കരുത്താര്ജ്ജിച്ച് 'അക്വാന്' ചുഴലിക്കാറ്റ്; ആന്ധ്രാപ്രദേശിന്റെ തീരപ്രദേശങ്ങളില് മുന്നറിയിപ്പ്
New delhi, 18 നവംബര്‍ (H.S.) ബംഗാള്‍ ഉള്‍ക്കടലില്‍ രൂപംകൊണ്ട ''അക്വാന്‍'' ചുഴലിക്കാറ്റ് അതിശക്തമായ ചുഴലിക്കാറ്റായി ഉടന്‍ മാറുമെന്ന് കാലാവസ്ഥ വകുപ്പിന്റെ മുന്നറിയിപ്പ്. നിലവില്‍ സാവധാനത്തില്‍ നീങ്ങുന്ന ''അക്വാന്‍'' ഈ മാസം 20-ാം തീയതിയോടെ കാക്
Akwaan Cyclone


New delhi, 18 നവംബര്‍ (H.S.)

ബംഗാള്‍ ഉള്‍ക്കടലില്‍ രൂപംകൊണ്ട 'അക്വാന്‍' ചുഴലിക്കാറ്റ് അതിശക്തമായ ചുഴലിക്കാറ്റായി ഉടന്‍ മാറുമെന്ന് കാലാവസ്ഥ വകുപ്പിന്റെ മുന്നറിയിപ്പ്. നിലവില്‍ സാവധാനത്തില്‍ നീങ്ങുന്ന 'അക്വാന്‍' ഈ മാസം 20-ാം തീയതിയോടെ കാക്കിനടയ്ക്ക് സമീപം കരയില്‍ പ്രവേശിക്കുമെന്നാണ് പ്രവചനം. ഇതിന്റെ ഫലമായി ഇന്ന് മുതല്‍ ആന്ധ്രാപ്രദേശിന്റെ തീരപ്രദേശങ്ങളില്‍ മഴ ലഭിക്കാന്‍ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.

ബംഗാള്‍ ഉള്‍ക്കടലിന്റെ തെക്ക്-മധ്യ, പടിഞ്ഞാറ്-മധ്യ ഭാഗങ്ങളിലായി കേന്ദ്രീകരിച്ചിരിക്കുന്ന ഈ ചുഴലിക്കാറ്റ് വടക്ക്-വടക്കുപടിഞ്ഞാറന്‍ ദിശയിലേക്കാണ് നീങ്ങുന്നത്. അടുത്ത ഏതാനും മണിക്കൂറുകള്‍ക്കുള്ളില്‍ ഇത് 'തീവ്ര ചുഴലിക്കാറ്റായി' ശക്തി പ്രാപിക്കുമെന്നാണ് കേന്ദ്ര കാലാവസ്ഥാ വകുപ്പില്‍ നിന്ന് ലഭിക്കുന്ന വിവരങ്ങള്‍.

തുടര്‍ന്ന് വടക്കുപടിഞ്ഞാറന്‍ ദിശയിലേക്ക് അക്വാന്‍ ചുഴലിക്കാറ്റ് നീങ്ങുമ്പോള്‍ വ്യാഴാഴ്ച വൈകുന്നേരത്തോടെ ഇത് അതിശക്തമായ ചുഴലിക്കാറ്റായി മാറുമെന്നാണ് കരുതുന്നത്. കാക്കിനടയ്ക്കും വിശാഖപട്ടണത്തിനും ഇടയില്‍, കാക്കിനടയ്ക്ക് സമീപം വെള്ളിയാഴ്ച ഉച്ചയോടെ ഇത് കരയില്‍ പ്രവേശിക്കാന്‍ സാധ്യതയുണ്ടെന്ന് അധികൃതര്‍ വിലയിരുത്തുന്നു. കരയില്‍ പ്രവേശിക്കുന്ന സമയത്ത് ചുഴലിക്കാറ്റിന്റെ ശക്തിയില്‍ നേരിയ കുറവുണ്ടാകാനും സാധ്യതയുണ്ട്.

'അക്വാന്‍' ചുഴലിക്കാറ്റ് പ്രധാനമായും ആന്ധ്ര, ഒഡീഷ, തമിഴ്നാട് തീരങ്ങളെ ലക്ഷ്യമാക്കി നീങ്ങുന്നതിനാല്‍, ഈ ചുഴലിക്കാറ്റ് കേരളത്തെ നേരിട്ട് ബാധിക്കില്ല. പക്ഷേ, ഇതിന്റെ പരോക്ഷ സ്വാധീനം കേരളത്തിലും പ്രതിഫലിക്കും. ചുഴലിക്കാറ്റ് അതിന്റെ കേന്ദ്രഭാഗത്തേക്ക് അന്തരീക്ഷ ഈര്‍പ്പം ആഗിരണം ചെയ്യുന്നതിനാല്‍, കേരളത്തില്‍ ഈ സമയത്ത് സാധാരണ ലഭിക്കേണ്ട തുലാവര്‍ഷ മഴയില്‍ വലിയ കുറവുണ്ടാകും. ഇതിന്റെ ഫലമായി തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് എന്നീ വടക്കന്‍ മേഖലകളില്‍ വരുംദിവസങ്ങളില്‍ വരണ്ട കാലാവസ്ഥയായിരിക്കും.

മഴ മാറിനില്‍ക്കുന്നതോടെ തിരുവനന്തപുരം, കൊല്ലം, എറണാകുളം, മലപ്പുറം തുടങ്ങിയ ജില്ലകളില്‍ പകല്‍സമയത്തെ ചൂട് ക്രമാതീതമായി ഉയര്‍ന്നേക്കാം. കൊടുങ്കാറ്റിന്റെ സഞ്ചാരപഥം വടക്ക്-വടക്കുപടിഞ്ഞാറ് ദിശയിലായതിനാല്‍, ആന്ധ്രാപ്രദേശിലോ തമിഴ്നാട്ടിലോ ഉണ്ടാകുന്നത് പോലെയുള്ള അതിതീവ്ര മഴയോ ശക്തമായ കാറ്റോ കേരളത്തില്‍ ഉണ്ടാകാന്‍ സാധ്യതയില്ല.

ബംഗാള്‍ ഉള്‍ക്കടലില്‍ ചുഴലിക്കാറ്റ് രൂപപ്പെടുന്ന സാഹചര്യത്തില്‍, ഇന്ത്യന്‍ നാവികസേനയുടെ നേതൃത്വത്തില്‍ നടന്നുവരുന്ന തീരദേശ സുരക്ഷാ പരിശീലന പരിപാടിയായ 'എക്‌സര്‍സൈസ് സീ വിജില്‍ 2026'-ന്റെ ആഴക്കടല്‍ സൈനികാഭ്യാസം താല്‍ക്കാലികമായി മാറ്റിവെച്ചു. പ്രതികൂല കാലാവസ്ഥയും കടലിലെ സുരക്ഷാ മുന്‍കരുതലുകളും കണക്കിലെടുത്താണ് അടിയന്തര തീരുമാനമെന്ന് പ്രതിരോധ സേനാ വക്താവ് ഔദ്യോഗികമായി അറിയിച്ചു.

---------------

Hindusthan Samachar / Sreejith S


Latest News