Kochi, 12 സെപ്റ്റംബര് (H.S.)

കൊച്ചി: സംസ്ഥാനം നേരിടുന്ന വൈദ്യുതി പ്രതിസന്ധി പരിഹരിക്കാന് തീവ്രശ്രമങ്ങള് തുടരുകയാണെന്ന് മുഖ്യമന്ത്രി വി ഡി സതീശന് വ്യക്തമാക്കി. സമഗ്രമായ പുതിയ വൈദ്യുതി പദ്ധതികള് മുന്നോട്ടുവച്ച് ഈ പ്രതിസന്ധിയെ വിജയകരമായി മറികടക്കാന് സാധിക്കുമെന്നും അദ്ദേഹം പറഞ്ഞു. നിലവിലെ പ്രതിസന്ധിയെ ഒരു അവസരമായി കാണാനാണ് സർക്കാർ ശ്രമിക്കുന്നതെന്നും അദ്ദേഹം കൂട്ടിച്ചേർത്തു.

വൈദ്യുതി പ്രതിസന്ധി എങ്ങനെ പരിഹരിക്കുമെന്നതാണ് നിലവിലുള്ള ഏറ്റവും പ്രധാനപ്പെട്ട കാര്യം. അതിനായി കൃത്യവും വ്യക്തവുമായ ഒരു കോണ്ക്രീറ്റ് നയം (Policy) രൂപീകരിക്കേണ്ടതുണ്ട്. ഇതിനാവശ്യമായ പുതിയ റെഗുലേഷനുകളും മാര്ഗ്ഗനിര്ദ്ദേശങ്ങളും വരുന്ന ഒക്ടോബർ മാസത്തിനുള്ളിൽ നിലവിൽ വരുമെന്നും മുഖ്യമന്ത്രി അറിയിച്ചു. കൊച്ചിയിൽ നടന്ന ഒരു പരിപാടിയിൽ സംസാരിക്കുകയായിരുന്നു അദ്ദേഹം.

സംസ്ഥാനത്ത് വൈദ്യുതി ഉപഭോഗം വർദ്ധിച്ചുവരുന്ന സാഹചര്യത്തിൽ ദീർഘകാലാടിസ്ഥാനത്തിലുള്ള പരിഹാരങ്ങൾക്കാണ് സർക്കാർ മുൻഗണന നൽകുന്നത്. വൈദ്യുതി മേഖലയിലെ പ്രതിസന്ധികൾക്ക് ശാശ്വത പരിഹാരം കാണുന്നതിന്റെ ഭാഗമായി വിവിധ പദ്ധതികൾ ആസൂത്രണം ചെയ്തുവരികയാണ്. പുതിയ റെഗുലേഷൻ വരുന്നതോടെ പ്രതിസന്ധികൾക്ക് വലിയ തോതിൽ പരിഹാരമാകുമെന്നാണ് സർക്കാരിന്റെ പ്രതീക്ഷ.

സംസ്ഥാനത്ത് കടുത്ത സെപ്റ്റംബർ ചൂടും വൈദ്യുതി ഉപഭോഗത്തിലെ റെക്കോർഡ് വർദ്ധനവും മൂലം ഗുരുതരമായ ഊർജ്ജ പ്രതിസന്ധിയാണ് നിലവിലുള്ളത്

പ്രതിസന്ധിയുടെ പ്രധാന കാരണങ്ങൾ

റെക്കോർഡ് ഉപഭോഗം: കഴിഞ്ഞ വർഷം സെപ്റ്റംബറിലെ ശരാശരി ആവശ്യകത 3,600-3,800 മെഗാവാട്ട് ആയിരുന്ന സ്ഥാനത്ത്, ഇത്തവണ അത് 5,200 മുതൽ 5,400 മെഗാവാട്ട് വരെയായി കുതിച്ചുയർന്നു. എയർ കണ്ടീഷണറുകൾ, ഫാനുകൾ, ഇലക്ട്രിക് വാഹന ചാർജിംഗ് എന്നിവയുടെ വർദ്ധനവാണ് ഇതിന് പ്രധാന കാരണം

ലഭ്യതക്കുറവ് (Deficit): രാത്രികാലങ്ങളിൽ ആവശ്യകതയും വിതരണവും തമ്മിൽ 700 മുതൽ 1,200 മെഗാവാട്ട് വരെ കുറവാണ് നേരിടുന്നത്

ഉത്പാദന കുറവും സംഭരണ പരിമിതിയും: കേരളത്തിന് ആവശ്യമുള്ളതിന്റെ 25% മാത്രമാണ് ഇവിടെ ഉത്പാദിപ്പിക്കുന്നത്. പകൽ സമയങ്ങളിൽ സൗരോർജ്ജം (Solar Power) ലഭ്യമാണെങ്കിലും, രാത്രിയിൽ ഉപയോഗിക്കാൻ ആവശ്യമായ 'ബാറ്ററി എനർജി സ്റ്റോറേജ് സിസ്റ്റം' (BESS) നിലവിൽ സംസ്ഥാനത്തിനില്ല. കുറഞ്ഞ നിരക്കിലുള്ള പഴയ വൈദ്യുതി കരാറുകൾ റദ്ദാക്കിയതും പ്രതിസന്ധിക്ക് ആക്കം കൂട്ടി

ദേശീയതലത്തിലെ പ്രതിസന്ധി: കൽക്കരി ക്ഷാമവും മൺസൂൺ കുറഞ്ഞതും കാരണം ദേശീയ ഗ്രിഡിലും വൈദ്യുതി ലഭ്യതയിൽ വലിയ കുറവുണ്ടായിട്ടുണ്ട്.

ഇത്തരത്തിൽ നിരവധി പ്രതികൂല സാഹചര്യങ്ങളാണ് ;നിലനിൽക്കുന്നത്. ഇവയെ മുഖ്യമന്ത്രി വി ഡി സതീശന്റെ നേതൃത്വത്തിൽ ഉള്ള യു ഡി എഫ് എങ്ങനെ നേരിടും എന്നാണ് ജനം ഉറ്റു നോക്കുന്നത്.

---------------

Hindusthan Samachar / Roshith K