Enter your Email Address to subscribe to our newsletters
New delhi, 16 ഒക്റ്റോബര്‍ (H.S.)
രാഹുല് ഗാന്ധി ഗര്ഭിണിയായ മാധ്യമപ്രവര്ത്തകയെ തള്ളിയെന്ന ആരോപണവുമായി ബന്ധപ്പെട്ട ഹര്ജി പരിഗണിക്കുമെന്ന് സുപ്രീം കോടതി. ദസറ അവധിക്കുശേഷം കോടതി വീണ്ടും തുറക്കുമ്പോള്‍ ഹര്ജി ലിസ്റ്റ് ചെയ്യുമെന്ന് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് അറിയിച്ചു. ജസ്റ്റിസ് ജോയ്മാല്യ ബാഗ്ചിയും ബെഞ്ചിലുണ്ടായിരുന്നു.
വിഷയം കോടതിയുടെ ശ്രദ്ധയില്‍പ്പെടുത്തിയ മുതിര്‍ന്ന അഭിഭാഷകന്‍ ഗൗരവ് ഭാട്ടിയയോടാണ് ബെഞ്ച് ഇക്കാര്യം വ്യക്തമാക്കിയത്. സുപ്രീംകോടതിയുടെ രജിസ്ട്രിക്ക് പുറത്ത് ഹര്ജി സമര്‍പ്പിക്കുന്നതിനിടെയുണ്ടായ തിരക്കിനിടെ രാഹുല് ഗാന്ധി ഗര്ഭിണിയായ മാധ്യമപ്രവര്ത്തകയെ തള്ളിയെന്നാണ് ആരോപണം. എന്നാല്‍, ആരോപണം സംബന്ധിച്ച വസ്തുതകള്‍ കോടതി സ്ഥിരീകരിച്ചിട്ടില്ല. ദസറ അവധിയെത്തുടര്‍ന്ന് ഒരാഴ്ചത്തേക്ക് അടച്ച സുപ്രീംകോടതി ഒക്ടോബര്‍ 26-ന് വീണ്ടും പ്രവര്‍ത്തനം ആരംഭിക്കും. ഇതിന് ശേഷമായിരിക്കും വിഷയത്തില്‍ തുടര്‍നടപടികള്‍ ഉണ്ടാകുക
വ്യാഴാഴ്ചയും വിഷയം കോടതിയുടെ ശ്രദ്ധയില്‍പ്പെടുത്തിയിരുന്നതായി ഗൗരവ് ഭാട്ടിയ പറഞ്ഞു. രാഹുല് ഗാന്ധിയും മറ്റുള്ളവരും സമര്‍പ്പിച്ച ഹര്‍ജികള്‍ പരിഗണിക്കുന്നതിനിടെയായിരുന്നു അദ്ദേഹത്തിന്റെ പരാമര്‍ശം. വോട്ടര്‍പട്ടികയിലെ ക്രമക്കേട്, മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെയുള്ള ആരോപണങ്ങള്‍ തുടങ്ങിയ വിഷയങ്ങളുമായി ബന്ധപ്പെട്ട ഹര്‍ജികളാണ് അന്ന് കോടതി പരിഗണിച്ചത്.
എന്നാല്‍, വാക്കാലുള്ള പരാമര്‍ശത്തിന്റെ അടിസ്ഥാനത്തില്‍ മാത്രം സ്വമേധയാ കേസെടുക്കാന്‍ കഴിയില്ലെന്ന് ചീഫ് ജസ്റ്റിസ് വ്യക്തമാക്കി. വിഷയത്തില്‍ കോടതി ഇടപെടണമെന്ന് ആഗ്രഹിക്കുന്നുവെങ്കില്‍ ഔദ്യോഗികമായി ഹര്ജി സമര്‍പ്പിക്കണമെന്നും അദ്ദേഹം നിര്‍ദേശിച്ചു. ഹര്ജി ലഭിച്ചാല്‍ വിഷയം പരിശോധിക്കാന്‍ കോടതി തയ്യാറാണെന്നും ബെഞ്ച് അറിയിച്ചു.
---------------
Hindusthan Samachar / Sreejith S
