Newdelhi, 29 ഓഗസ്റ്റ് (H.S.)

ന്യൂഡൽഹി: യൂണിവേഴ്സിറ്റി ഗ്രാന്റ്സ് കമ്മീഷന്റെ (UGC) ജൂൺ സെഷനിലെ നാഷണൽ എലിജിബിലിറ്റി ടെസ്റ്റ് (NET) പരീക്ഷാ ഫലത്തോടൊപ്പം വിവിധ വിഷയങ്ങളുടെ കട്ട് ഓഫ് മാർക്കുകളും നാഷണൽ ടെസ്റ്റിംഗ് ഏജൻസി (NTA) ഔദ്യോഗികമായി പുറത്തുവിട്ടു. 84 വിഷയങ്ങളിലെ ജൂനിയർ റിസർച്ച് ഫെലോഷിപ്പ് (JRF), അസിസ്റ്റന്റ് പ്രൊഫസർ യോഗ്യത, പിഎച്ച്.ഡി പ്രവേശനം എന്നിവയ്ക്കുള്ള കട്ട് ഓഫ് മാർക്കുകളാണ് ഔദ്യോഗിക പോർട്ടലായ

- ugcnet.nta.nic.in വഴി പ്രസിദ്ധീകരിച്ചത്.

ഈ വർഷത്തെ യുജിസി നെറ്റ് പരീക്ഷയിൽ ആകെ 24.31 ശതമാനം ഉദ്യോഗാർത്ഥികളാണ് യോഗ്യത നേടിയത്. ഇംഗ്ലീഷ്, കൊമേഴ്സ്, സോഷ്യോളജി എന്നീ വിഷയങ്ങളിലെ റീ-എക്സാം സെപ്റ്റംബർ 9, 10 തീയതികളിൽ നടക്കുന്നതിനാൽ ഈ മൂന്ന് വിഷയങ്ങളുടെ ഫലവും കട്ട് ഓഫും നിലവിൽ ഉൾപ്പെടുത്തിയിട്ടില്ല.

കട്ട് ഓഫിൽ മുന്നിലും പിന്നിലും ഈ വിഷയങ്ങൾ

പുറത്തുവിട്ട വിവരങ്ങൾ പ്രകാരം പേർഷ്യൻ ഭാഷയിലാണ് ജെആർഎഫിന് ഏറ്റവും ഉയർന്ന കട്ട് ഓഫ് രേഖപ്പെടുത്തിയത് — 254 മാർക്ക്. തൊട്ടുപിന്നാലെ ജ്യോഗ്രഫി (ഭൂമിശാസ്ത്രം), അറബിക് എന്നീ വിഷയങ്ങൾക്ക് 250 മാർക്ക് വീതം ലഭിച്ചു.

ഏറ്റവും കുറഞ്ഞ ജെആർഎഫ് കട്ട് ഓഫ് മാർക്ക് രേഖപ്പെടുത്തിയത് കശ്മീരി, ബോഡോ വിഷയങ്ങളിലാണ് — 150 മാർക്ക്. കൊങ്കണി (152), ചൈനീസ് (158), മണിപ്പൂരി (160) എന്നിവയാണ് കുറഞ്ഞ കട്ട് ഓഫ് രേഖപ്പെടുത്തിയ മറ്റ് വിഷയങ്ങൾ.

പ്രധാന വിഷയങ്ങളിലെ കട്ട് ഓഫ് നിലവാരം (ജനറൽ വിഭാഗം)വിഷയംJRF കട്ട് ഓഫ്അസിസ്റ്റന്റ് പ്രൊഫസർPh.D പ്രവേശനംമലയാളം (Malayalam)222192168ഇക്കണോമിക്സ് (Economics)224196170പൊളിറ്റിക്കൽ സയൻസ് (Political Science)222196170ഫിലോസഫി (Philosophy)236208178സൈക്കോളജി (Psychology)204180160ഹിസ്റ്ററി (History)190168148എജ്യുക്കേഷൻ (Education)232206182സോഷ്യൽ വർക്ക് (Social Work)216190166പബ്ലിക് അഡ്മിനിസ്ട്രേഷൻ240216188കമ്പ്യൂട്ടർ സയൻസ് & ആപ്ലിക്കേഷൻസ്214180158മാനേജ്മെന്റ് (Management)214184162മാസ് കമ്മ്യൂണിക്കേഷൻ190168150ഹിന്ദി (Hindi)198174150തമിഴ് (Tamil)188156134യോഗ (Yoga)244208172മലയാളം വിഷയത്തിലെ കട്ട് ഓഫ് വിശദാംശങ്ങൾ

മലയാള വിഭാഗത്തിൽ ജൂനിയർ റിസർച്ച് ഫെലോഷിപ്പിന് (JRF) ജനറൽ വിഭാഗത്തിൽ 222 മാർക്കാണ് കട്ട് ഓഫ്. അസിസ്റ്റന്റ് പ്രൊഫസർ യോഗ്യതയ്ക്ക് 192 മാർക്കും പിഎച്ച്.ഡി പ്രവേശന യോഗ്യതയ്ക്ക് 168 മാർക്കുമാണ് നിശ്ചയിച്ചിരിക്കുന്നത്.

സ്കോർകാർഡും മെറിറ്റ് ലിസ്റ്റും ഡൗൺലോഡ് ചെയ്യേണ്ട വിധം

-

ഔദ്യോഗിക വെബ്സൈറ്റായ

- ugcnet.nta.nic.in സന്ദർശിക്കുക.

-

ഹോം പേജിലെ 'UGC NET Scorecard' ലിങ്കിൽ ക്ലിക്ക് ചെയ്യുക.

-

നിങ്ങളുടെ ആപ്ലിക്കേഷൻ നമ്പറും ജനനത്തീയതിയും (Date of Birth) നൽകി ലോഗിൻ ചെയ്യുക.

-

സ്ക്രീനിൽ വരുന്ന സ്കോർകാർഡ് ഡൗൺലോഡ് ചെയ്ത് ഭാവി ആവശ്യങ്ങൾക്കായി പ്രിന്റ് എടുത്ത് സൂക്ഷിക്കുക.

-

വിഷയാടിസ്ഥാനത്തിലുള്ള മെറിറ്റ് ലിസ്റ്റും കട്ട് ഓഫ് പിഡിഎഫും ഇതേ വെബ്സൈറ്റിൽ ലഭ്യമാണ്.

---------------

Hindusthan Samachar / Roshith K