Enter your Email Address to subscribe to our newsletters
Kerala, 15 November (H.S.)
ജാര്‍ഖണ്ഡില്‍ തിരഞ്ഞെടുപ്പ് പ്രചരണത്തിനെത്തിയ പ്രധാനമന്ത്രി നരേന്ദ്ര മോദിയുടെ വിമാനത്തിന് സാങ്കേതികത്തകരാര്‍. ജാര്‍ഖണ്ഡിലെ ദേവ്ഘറിലാണ് പ്രധാനമന്തിയുള്ളത്. സാങ്കേതികപ്രശ്നം പരിഹരിക്കുന്നതിനുള്ള ശ്രരമാണ് നടക്കുന്നത്. ഇതോടെ മോദിയുടെ ഡല്‍ഹിയിലേക്കുള്ള മടക്കവും വൈകുകയാണ്.
ഡല്‍ഹിയിലേക്ക് തിരിക്കാനായി മോദി വിമാനത്താവളത്തിലെത്തിയപ്പോഴാണ് സാങ്കേതിക തകരാര്‍കണ്ടെത്തിയത്. മുന്‍കരുതല്‍ എന്ന നിലയില്‍ സാങ്കേതിക വിദഗ്ധര്‍ വിമാനം പറപ്പിച്ചപ്പോഴാണ് പ്രശ്നമുള്ളതായി തിരിച്ചറിഞ്ഞത്. തുടര്‍ന്ന് നിലത്തിറക്കുകയായിരുന്നു. ഇന്ന് രണ്ട് തിരഞ്ഞെടുപ്പു റാലികളിലാണ് മോദി സംസാരിച്ചത്.
രാവിലെ രാഹുല്‍ ഗാന്ധിയുടെ ഹെലിക്കോപ്ടര്‍ മുക്കാല്‍ മണിക്കൂറോളം നിലത്തുനിര്‍ത്തിയ സംഭവും ഉണ്ടായിരുന്നു. ദേവ്ഘറില്‍നിന്ന് 80 കിലോമീറ്റര്‍ അകലെയായിരുന്നു ഇത്. എയര്‍ ട്രാഫിക് കണ്‍ട്രോളില്‍നിന്നുള്ള ക്ലിയറന്‍സ് വൈകിയതാണ് കാരണം.
---------------
Hindusthan Samachar / Sreejith S
