കാനും വാഹനങ്ങളുടെ നീക്കത്തില് ആവശ്യമായ മാറ്റങ്ങള് വരുത്താനും ഈ സംവിധാനം ഉദ്യോഗസ്ഥരെ സഹായിക്കും.
നിയന്ത്രണങ്ങള്, വഴിതിരിച്ചുവിടലുകള്, ബദല് റൂട്ടുകള് എന്നിവയെക്കുറിച്ച് യാത്രക്കാരെ അറിയിക്കുന്നതിനായി ട്രാഫിക് പൊലീസ് സമൂഹമാധ്യമങ്ങളും ഉപയോഗപ്പെടുത്തുന്നുണ്ട്. എണ്പതാം സ്വാതന്ത്ര്യദിന ആഘോഷങ്ങള്ക്ക് മുന്നോടിയായി രാജ്യതലസ്ഥാനത്ത് നടപ്പിലാക്കുന്ന വിപുലമായ സുരക്ഷാ ക്രമീകരണങ്ങളുടെ ഭാഗമായാണ് ഈ നിയന്ത്രണങ്ങള്. ഓഗസ്റ്റ് 15ന് പ്രധാന സ്വാതന്ത്ര്യദിന ചടങ്ങ് നടക്കുന്ന ചെങ്കോട്ടയില് ഇതിനോടകം തന്നെ സുരക്ഷാ വിന്യാസം വര്ധിപ്പിച്ചിട്ടുണ്ട്. പ്രധാന ചടങ്ങിനായുള്ള സുരക്ഷ, ഗതാഗത മാനേജ്മെന്റ്, ഉദ്യോഗസ്ഥരുടെ വിന്യാസം എന്നിവ ഉള്പ്പെടെയുള്ള എല്ലാ ക്രമീകരണങ്ങളും സുഗമമായി പ്രവര്ത്തിക്കുന്നുണ്ടെന്ന് ഉറപ്പാക്കാനാണ് വ്യാഴാഴ്ച ഫുള് ഡ്രസ് റിഹേഴ്സല് നടത്തുന്നത്.
റിഹേഴ്സല് സമയത്തും സ്വാതന്ത്ര്യദിനത്തിലും നിയന്ത്രിത പ്രദേശങ്ങളിലേക്കുള്ള അനാവശ്യ യാത്രകള് ഒഴിവാക്കണമെന്നും അധികൃതര് പുറപ്പെടുവിച്ച ട്രാഫിക് നിര്ദേശങ്ങള് പാലിക്കണമെന്നും ഡല്ഹി ട്രാഫിക് പൊലീസ് യാത്രക്കാരോട് അഭ്യര്ഥിച്ചു. പ്രധാന കവലകളിലെ വഴിതിരിച്ചുവിടല് ബോര്ഡുകളും ഉദ്യോഗസ്ഥരുടെ നിര്ദേശങ്ങളും പാലിക്കണമെന്നും പൊതുജനങ്ങളോട് അധികൃതര് ആവശ്യപ്പെട്ടിട്ടുണ്ട്.
പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്യുന്ന ചെങ്കോട്ടയില് കനത്ത സുരക്ഷയാണ് ഒരുക്കിയിരിക്കുന്നത്. ഡ്രോണുകള് ഉള്പ്പെടെയുള്ളവ ഉപയോഗിച്ചുള്ള നിരീക്ഷണവും ശക്തമാക്കി. ഫുള് ഡ്രസ് റിഹേഴ്സല് പുരോഗമിക്കുന്നതിനിടെ, ഓഗസ്റ്റ് 15ന് ചെങ്കോട്ടയില് നടക്കുന്ന എണ്പതാം സ്വാതന്ത്ര്യദിന ആഘോഷങ്ങള്ക്ക് ആതിഥേയത്വം വഹിക്കാന് ഡല്ഹി പൂര്ണ സജ്ജമായിക്കഴിഞ്ഞു. ദൈനംദിന യാത്രകള്ക്ക് തടസമുണ്ടാകാത്ത രീതിയില് സുഗമമായ ഗതാഗതം ഉറപ്പാക്കുന്നതിലും ആവശ്യമായ സുരക്ഷ നിലനിര്ത്തുന്നതിലുമാണ് അധികൃതര് ശ്രദ്ധ കേന്ദ്രീകരിക്കുന്നത്.
---------------
Hindusthan Samachar / Sreejith S
