New delhi, 10 ജനുവരി (H.S.)

യുഎസിനോട് ഇന്ത്യ ആവശ്യപ്പെട്ടത് 28 അപ്പാച്ചെ ഹെലികോപ്റ്ററുകള്‍ മാത്രമായിരുന്നുവെന്നും രണ്ട് ഘട്ടങ്ങളിലായി 2025 ഡിസംബറോടെ എല്ലാ വിതരണങ്ങളും സമയബന്ധിതമായി പൂര്‍ത്തിയായിരുന്നതായും കേന്ദ്ര പ്രതിരോധ മന്ത്രാലയം. വസ്തുതാപരിശോധനയ്ക്കുശേഷമാണ് മന്ത്രാലയം ഇക്കാര്യം അറിയിച്ചത്. 2015 ല്‍ 22 എണ്ണവും 2020 ല്‍ 8 എണ്ണവുമാണ് യുഎസ് ഇന്ത്യയ്ക്ക് കൈമാറിയത്. ഇന്ത്യ 68 അപ്പാച്ചെ ഹെലികോപ്റ്ററുകള്‍ ആവശ്യപ്പെട്ടിട്ടുണ്ടെന്നും കാലതാമസം വന്നതിനാല്‍ വിതരണം വേഗത്തിലാക്കാന്‍ പ്രധാനമന്ത്രി നരേന്ദ്ര മോദി ആവശ്യപ്പെട്ടതായി പ്രസിഡന്റ് ഡൊണാള്‍ഡ് ട്രംപ് കഴിഞ്ഞ ദിവസമാണ് അവകാശവാദം ഉന്നയിച്ചത്. ഹെലികോപ്റ്ററുകള്‍ക്കായുള്ള ഇന്ത്യയുടെ ഓഡര്‍ ലഭിച്ചിട്ട് അഞ്ചുകൊല്ലമായെന്നും ഹെലികോപ്റ്ററുകറടെ കൈമാറ്റം വേഗത്തിലാക്കുമെന്നും ട്രംപ് പറഞ്ഞിരുന്നു.

സാങ്കേതികവിദ്യയുടെ കാര്യത്തില്‍ ഉന്നത നിലവാരം പുലര്‍ത്തുന്നവയാണ് AH-64E യുഎസ് ആക്രമണ ഹെലികോപ്റ്റര്‍. എല്ലാ കാലാവസ്ഥയിലും രാവും പകലും ഉപയോഗിക്കാന്‍ കഴിയുന്ന റഡാറുകളും സെന്‍സറുകളും നിറഞ്ഞ ഇരട്ട എന്‍ജിനാണ് ഇവയ്ക്കുള്ളത്.10 കിലോമീറ്റര്‍ അകലെയുള്ള ലക്ഷ്യങ്ങളിലേക്ക് ഹെല്‍ഫയര്‍ മിസൈലുകളും ഹൈഡ്ര റോക്കറ്റുകളും തൊടുക്കാനും 1200 റൗണ്ടുകള്‍ 30 എംഎം വലിപ്പമുള്ള പീരങ്കി ഷെല്ലുകള്‍ ഉപയോഗിച്ച് രണ്ട് കിലോമീറ്റര്‍ അകലെയുള്ള ലക്ഷ്യങ്ങള്‍ ഭേദിക്കാനും സ്റ്റംഗര്‍ എയര്‍-ടു-എയര്‍ മിസൈലുകള്‍ ഉപയോഗിച്ച് മറ്റ് വിമാനങ്ങളെയും ഹെലികോപ്റ്ററുകളെയും വീഴ്ത്താനും കഴിയും.

എന്നാല്‍, വിലക്കൂടുതല്‍ ഈ ഹെലികോപ്റ്റര്‍ സ്വന്തമാക്കാന്‍ തടസ്സമാകുന്നു. ഒരു ഹെലികോപ്റ്ററിന് മിസൈലുകളും വെടിക്കോപ്പുകളും ഉള്‍പ്പെടെ ഏകദേശം 150 മില്യണ്‍ ഡോളര്‍ (1,350 കോടി രൂപ) വിലവരും. സ്വദേശീയമായി നിര്‍മ്മിച്ച HAL-ന്റെ ലൈറ്റ് കോംബാറ്റ് ഹെലികോപ്റ്റര്‍ പ്രചണ്ഡിന് ഏകദേശം 48 മില്യണ്‍ ഡോളര്‍ അല്ലെങ്കില്‍ 400 കോടി രൂപയാണ് ചെലവ്. ഉയര്‍ന്ന വില കാരണം 39 യുഎസ് ആക്രമണ ഹെലികോപ്റ്ററുകള്‍ - 22 വ്യോമസേനയ്ക്കും 17 സൈന്യത്തിനും - വാങ്ങാന്‍ ഉദ്ദേശിച്ചിരുന്നത് വെറും 28 എണ്ണത്തിലേക്ക് ചുരുക്കി.

