Enter your Email Address to subscribe to our newsletters
Pathanamthitta, 28 ജനുവരി (H.S.)
ബലാത്സംഗക്കേസില് ജയിലിലായ പാലക്കാട് എംഎല്എ രാഹുല് മാങ്കൂട്ടത്തിലിന് ഇന്ന് നിര്ണായക ദിനം. എംഎല്എയുടെ ജാമ്യ അപേക്ഷയില് പത്തനംതിട്ട സെഷന്സ് കോടതി ഇന്ന് വിധി പറയും. ഡിജിറ്റല് തെളിവുകളുടെ ആധികാരികത സംബന്ധിച്ച് പ്രോസിക്യൂഷന് സംശയമുന്നയിച്ചതോടെയാണ് കഴിഞ്ഞദിവസം വിധി പറയുന്നതു മാറ്റിവെച്ചത്. പരാതിക്കാരിയുമായി ഉഭയസമ്മതപ്രകാരമുള്ള ബന്ധമെന്ന് സ്ഥാപിക്കാനായിരുന്നു പ്രതിഭാഗത്തിന്റെ ശ്രമം. രണ്ടാഴ്ചയില് അധികമായി ജയിലില് കഴിയുന്ന രാഹുലിന് ഇന്ന് ജില്ലാ കോടതിയിലും തിരിച്ചടി നേരിട്ടാല് പിന്നീട് ഹൈക്കോടതി മാത്രമാണ് ആശ്രയം.
രാഹുല് മാങ്കൂട്ടത്തിലിനെതിരെ ചുമത്തിയ ആദ്യ ബലാത്സംഗ കേസിലെ മുന്കൂര് ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. ജസ്റ്റിസ് കൗസര് എടപ്പഗത്തിന്റെ ബെഞ്ചാണ് ഹര്ജിയില് ഇന്ന് വിശദമായ വാദം കേള്ക്കുക. രാഹുലിന്റെ മുന്കൂര് ജാമ്യാപേക്ഷയെ എതിര്ത്ത് പ്രോസിക്യൂഷന് റിപ്പോര്ട്ട് നല്കിയിരുന്നു. രാഹുലിനെതിരെ അതിജീവിതയുടെ സത്യവാങ്മൂലവും കോടതിയില് സമര്പ്പിച്ചിരുന്നു. രാഹുല് സ്ഥിരം കുറ്റവാളിയാണെന്നും മുന്കൂര് ജാമ്യം നല്കിയാല് കേസ് അട്ടിമറിക്കപ്പെടുമെന്നാണ് സത്യവാങ്മൂലത്തില് അതിജീവിത ഉന്നയിക്കുന്ന പ്രധാന വാദം. പ്രായപൂര്ത്തിയാകാത്ത പെണ്കുട്ടിയടക്കം പത്തോളം പേരെ രാഹുല് ലൈംഗിക പീഡനത്തിന് ഇരകളാക്കിയിട്ടുണ്ടെന്നും അതിജീവിത സത്യവാങ്മൂലത്തില് ആരോപിച്ചിരുന്നു.
എസ്ഐടി റജിസ്റ്റര് ചെയ്ത ആദ്യ കേസിലെ മുന്കൂര് ജാമ്യാപേക്ഷ നേരത്തെ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയതിനെ തുടര്ന്നാണ് രാഹുല് മാങ്കൂട്ടത്തില് ഹൈക്കോടതിയെ സമീപിച്ചത്. രാഹുല് മാങ്കൂട്ടത്തിലിന് ജാമ്യം അനുവദിക്കരുതെന്ന് ആവശ്യപ്പെട്ട ്ല് അതിജീവിത ഹൈക്കോടതിയെ സമീപിച്ചിരുന്നു. രാഹുല് ക്രൂരനായ ലൈംഗിക കുറ്റവാളിയാണെന്നും ഗര്ഭിണിയായിരിക്കെ മൃഗീയമായി പീഡിപ്പിച്ചുവെന്നതടക്കമുള്ള ഗുരുതര ആരോപണങ്ങളാണ് അതിജീവിത ഉന്നയിച്ചത്. ഭീഷണിപ്പെടുത്തി തന്റെ നഗ്ന വീഡിയോ ചിത്രീകരിച്ച രാഹുല്, ജാമ്യത്തിലിറങ്ങിയാല് ആ വീഡിയോ പുറത്തുവിടുമെന്ന് ഭയമുണ്ടെന്നും പരാതിക്കാരി പറയുന്നു. പ്രതി ഒരു സാഡിസ്റ്റാണെന്നും മനോവൈകൃതമുള്ളയാളാണെന്നും അതിജീവിത കോടതിയില് നല്കിയ സത്യവാങ്മൂലത്തില് ആരോപിച്ചിട്ടുണ്ട്.
---------------
Hindusthan Samachar / Sreejith S
