Newdelhi

ശ്രീലങ്കയിലെ ഭരണകക്ഷിയായ ജനത വിമുക്തി പെരമുനയുടെ (ജെവിപി) അഞ്ചംഗ പ്രതിനിധി സംഘം ബിജെപി ദേശീയ അധ്യക്ഷൻ നിതിൻ നവീനെ സന്ദർശിച്ചു. പാർട്ടിയുടെ കേന്ദ്ര ഓഫീസിലായിരുന്നു സന്ദർശനം. ബി. ജെ. പിയുടെ അന്താരാഷ്ട്ര പ്രചാരണ പരിപാടിയായ 'ബി. ജെ. പി കോ ജാനെ' യുടെ ഭാഗമായാണ് കൂടിക്കാഴ്ച.

ജെവിപി ജനറൽ സെക്രട്ടറി ടിൽവിൻ സിൽവയുടെ നേതൃത്വത്തിലുള്ള ഇന്ത്യയിലേക്കുള്ള പ്രതിനിധി സംഘം രണ്ട് രാഷ്ട്രീയ പാർട്ടികൾ തമ്മിലുള്ള ബന്ധം ശക്തിപ്പെടുത്തുന്നതിനും സംഘടനാപരമായ അനുഭവം പങ്കിടുന്നതും സബന്ധച്ച് ചർച്ച നടത്തി. പരസ്പര രാഷ്ട്രീയ, നയതന്ത്ര സഹകരണം പ്രോത്സാഹിപ്പിക്കുന്നതുമായി ബന്ധപ്പെട്ട വിഷയങ്ങളും യോഗത്തിൽ ചർച്ച ചെയ്തു.

ശ്രീലങ്കൻ പ്രതിനിധി സംഘം ഇന്ത്യ സന്ദർശന വേളയിൽ ബിജെപി ദേശീയ ജനറൽ സെക്രട്ടറി ബിഎൽ സന്തോഷ്, വിദേശകാര്യ മന്ത്രി എസ് ജയശങ്കർ, ഡൽഹി ബിജെപി സംസ്ഥാന അധ്യക്ഷൻ ഹർഷ് മൽഹോത്ര എന്നിവരുമായി കൂടിക്കാഴ്ച നടത്തിയിരുന്നു .രാഷ്ട്രീയ സംഘടനകളുടെ പ്രവർത്തനം, പബ്ലിക് റിലേഷൻസ്, ഇരുപക്ഷവും തമ്മിലുള്ള സംഘടനാ വിപുലീകരണം എന്നിവയുമായി ബന്ധപ്പെട്ട അനുഭവങ്ങൾ പങ്കിട്ടു.

ജെവിപിയുടെ അഞ്ചംഗ പ്രതിനിധി സംഘം 2026 സെപ്റ്റംബർ 27 മുതൽ ഒക്ടോബർ 1 വരെ നാല് ദിവസത്തെ ഔദ്യോഗിക സന്ദർശനത്തിനായി ഇന്ത്യയിലെത്തിയിട്ടുണ്ട്. സന്ദർശന വേളയിൽ പ്രതിനിധി സംഘം ഇന്ത്യൻ പാർലമെന്റും ഡൽഹിയിലെ ബിജെപി ഓഫീസും സന്ദർശിച്ചു.

ബി. ജെ. പിയുടെ അന്താരാഷ്ട്ര പ്രചാരണ പരിപാടിക്ക് കീഴിൽ വിദേശ രാഷ്ട്രീയ പാർട്ടികളുമായി ചർച്ച നടത്തുന്നതിനും സംഘടനാപരമായ അനുഭവങ്ങൾ കൈമാറുന്നതിനുമുള്ള ഒരു സംരംഭമായാണ് സന്ദർശനത്തെ കാണുന്നത്. ശ്രീലങ്കയും ഇന്ത്യയും തമ്മിലുള്ള രാഷ്ട്രീയ, നയതന്ത്ര ബന്ധങ്ങളുടെ പശ്ചാത്തലത്തിലും ഇത്തരം ആശയവിനിമയം പ്രധാനമായി കണക്കാക്കപ്പെടുന്നു.

--------

Hindusthan Samachar / Sreejith S