ആധുനിക ആക്രമണ ഹെലികോപ്റ്റര്‍ ഒരു യുഎസ് ആശയമാണ്. വിയറ്റ്‌നാം യുദ്ധസമയത്താണ് ഈ ആശയം ഉത്ഭവിച്ചത്. ഗ്രൗണ്ട് ട്രൂപ്പുകളെ പിന്തുണയ്ക്കുന്നതിനായി പീരങ്കികള്‍, റോക്കറ്റുകള്‍, ഗൈഡഡ് മിസൈലുകള്‍ എന്നിവ വഹിക്കുന്ന ഹെലികോപ്റ്ററുകള്‍ യുഎസ് വിന്യസിച്ചിരുന്നു. ചെയ്യാത്ത ഒരു യുദ്ധത്തിനായി രൂപകല്‍പന ചെയ്തതാണ് അപ്പാച്ചെ. സോവിയറ്റ് ടാങ്കുകള്‍ക്കെതിരായും യൂറോപ്പിലെ വായു-കര യുദ്ധങ്ങള്‍ക്കെതിരായുമാണ് അപ്പാച്ചെ സൃഷ്ടിച്ചത്. 2001-ലെ അഫ്ഗാനിസ്ഥാന്‍ അധിനിവേശത്തില്‍ അപ്പാച്ചെകള്‍ അടുത്തുള്ള വ്യോമസഹായം, നിരീക്ഷണം, താലിബാന്‍ വിമതരെ പോരാടുന്ന അമേരിക്കന്‍ പിന്തുണയുള്ള സൈന്യങ്ങളെ പിന്തുണയ്ക്കുന്ന ദൗത്യങ്ങള്‍ എന്നിവ നിര്‍വഹിച്ചു.

മാര്‍ച്ച് 2003-ല്‍ യുഎസ് നയിച്ച ഇറാഖ് അധിനിവേശത്തിനിടയില്‍, സദ്ദാം ഹുസൈന്റെ സൈന്യം 30 അപ്പാച്ചെകളുടെ ഒരു ശ്രേണിയെ പതിയിരുന്ന് ആക്രമിച്ചു, അവയ്ക്ക് കേടുപാടുകള്‍ സംഭവിച്ചു, ഒന്ന് വീഴ്ത്തുകയും ചെയ്തു. റഷ്യയുടെ Mi-28 നെ ചെലവിലും സാങ്കേതിക പാരാമീറ്ററുകളിലും തോല്‍പ്പിച്ചതോടെ 2007-ല്‍ സോവിയറ്റ് നിര്‍മ്മിത Mi-35 ഗണ്‍ഷിപ്പുകള്‍ക്ക് പകരം 22 ആക്രമണ ഹെലികോപ്റ്ററുകള്‍ വാങ്ങുന്നതുള്ള ആലോചന ഇന്ത്യ നടത്തി. 2015-ല്‍ ഇന്ത്യ ആദ്യത്തെ അപ്പാച്ചെകള്‍ക്ക് കരാര്‍ ഒപ്പിട്ടു.

വെനസ്വേലന്‍ പ്രസിഡന്റ് നിക്കോളാസ് മഡുറോയുടെ തട്ടിക്കൊണ്ടുപോകലില്‍ യുഎസ് സൈന്യം വിന്യസിച്ച ഏകദേശം 150 വിമാനങ്ങളില്‍ അപ്പാച്ചെകളും ഉള്‍പ്പെട്ടിരുന്നു. 2700-ല്‍ അധികം അപ്പാച്ചെകള്‍ യുഎസ് നിര്‍മ്മിച്ചിട്ടുണ്ട്. പുതിയവയുടെ നിര്‍മ്മാണത്തെ കുറിച്ച് തീരുമാനമായിട്ടില്ലെന്നാണ് വിവരം. 2026-ല്‍ പുതിയ അപ്പാച്ചെകളുടെ വിപണനം യുഎസ് ലിസ്റ്റ് ചെയ്തിട്ടുമില്ല. കാരണം യുഎസ് അതിന്റെ എല്ലാ എയര്‍ കാലറി സ്‌ക്വാഡ്രണുകളും വെട്ടിക്കുറയ്ക്കുകയും 'കൂടുതല്‍ ഫലപ്രദമായ, അടുത്ത തലമുറ റോട്ടറി, ആളില്ലാ വിമാനങ്ങളുടെ സംയുക്തശ്രേണിയില്‍ ശ്രദ്ധ കേന്ദ്രീകരിക്കുകയാണെന്നാണ് ലഭ്യമായ വിവരം.

---------------

Hindusthan Samachar / Sreejith S