Raipur, 20 ഏപ്രില്‍ (H.S.)

റായ്പുർ: ഛത്തീസ്ഗഡിലെ നാരായൺപുരിൽ വിമാനം തകർന്നതായി റിപ്പോർട്ട്. സ്വകാര്യ ചാർട്ടേഡ് വിമാനം തകർന്നതായാണ് റിപ്പോർട്ട്. ജസ്പുർ മേഖലയിലെ വനമേഖലയിലാണ് വിമാനം തകർന്നുവീണതെന്നാണ് വിവരം. അപകടത്തിൽ രണ്ട് പൈലറ്റുമാർ കൊല്ലപ്പെട്ടതായി എൻഡിടിവി റിപ്പോർട്ട് ചെയ്യുന്നു. മൂന്നുപേരായിരുന്നു വിമാനത്തിൽ ഉണ്ടായതെന്നും വിവരമുണ്ട്.

വിമാനം താഴ്ന്ന് പറക്കുകയും മരത്തിൽ ചെന്നിടിക്കുകയും തകർന്നു വീഴുകയുമായിരുന്നുവെന്ന് പ്രദേശവാസികൾ പറയുന്നു. വനമേഖലയിൽ നിന്ന് പുകപടലങ്ങൾ ഉയരുന്ന ദൃശ്യങ്ങൾ പുറത്തുവന്നു. ആരൊക്കെ വിമാനത്തിൽ ഉണ്ടായിരുന്നു എന്നത് സംബന്ധിച്ച് വിവരങ്ങൾ പുറത്തുവന്നിട്ടില്ല.

മേഖലയിൽ വിശദമായ പരിശോധനയ്ക്ക് ജസ്പുരിൽ നിന്ന് പോലീസ് ഉദ്യോഗസ്ഥർ പോയിട്ടുണ്ട്. വിശദമായ പരിശോധനയ്ക്ക് ശേഷമായിരിക്കും കൂടുതൽ വിശദാംശങ്ങൾ പുറത്തുവരിക.

---------------

Hindusthan Samachar / Sreejith S