Madhyapradesh:, 05 നവംബര് (H.S.)

ആര്എസ്എസ് ശതാബ്ദിയുടെ സംഘടനാവികാസത്തില് വലിയ മുന്നേറ്റമുണ്ടായതായി സര്കാര്യവാഹ് ദത്താത്രേയ ഹൊസബാളെ. ഒരു ലക്ഷത്തിലേറെ സ്ഥലങ്ങളില് നേരിട്ടുള്ള സംഘപ്രവര്ത്തനം എത്തിയതായും അദ്ദേഹം വാർത്താസമ്മേളനത്തിൽ പറഞ്ഞു.

ആർ എസ് എസ് സമ്പര്ക്കയജ്ഞത്തിന്റെ ഭാഗമായി രാജ്യത്തെ പത്ത് കോടിയിലേറെ വീടുകളില് സ്വയംസേവകരെത്തി. ഇന്ഡോറിലെ ഡേലി കോളജ് കാമ്പസില് സമാപിച്ച അഖില ഭാരതീയ കാര്യകാരി മണ്ഡലിനു ശേഷം മാധ്യമപ്രവർത്തകരെ കാണുകയായിരുന്നു സര്കാര്യവാഹ്.

398 പേരാണ് ബൈഠക്കില് പങ്കെടുത്തത്. ശതാബ്ദി, സേവന പ്രവര്ത്തനങ്ങളെക്കുറിച്ച് യോഗം വിലയിരുത്തി.

രാജ്യത്തിന്റെ വിവിധ ഭാഗങ്ങളിലുണ്ടായ പ്രകൃതിദുരന്തങ്ങളില് വിവിധ സംഘടനകള്ക്കൊപ്പം സംഘപ്രവര്ത്തകരും സേവനനിരതരായി. മധ്യപ്രദേശ്, ഉത്തര്പ്രദേശ്, ആസാം, ഒഡീഷ, ആന്ധ്രപ്രദേശ് ദുരിതമനുഭവിക്കേണ്ടിവന്നവര്ക്ക് സഹായവുമായി സ്വയംസേവകര് പൂര്ണസമയം ചെലവഴിച്ചുവെന്ന് അദ്ദേഹം പറഞ്ഞു.

രാജ്യത്താകെ 63208 സ്ഥലങ്ങളിലായി 99423 നിത്യശാഖകളാണുള്ളത്. ഈ വര്ഷം മാത്രം 8,156 സ്ഥലങ്ങളില് ശാഖകളെത്തി. 12025 ശാഖകള് വര്ധിച്ചു. 26826 സ്ഥലങ്ങളിലായി ആഴ്ചയിലൊരു ദിവസം ചേരുന്ന 34982 മിലനുകളും 13363 സ്ഥലങ്ങളില് മാസത്തിലൊരു ദിവസം ചേരുന്ന 14,096 സംഘമണ്ഡലികളും നടക്കുന്നു. മിലനുകളുടെ എണ്ണം 2712 ഉം സംഘമണ്ഡലികള് 463 ഉം വര്ധിച്ചു. കഴിഞ്ഞ വര്ഷം 93,156 സ്ഥലങ്ങളിലാണ് സംഘപ്രവര്ത്തനം ഉണ്ടായിരുന്നതെങ്കില് ഇക്കുറി അത് 1,03,397 സ്ഥലങ്ങളായി.ഭൂമിശാസ്ത്രപരമായ ഘടനയില് 46 പ്രാന്തങ്ങളുടെ സ്ഥാനത്ത് ഇനി മുതല് 88 സംഭാഗുകള് ഉണ്ടാകുമെന്ന് സര്കാര്യവാഹ് പറഞ്ഞു.

ശതാബ്ദിയില് രാജ്യത്ത് 65664 ഹിന്ദുസമ്മേളനങ്ങള് നടന്നു. അഞ്ച് കോടിയോളം പേര് (4,93,76,694) അതില് പങ്കെടുത്തു. ഇതില് 2.25 കോടിയിലധികം സ്ത്രീകളായിരുന്നു. അരുണാചല് പ്രദേശ്, ലഡാക്ക്, ആന്ഡമാന് തുടങ്ങിയ സ്ഥലങ്ങളിലും ഹിന്ദു സമ്മേളനങ്ങള് നടന്നു.ഗൃഹസമ്പര്ക്കത്തിന്റെ ഭാഗമായി പത്ത് കോടിയിലേറെ വീടുകളില് (10,22,05,665) സ്വയംസേവകരെത്തി.

കോളജ് വിദ്യാര്ത്ഥികള്ക്കായി 21237 സ്ഥലങ്ങളില് 57,243 പരിപാടികളാണ് സംഘടിപ്പിച്ചത്. 31 ലക്ഷത്തിലേറെ (31,26,404) വിദ്യാര്ത്ഥികള് പങ്കെടുത്തു. യുവ സംരംഭകര്ക്കായി സംഘടിപ്പിച്ച 14285 പരിപാടികളില് ആകെ 690,835 പേര് പങ്കെടുത്തു.പ്രധാനകേന്ദ്രങ്ങളിലായി നടന്ന 3207 പൗരപ്രമുഖ സമ്മേളനങ്ങളില് 429,262 പ്രമുഖരാണ് പങ്കെടുത്തത്. സമൂഹത്തില് സമരസതയും ഒരുമയും വളര്ത്തുന്നതിനായി രാജ്യത്ത് 8,346 സദ്ഭാവ് യോഗങ്ങള് നടന്നു. 379581 സമുദായ നേതാക്കളാണ് ഇതില് പങ്കെടുത്തതെന്ന് സര്കാര്യവാഹ് പറഞ്ഞു.വാര്ത്താസമ്മേളനത്തില് അഖില ഭാരതീയ പ്രചാര് പ്രമുഖ് സുനില് ആംബേക്കറും പങ്കെടുത്തു.

---------------

Hindusthan Samachar / CHANDHU CHANDRASEKHAR