Enter your Email Address to subscribe to our newsletters
Thiruvanathapuram, 24 മാര്ച്ച് (H.S.)
തിരുവനന്തപുരം: സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് വീണ്ടും സമരത്തിലേക്ക്. ഈമാസം 26 മുതല് അനിശ്ചിതകാല പണിമുടക്ക് നടത്തുമെന്ന് യുണൈറ്റഡ് നഴ്സസ് അസോസിയേഷന് അറിയിച്ചു. മാനേജ്മെന്റുകള് ചര്ച്ചയ്ക്ക് തയ്യാറാക്കാത്തതിനാലാണ് സമര പ്രഖ്യാപനം.
ആശുപത്രികളുടെ പ്രവര്ത്തനത്തെ തന്നെ ബാധിച്ച സമരം പിന്നീട് ഹൈക്കോടതി ഇടപെട്ടാണ് മാനേജ്മെന്റും യുഎന്എയും തമ്മില് ചര്ച്ച നടത്താന് തീരുമാനിച്ചത്. എന്നാല് ശമ്പള പരിഷ്കരണം അപ്രായോഗികം എന്ന് മാനേജ്മെന്റ് നിലപാട് എടുത്തതോടെയാണ്. നഴ്സുമാര് വീണ്ടും സമരത്തിലേക്ക് എന്ന് അറിയിച്ചത്.
നേരത്തെ നഴ്സുമാര് നടത്തിയ സമരത്തില് ആശുപത്രികളിലെ ഒ പിയിലടക്കം വലിയ പ്രതിസന്ധികള് നേരിട്ടിരുന്നു. നഴ്സുമാരുടെ അടിസ്ഥാന ശമ്പളം നല്കാന് മാനേജ്മെന്റുകള് തയ്യാറാകുന്നില്ല എന്നതാണ് പ്രധാനമായും യുണൈറ്റഡ് നഴ്സസ് അസോസ്സിയേഷന് ഉന്നയിക്കുന്നത്. നഴ്സുമാരുടെ സമരം സംസ്ഥാനത്തെ സ്വകാര്യ ആശുപത്രികളുടെ പ്രവര്ത്തനത്തെ ഗുരുതരമായി ബാധിക്കും.
അടിസ്ഥാന ശമ്പളം 40000 രൂപയാക്കണമെന്നാവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് യനടത്തിവരുന്ന സമരത്തില് ഹൈക്കോടതി ഇടപ്പെട്ടിരുന്നു. നഴ്സുമാരുടെ സമരത്തെതുടര്ന്ന് ആശുപത്രിയിലെ സേവനങ്ങള് മുടങ്ങരുതെന്ന് ഹൈക്കോടതി സര്ക്കാരിന് നിര്ദേശം നല്കിയത്. നഴ്സുമാരുടെ സമരം ആശുപത്രി സേവനങ്ങള് തടസ്സപ്പെടുത്തിയെന്നും എസ്മ (ആവശ്യ സേവന പരിപാലന നിയമം) പ്രയോഗിക്കണമെന്നും ഹര്ജിക്കാരന് ആവശ്യപ്പെട്ടു. സര്ക്കാരും തൊഴില് വകുപ്പും ആശുപത്രികളിലെ സേവനങ്ങള് മുടങ്ങുന്നില്ലെന്ന് ഉറപ്പാക്കണമെന്നും ആശുപത്രികളില് പൊലീസ് സംരക്ഷണം ഉറപ്പാക്കണമെന്നും കോടതി നിര്ദേശിച്ചു. ജോലി ചെയ്യാന് തയ്യാറാകുന്ന നഴ്സുമാരെ യൂണിയന് അംഗങ്ങള് ഭീഷണിപ്പെടുത്തുന്നില്ലെന്ന് ഉറപ്പാക്കണമെന്നും കോടതി നിര്ദേശിച്ചു. പ്രൈവറ്റ് ഹോസ്പിറ്റല് അസോസിയേഷന് നല്കിയ ഹര്ജി പരിഗണിച്ചാണ് ഹൈക്കോടതി നിര്ദ്ദേശിച്ചിരുന്നു.
---------------
Hindusthan Samachar / Sreejith S
